مرحبا  صبايا  عندي  مشكل  بدي  تعطوني  حل  . لي ماعجبها  الموضوع  لا تدخل  ماحدا  مجبور .هي قصتي بس ماحكيت كلشي لانو الكلمات ماراح تكفي.  انا جوزي  سوري  و انا  جزائرية  . اجا  خطب  و كتبنا  كتابنا  و جاب  أخوه  كان مضطهد  و مو لقيان  وين  ينام  حالتو  حاله  و يشتغل  عند  واحد  مو منيح  مابدي  احكي  عل  المنطقه  لي كان فيها  مشان  ماحدا  يزعل  المهم  كان  بغربه .قلي  جيبو  عندكم  يقعد  قلتلو  أي  أهلا  وسهلا  و أهلي  مارفضو  ابي  صار  يدورلو  على شغل  و الله  كنت  بعزو  و بحبو  كتير  لو أخواتي  يغلطو  معو  بتخانق  معهم  . بس صار  شريك  مع واحد  صار  يتكبر  ابي  صار  بنصحو  هو  مو عاملو  حساب  بعدين  ضحك  عليه  شريكو  أهلي  عطوه  مصاري  حكولو  بدنا  نشارك  معك  مصاري  حق  الإيجار  و حق  الصالون  كلو  ..هو لعب  عليهم  يظل  يسهر  و أكل  مطاعم  و مابعرف  شو .حتى  صار  يدخل  بيني  بين  جوزي اجا  جوزي ستقر  هون  بالجزائر  وجوزنا  ابي  ميسور  الحال  عاطينا  بيت   و جوزي  جاب  غراض  و عفش  . وقت  كنت  بفترة  الخطوبة  كان  أخوه  يحاسبني  عالصلاه  طبعا  البنت  الها  ايام  مابتصلي   . هو صار  يحرض جوزي  و مرات  يجي  يواقحني  صليتي  العمى  مابيستحي  المهم  مره  حط  مبايلو  عندي  كنت  شوف  فيديو  وصلتو  رسالة  من عند جوزي  فتحها  لقيت  الرسائل  المكتوبه  مرتك  ماعم  تصلي  مشان  هيك  ماعم  تلاقي  شغل  و مسكره  بوشها  و مصانع  ماعم  يستقبلوها  نصدمت  كانو  حدا  ضربني  كف  دايقت  . انا بطريقه  غير مباشرة  حكيت  مع جوزي  شوف أخوك  عم يسألني أسأله  محرجة  اتفاهم  معو  ..  بعد الزواج  نحنا  عرسان  جداد  صارت  جيه  أخوه  عالبيت  مو طبيعية   و لو  بالنهار  و الله بكون  انا  مابستحي   بثاني  شهر  صار  يجي  يوميا   و أغلب  الوقت  ساعه  12 ليل   1 أو 2  و من غير  مايدق  بصير  انا  وجوزي  نركض  هون  و هون  كانو  حبيبتو  مافي خصوصيات مرات  نكون  بعلاقه  يجي  يدق  نقوم   كل مره  هيك  صرت  عصب  بينلو  لجوزي  بس  مااحكي  و هو مايحكي  شي  مع أخوه  كل يوم  هيك  مرات  يجيب  صحابو  عالساعه  12  بالليل  مايروحو  إلا  عالساعه  3 الصبح  مره  طلع  جارنا  سبو  طبعا  الرجال  يقعدو  بغرفه  القعدة  مو الصالون  و انا محبوسه  بالغرفه بعدها  حبلت  بالنسبة  الي  كانت  معجزه  . ظليت  شهرين  و طرحت  قعدنا  عند  أهلي  انا  بعدما  نضفت   شتقت  لبيتي  و بكون  انا  وجوزي  لحالنا  كنت  لس تعبانة  رحت  بالطريق  أخوه  دقلو  قلو  تع نام  عدنا  انا  متت  من قهري  . رحت  عالغرفه  استناه  و هو سهران  معو   لساعة  3 اجا  بدو  يضمني  قلتلو  بعد  عني  . قلي  شبكي قلتلو  خليني  ساكته  قلي  شو منشان  أخي  زعلانه   قلي  شو بلشتي  تدايقي  من جيه  أخي  صار بيناتنا  نقاش  زعلت  و نمت  و هو نام  ساعه  3 الصبح  اجاني  وجع  و دوخه  و جسمي  تعوق  