العضوة: 57930 , 9 years ago

@user-72588 هلووو حبي شلونج شخبارج شخبار الحمل وياج اني يوم عن يوم جاي اتعب بالزايد والله راسي كام يوجعني من البجي تعبت بعد ماتحمل الهبوط تعبني حيل ماكدر اشيل راسي الدنيا تفتر بية ودكات كلبي 130مدا تنزل عندي خفقان موطبيعي راح ابدي اخذ ابر بالعضلة لان بعد ماتحمل ماعندي طاقة اكمل بيهة هذا الشهر بلكت تصعد نسبة الدم احس مخنوكة والله

العضوة: 72588 , 9 years ago

@user-57930 هلووو حبيبتي..خطية الله يساعدج هاي ليش هيج هبوط عندج شنو متاكلين

العضوة: 72588 , 9 years ago

@user-57930 والله اني هم اليوم موزينه والله وتعاركت ويه زوجي قبل السحور ومسحرت وإني اصلا بلفطور ممكاله هواية وبجيت بجيت ونمت والطفل أبد متحرك اليوم مادري ليش

العضوة: 72588 , 9 years ago

@user-57930 وهم دايخه كوه كمت نضفت وهسه رجعت نمت

العضوة: 57930 , 9 years ago

@user-72588 لا والله اني دا اكل بس لان فقر دم يصير عندي هبوط كالت الدكتورة اذا للتاسع تبقة هاي النسبة انديرلج دم واني ماريد ادير دم ماعرف مصدرة منين لهيج راح ابدي اخذ ابر بلكت تصعد النسبة والخفقان من السادس شكل وياية

العضوة: 57930 , 9 years ago

@user-72588 هههههههه اني سبقتج البارحة تعاركت باليل وبجيت وعيطت وحجيت لمن الله كلي بس حتة كلت خلي احضر جنطتي يمكن راح صير عندي ولادة

العضوة: 72588 , 9 years ago

@user-57930 لا انشالله تصعد نسبه دمج

العضوة: 72588 , 9 years ago

@user-57930 ههههههههه ليش تعاركتي؟اني هم والله كلت حجيب صار وجع قوي بطني واخذت حبايه مال تقلصات

العضوة: 57930 , 9 years ago

@user-72588 اجة 12باليل كان يم جوارينهم وتأخر واني وصيتة يجيبلي غراض ومجابهن وصارت حجاية منا وحجاية منا وكبينة بس صدوك فرفح كلبي انقهرت ماخليت شي ماكلتة حتة بطني كامت توجعني كلت راح اجيب اخر شي تعبت وسكتت

العضوة: 76342 , 9 years ago

اشربي ليمون كثييير بدون ماي ولا سكر

العضوة: 72588 , 9 years ago

@user-57930 ههههههههه نفس عركاتي .اني طلع ب9راح للقاعه مال حديد كتلة ضايجه خلي نروح نأكل موطه صارلك سبوع يوميه اتكلي بأجر كال ميخالف اليوم اوديج بس هسه اروح اتمرن وارجع ساعه واجي لل10 اني هم كمت حيل حيل كملت شغلاتي وسبحت وكعدت صارت ب10وماكو ب11ماكو ب12ماكو ب1ماكو ب1وثلث دزلي رساله كال اني يم سيد صاحبي بجامع صلاه ليله القدر فد اشويه اجي حته نسحر زين احنه ماعدنه صمون السحور وإني اعتمد موصيته من طلع كلت هسه يجي ومن نطلع نشتري رصيد ماعندي اخابره وماكو تحد بلبيت كلهم راحو يصلون انقهرت هم لأن ضربني بوري وهم منا ماعندي رصيد أخابر كعدت بجيت بجيت وطفيت الضوء ونمت اجاني ب3اله ربع يله سويلنه سحور كتلة ماسوي روح خلي أمك سويلك وإني ماصوم بأجر.

العضوة: 72588 , 9 years ago

@user-57930 تالي عميت على روحي وهو اتسحر سوتله عمتي علسريع وأكل وإني ضليت جوعانه صمت بله سحور وضل يضحك عليه

العضوة: 72588 , 9 years ago

@user-57930 يكلي شبيج كومي والله بأجر اوديج اوكلج موطه واوديج لهلج كتلة ماريد. هسه قبل شويه كال ها تروحين لهلج كتلة لا خاله هدوم بلغساله وممحضره روحي عود باجر

العضوة: 72588 , 9 years ago

@user-57930 ذاك اليوم من كتلج معدتي اتخربطت من البيض ثاني يوم كتلة حيدر أني نفسي لعبت من البيض واجبان خلصت جيبلي وياك للسحوؤ كال ميخالف هو صدك طلع ب10واجاني ب1ونص كلشي مجايب هم بجيت وصحيت كتله ماصوم باجر تالي ب2اله ربع راح يفتر كوه لكه محل مفتح جابلي واجه

العضوة: 57930 , 9 years ago

@user-72588 اي اني هم موصيتة اجبان وكلنكس وكم حاجة اجة كولشي مجايب بس يونس بنفسة وهاي مواول مرة يسويهة بعدين تندمت كلت يمة لوصاير عليه شي منو يفيدني خلي اجيب بسلامة واني الة استعدلة هسة مااكدر على. النص واتعب حتة الحجي يطير بس هم ماكدر اسد حلكي لازم احجي وبجي موبيدي