بنات زوجي أدمن على لعبة أنتقام السلاطين كل ماأقول بيمل ويكرهها الآقيه يدمن عليها أكثر وتعرف على شباب في اللعبه صاروا كنهم ربعه حتى صاروا يتواعدون في مجلس واحد منهم ويلعبون مع بعض وصار يتعرف على شباب برى البلاد من بلاد ثانيه ويتواعد يسافر معهم ويستانسون ، بنات أنا واثقه من زوجي ماعنده خرابيط البنات أبد حتى مايرفع عينه ع البنات ويحقد ع البنات المتبرجات اللي يمشون وهم حاطين فل مكياج أو مو متسترين على العلم أنا مستريني من راسي لرجليني من تغطية العيون والقلافز والشراب فهمتوا علي بس أحس أنا أن اللعبة هي ضرتي الثانيه من كثر ماهو مدمن عليه في أي مكان بالبيت وبرى وبكل مكان يروح له حتى يقوم من النوم مخترع خايف لاتكون الحماية أنفكت 😭 صرت أخترع أصحى معاه ، اللعبه فيهاا بنات وأخاف يحتكون فيه مو خوفي هو يحتك فيهم لأني واثقه مايكلمهم الا بأيطار اللعبه ، وحاط صورته وأسمه والبنات أكيد راح يتغزلون فيه ي بنات أنا غيورة مره وكل مره نتهاوش ع هاللعبه بسبب غيرتي حتى يوريني ويفتح لي الخاص حقه والآقي البنات يمسجونه وهو مايرد عليهم لكن على قولتهم كثر الدق يفك الحديد أخاف ينجرف ،، هو يقول أنا أتسلى بهاللعبه مع الشباب مالي شغل بالبنات ، ساعدوني وش تنصحوني 😢 ..
صار له 9 شهور ع هاللعبه أقول راح يبطل والآقيه يتعمق ..
إذا حد يعرف اللعبه عدل تخبرني هل فيه تواصل للبنات أو شي غير الخاص أو طرق ثانيه البنت تقدر تحتك فيها مع زوجي عشان أنشب له وأفتش ماني مرتاحه من هاللعبه والله 😖
العضوة: 494 , 10 years ago
يااختي.نصيحة،صلي،صلاة،الاستخارة،لرب،العالمين،واستخيري،ربي إذا هذي لعبة فيها خير هي وصحاب،لي فيها،وإذا فيها شر يصرفها ربي عليه بعيد موعاد يحبها،وإذا انت.حامل.سوي روحك،مريضة،وانت،لازمك،عناية،من،ناحية،الجسدية.والنفسية.ولازم،يهتم،فيك،أكثر.من،اللعبة،وخليه يسمع،مشايخ،على،تبذير،الوقت،وفيما،اسرف،الوقت،بس،لازم،تكوني،ذكية،وماتصرخين،لازم،تناقشيه،بهدوء،وقوليله،تعال،اوريك،شيئ اعجبني،وسمعيه،الدرس بس يكون صغير،عشان مايمل.ويكون،من،مشايخ،السعودية،فوزان،الفوزان،ولا،العثيميين،او ابن باز،صالح،المنجد.والله،يوفقكالعضوة: 8086 , 10 years ago
أم حواء عسى ربي يسعدك دنيا وآخره على ردك أخذتي من وقتك ورديتي عسى ربي يسعدك مع زوجك ويخليلك أطفالك وماتشوفي بيوم كدر مشكورة ي قلبي ؛ أن شاء الله أعمل بنصيحتكالعضوة: 11081 , 10 years ago
والله اول مرة اسمع بهذي اللعبة بس رح قلك استودعي زوجك لله وماراح يطالع غيرك ان شاء اللهالعضوة: 8086 , 10 years ago
اللهم أني أستودعتك قلبه وبصره فأحفظه لي ي الله وسخره لي ؛ مشكورة أختي عسى ربي يسعدك في حياتك مع زوجك وتكوني مرتاحه البال دائماالعضوة: 494 , 10 years ago