و بلشت  ارجع  حموضه  و معي  إسهال  قوي  و دم  بني  . المهم  فيقتو  رحت  عالتولات  و أخوه  قتلان  ميت  نايم  . كنا  وقتها  من دون  سياره  دق  لأمي  اجو  اخذوني  استعجالات  عطاني  إبرة  و عرف  حالتي  انو سقطت  توأم  و الي  12 يوم  قليل ليش  زعلتي  ماينفعك  الزعل  بيمرضك  و هاد  حكم  الله  و انا  بقلبي  بحكي  لو بتعرف  شو سبب  . رحنا  و حكينا  و تصالحنا  بس أخوه  لس على نفس  الحاله  . مره  كنت  اعمل  مكدوس  20 كيلو   المهم  دقيت  لجوزي  قلتلو  لا تأكل  شي  برا  لانو  طابختلك  اكله  بتحبها  و جيب  اخوك  اذا  بدك  يأكل  معنا   المهم  اجا  و ما اجا  أخوه  و احنا  نسكب  أكل  دق أخوه  بدو  يأخذ  السيارة   قلتلو  خليه  يطلع  يأكل  طبعا  انا  بتحجب  قدامو  . و نحنا  نتعشى   كانت 11  بالليل  جوزي شغلو  هيك  يتاخر   انا  متواعده  مع جوزي  في سهره  اليوم  قلو  أخوه  قوم  تروح  معي  يعني  فوق  مو طول  النهار  غايب  عني  و بدك  تاخذو  يسهر  و أنا  بيتي  بالطابق  14  و جوزي  يقلو  تعبان  عندي  سفره  بكير  .قلو  ماني  قايم  من مكاني  لتجي  معي  .انا دايقت  بس ماحكيت  و لا بينت  قلي  بلا  شي  نص ساعه  و نرجع  قتلو  ماشي  من فوق  قلبي  .رحت  شطفت  البيت  عالزعل  و ملحت  المكدوس  و صفيتو  و غسلت  الصحون  ضبيت  كل شي  صارت  1 و نض   قمت  تحممت  و سشورت   شرف  جوزي  عال 2 ونص  ماقدرت  أطلع  بوشو  بصراحة   . اجا  عندي  قلتلو  روح  بعد  عني  و انا  طبعا  مشان  اقهرو  لبست  قصير  و شعري  اسود  مسشور كنت  بطير  العقل  انا  عجبتني  حالي  ههه. راحت  ضرتي  نامت اي هو  أخوه  ههه طبعا  بناديلو  ضرتي  . و جوزي  اجا  يلمسني  قشعر  بدني.  احكي  فهمني  بدك  تضحك  علي  بكلمتن  ووتمشيني  اييي لاء  مو انا. نمت  و تركتو  الصبح  ماصبح  علي  تركني  نايمة  و راح  انا  ماوراي  شي  بيتي  نضيف  و طبخ  زاد  كبسة  و صلطه  و مقبلات  و اكلات  طيبة  و حلو و صلطه  فاكهة  ...  المسا  دقلي  رديت  أي  قلي  اي و سكر  بوشي  و انا  مامعي  رصيد  .  بعتت لأمي عالواتس  ابعتيلي  رصيد  و هي  بتسال  شوفي  قلتلها  ابعتي  و خلصيني  .. بعتتلي  دقيتلو  و علي صوتي  و صوتو  و انا  بحكي  و بصرخ حقي صرح  مقهوره  و الله  مقهورة  . قلتلو  تع نحكي لي مانحكى  أمس ينحكى  هلا  قلي  مو فاضي  قلتلو  يا تجي  ياروح  عند  أهلي  اذا طلعت  مالي  رجعة  عالبيت  . اجا  فورا كنت  أبكي  بس فات  مسحت  دموعي  بس عيوني  حمر  و وشي  طماطم  و أنفي  كرزه  أحمر   . شفتو  سكتت  و هو سكت  اجا  يضمني  نزلت  حكي  و دفشتو  .اخوك  مايستحي  و شو مفكرني  انا مرتك  مو صاحبتك و بلشت  احكي  و احكي  و هو يسمعني  قلي  مو غلطانه  قلتلو  حطلو  حد  يستحي  على حالو   قلي  مافيني  قلعو  .قلي  هو صغير مايفهم  بأمور  المزوجين  قلتلو  بالله فى حدا  22 سنة  مابيفهم  ليش بدو  بجوز  و قتلان  و ينط  من بنت لبنت  قلتلو  عمل  حل  و فوتت  كل شي  ببعضو  .