انا عملت حقن مجهري والحمد لله نجح واول سونار عملته ظهر الكيسين كيس فيه جنين وكيس فاضي والمره التانيه كبر الجنين الاول وظهر الجنين التاني بس حجم الكيسين مختلف واحد كبير عن التاني انا في الاسبوع التاسع ونبض الجنين الاول والتاني ظهروا من اسبوع انهارده وانا نايمه نزل عليا مايه كتير لدرجه حسيت اني بعمل حمام ع نفسي قومت بسرعه واول ما قومت لقيت حاجه وقعت مني ورجلي متغرقه دم نزل مني كتله عباره عن قطعه كبده مدوره وليها ديل روحت الطوارئ قالولي الجنينين فيهم نبض وكويسين بس في كتله دم ف الرحم ولازم اوقف ابر السيوله لانها السبب بصراحه اتصلت ع الدكتور اللي بتابع معاه لاني خوفت اعمل كده لاني اجهضت مرتين قبل كده بسبب تخثر الدم قالي لو وقفتيها هتسقطي حالا من ساعتها وانا نايمه ع ضهري وبردوا فيه دم لسه بينزل انا اول الحمل كنت باخد ابر تثبيت وهوا قالي وقفيها وخدي لبوس برونتوجيست 400 مرتين في اليوم المشكله اني لسه هروحله يوم السبت وانا خايفه من الدم اللي بينزل ومش عارفه ده من ايه والنبي لو حد فيكوا حصلوا زيي يقولي عمل ايه لاحسن انا تعبانه وخايفه وادعولي يا بنات ان ميحصلش حاجه للاجنه ادعولي بالله عليكوا
العضوة: 407501 , 7 years ago
@user-354034 والله انا سمعت بكل حاجه وعرفت حاجات اد كده في خلال ال 3 سنين دول وقريت عن كل العمليات اللي بيعملوها لزياده فرص الحمل بقيت خبره بس هوا اسمه تلقيح صناعي مش مجهري المجهري ده اللي انا عملاهالعضوة: 412352 , 7 years ago
ايووه فهمت الحين كم سعر الحقن المجهري وتحديد الجنس لاني ابغى ولد بالجنيه المصري وممكن تقليلي اسم الدكتور والمركز الي عملتي فيه الحقنالعضوة: 354034 , 7 years ago
يمكن انا فهمت غلط اذا عندج خبره ممكن تفهمينيالعضوة: 407501 , 7 years ago
@user-344752 تعرفي لسه واخده بالي انهارده ان البول غامق جدا وقولت لجوزي هخليه يعملي تحليل بول عشان اطمن لاني مش بشرب كتير الصراحه بس بعد اللي شوفته ده هشرب وهستحمل كلكعه حقن التثبيت مش مشكله بس ربنا يكرمني واقوم بالسلامه وهوا قالي طلاما مفيش وجع في البطن ولا الظهر متقلقيش اللي حصلك ده بسبب ان جسمك ما استقبلش لبوس التثبيت ومحصلش امتصاص ليه وقالي لازم تاخدي حقن التثبيت تاني وربنا يسترهاالعضوة: 407501 , 7 years ago
@user-197226 لا خالص ده انا ظابطه المنبه وباخدها كل يوم في نفس الميعاد وهيا هيا نفس الشركه بس هوا ممكن يكون جسمي محتاج جرعه زياده زي ما قاليالعضوة: 197226 , 7 years ago
@user-407501 دلوقتي انا اخد ابر الهيباريبن قصدك يعني لازم اخدها في ساعه معينة ولا عادي في وقت في الليل؟؟؟ لانى انا باخدها بليل بس مره الساعه12 ومره1العضوة: 407501 , 7 years ago
@user-412352 المركز اسمه مركز حورس والدكتور اسمه محمد مصيلحي وعنوانه شارع المنيل امام بنك عوده هوا تكلفه ايده 16 الف وخدت حقن بحوالي 10000 وتحاليل طلبها بالف جنيه كل ده غير ابر السيوله كتبهالي من اول عمليه السحب الابره ب 65 ج كل يوم واحده وكشفه 310 والاستشاره 110 بس صراحه معرفش بيزود كام ع سعر تحديد جنس الجنين اكتبي اسم المركز ع الفيس هيظهرلك صفحه المركز وابعتيلهم رساله وهما هيردوا عليكيالعضوة: 412352 , 7 years ago
جزاك الله خير اختي ❤العضوة: 407501 , 7 years ago
@user-197226 غلط لازم كل يوم في نفس الميعاد انا باخدها كل يوم 4 العصر من ساعه ما عملت العمليه وقالي هيا والمثبتات لازم يبقوا مواعيدهم واحده يعني لو خدتي المثبت الساعه 12 يبقي كل يوم في نفس الميعاد ونفس الكلام ع حقن السيولهالعضوة: 407501 , 7 years ago
@user-354034 التلقيح الصناعي لو هتعمليه نسبه نجاحه اقل يعني 20 في الميه بياخدوا سائل الزوج ويدخلوه المعمل ويختاروا الحيوان الكويس اللي مش فيه تشوهات وحركته سريعه ويجهزوكي انتي قبلها واخده المنشطات كبرت بويضه كبرت اتنين ع حسب بيدوكي حقنه تفجيريه ويحددوا ميعاد العمليه وياخدوا الحيوان المنوي بابره مطاطيه يدخلوه الرحم عندك بحيث اول ما البويضه توصل الرحم الحيوان يلقحها انا كنت ممكن اعمله بس جوزي زهق كل كام شهر فلوس وعمليه وفي الاخر مفيش نتيجه كويسه بقينا نقول لو نعرف ان ده هيحصلنا من الاول كنا وفرنا الفلوس وجينا عملنا حقن مجهري من الاول فانتي شوفي لو هتقدري تعملي حقن مجهري وجوزك معاه مبلغ كويس يبقي نصيحه خليكي في الحقن المجهري نتيجته اضمن وتقدري تحطي طفلين او تلاته حسب الرحم بتاعك يقدر يستقبل اد ايه وربنا يارب يكرمك بالذريه الصالحه وما تشوفي اللي الواحد شافه ويفرحك بخبر حملك قريبالعضوة: 412352 , 7 years ago
@user-407501 الله يثبت حملك ويقومك بالسلامهالعضوة: 197226 , 7 years ago
بس انا معملتش حقن مجهرىالعضوة: 407501 , 7 years ago
@user-412352 ربنا يرزقك باللي بتتمنيه يارب ويفرح قلبك بالولد الصالحالعضوة: 412352 , 7 years ago
آمين يارب واياكالعضوة: 407501 , 7 years ago
@user-197226 مش شرط معروف ان ابر السيوله تاخديها كل يوم في نفس الميعاد واسألي بردوا الدكتور اللي بتابعي معاه ويارب يقومك بالسلامه