والله،يااختي،لو،كان،بايدي،مااخلي،مرأة،تعاني،او،ىجال،يعاني،المرأة،تخطئ.والرجل،يخطئ،ايضا،بس غيرة،المرأة،ولا،رجال،يقدر،يفهمها.او يحس فيها إلا،النبي،عليه،الصلاة،والسلام،هو،وصى،على،المرأة،بس،الله،المستعان،المهم،حبيبتي،الله،يوفقك،ويعينك،ودعي،رب العالمين،مادمك،تستعيني،باالله،في الخير،راح،يفرجها،رب العالمين.وممكن،يكون،شوي،صعوبات،بس،انت،اصبري.ودعي،رب العالمين،كل،إمراة،فادنيا،تعاني،من،كل،رجال،وكل،رجال،يعاني،من،أمرأة،الكمال،لله،يوم،يخطئ،هو،ويوم،انت،بس،المهم،النصيحة،والصبر،الله،يصبرنا كلناالعضوة: 2325 , 10 years ago
انا بقولك شي انا قبل فتره زوجي ادمن كلاش اوف كلانس وحملتها مثله واي لعبه اشوفه حملها احملها واقوله عنها كاني مدري انها عنده واقوله بروح ادور قروب بس المشكله يمكن فيها رجال فيترك قروبه ويسوي قروب لي انا وياه او اخواته معنا اقولهم عليها ويعلمني العبها وصرنا نتشارك سوالفنا فيها..مقصدي احتويه واي شي تحسيه مندمج فيه حاولي تندمجي معه وحسسيه انك تبين تلعبينها كمان 😊والله صرنا نحارب ونغزي قرى ويرسلي دفاعات وادمنت اللعبه معه😂..العضوة: 8086 , 10 years ago
أم حواء كلامك جدا جميل أن دل ؛ دل على أنسانه واعيه وراقيه بالحوار عسى الله يسعدك وتنولي كل ماتتمنينهالعضوة: 8086 , 10 years ago
ام ليان في بداية زواجي كانت هاللعبه عنده وحملها لي في جوالي وصرنا نلعبها انا وهو وكان يقول لي لاتسولفين بالقروب العام كنت أسمع كلامه وماكنت أدخل وكان مسوي كلان لي وله فقط يساعدني وأساعده بعدين مل منها وتركها وراح لهاذي اللعبه أنتقام السلاطين وأنا من بعده كرهت اللعبه وحذفتهاالعضوة: 8086 , 10 years ago
ومن غيرتي عليه قلت بحمل اللعبه اللي أنت محملها وبلعب قال لاتحملينها لأن الأغلبية شباب مو مثل كلاش قلت أبي أشوف شو تحتوي عليه هاللعبه قال لاتحملينها هي حقت شباب أكثر منها للبنات وتشوفيني منقهره 💔العضوة: 8086 , 10 years ago
مع العلم ماصار على زواجنا الا سنه و 8 شهور 😳العضوة: 10029 , 10 years ago
لاتقهري حالك بالآخر هيي لعبة..وكل رجال عنده سوسة مو أحسن مايكون نسونجي او بيشرب او بيضربك او بيسهر برات البيت وبخليكي لحالك...انا جوزي بيلعب كلاش عادي استوعبه و اقعد جنبه واشجعه😍😘العضوة: 8086 , 10 years ago
جوري الله يصبرني مشكورة ع ردك حبيبتيالعضوة: 13933 , 10 years ago
زوجي مدمن كوره وبلاستيشن والحين طاح بالبوكيمون وتعبت وانا اتحلف اني احذف الالعاب واكسر البلاستيشن بس مافيه فايده مددددمن بشكل فضيع البوكيمون عاد اخاف عليه لما يسوق راسه بالجوال دايم خليها على ربك بسالعضوة: 13933 , 10 years ago
تخيلي من كثر الهواش صار ينبسط لما اروح لاهلي ياخذ راحته يلعب ومحد يقوله شي الاسبوع اللي طاف قعدت ابكي قلت له مابي اروح لاهلي ولا ابي العاب ابيك تقعد معاي وحلف لي انه يتركهم تخيلي يومين بس ورجع يلعب من جديد 😩العضوة: 13933 , 10 years ago
كنت اول اشك فيه انه يراسل بنات وكذا تخيلي حذف السناب والانستقرام وتويتر قدامي وقال انا ماكلم بنات وخلا جوالاته بدون باسوورد عشان اثق فيه بس اكتشفت انه مو بنات العاب 💔