يعني  أمو  لي ماجبنا  سيرتها  عمرها  ماحبتني و كانت  تاذيني  بالحكي  و انا  ساكت  6 سنوات  ساكته  بس لهون  و بس  نزلت  قصف و هو ساكت  بعدين  سكت  و قلي  جيبيلي  مي  قلبي  .. جبتلو  مي  قتلو  قلي  اذا  غلطانه  قلي  مانك  غلطانه  .. تصالحنا  بس انا  لي بقلبي  ماراح  كرهتو  لاخوه  و أمو  معامله  لا أكثر  .و كتير  شغلات  عملهم و انا  ساكته  يعني  شو الحل و لا لانو  بنت  ناس  و عالم  هيك  بيصير  فيني  .بعدها  بيومين  اجا  جوزي  كان  بلش  صلاة  العشاء  و انا  بس سمعت رنة  فتت  ركض  عالتوالات  و هو يرن  و يتصل  مبايل  .بعدين  انا  ظليت  محبوسه  بالتوالات  و جوزي  فتح  شو بيقلو  قلو   ليش  طولت  لفتحت  . قلو  جوزي  كنت  عم صلي  . بس راح  طلعت قلي  جوزي  حقك  علي  و راح  اليوم  لي بعدو  جوزي  مسكو  قلو  وقت بدك  تجي  دقلي   أو اعطيني  خبر  من أول  لانو  عم تحرجتي  .قلو  أسفه  اول  مره  اجي  عند  ناس  متزوجين بالله  عاملي  فيها  مايفهم  . مرت  الأيام  و راح  لي راح  .و صار  كتير  شغلات  مرات  الساعة  2 أو 3 أو 1 يدقلو  تع  خذني  مرات  نكون  على  علاقة  جوزي  صار  يمل  .. بعدها  عرمضان  رحنا  لبيت  أهلي  نصوم  معهم  لانو  جوزي  يتأخر  بالشغل  طول  اليوم  لحال  و كنا  نفطر  شباب  سوريين  ماعندهم  اهاليهم  بهالشهر  الفضيل   كنا  نام  عند  أهلي  بيت  كبير  ماشاء  الله جوزي  الوقت  الوحيد  لي شوفو  فيه  وقت  الإفطار  ووقت  السحور  كان  هالنص  ساعه  يحسدني  فيها  ركبت  جلالة  عالباب  أخو  جوزي  يبلش  يدق  وواقف  عند  باب  شوي و يفوت  يوميا  هيك  و عالسحور  يقلو  تع  سهر  معي  أو وصلني  أي شي  حتى  أخواتي  لاحظو  هالشي  ابي  امي  . انا  صرت  ادايق  .بس الله  كرمني  و حبلت   بلش  الوحام  معي  . ظلنا  عند  أهلي  لانو  راحه  تامه  مسقطه  من قبل  و بيتي  ارضيتو  مو منيحه  يتعب  بالشطف  حكيت  بصلحها  بس  ليصير  مع جوزي  مصاري  أول شي  . و الله  بصراحة  رتحت  منو  .اليوم  جوزي  طلعلي  بغنيه  جديده  كان  أخوه  نايم  عندنا  و انا  مرضانه  كلاوي  ووحام  . فاق  عالمغرب  أخو  جوزي انا  كنت  قاعده  بعدين  عالعشا  راح يجيب  جوزي  .بس اجو  لقاني  جوزي  متسطحه   قلي  قومي  سلمي  على أخي  ضربتني  صاعقه  من وين  طلعلي  بهي  كمان   انا  هون  شكيت  انو  أخوه  قلو  مرتك  طول  النهار  ماشفتها  .رحت  لبست  سترت  حالي  و رحت  على  غرفه  الجلوس  حكيت  لأمي  شو صار  و انا  عم استناه  انا  الي  يومين  مو اكله  مو متحمله  المطبخ  بخصوص  اليوم  سمك  و ريحتو  معبايه  المطبخ  كانو  أخواتي  و جوزي  و أخوه  .مارحت  عالمطبخ  .بعد  ماخلصو  عشا  راح  جوزي  على غرفتنا  و أخوه  راح  عالصالون  . رحت  عند  جوزي  قلي  ليش  ماسلمتي  على أخي  وفايته  طالعه  ومدري  شو  قتلو  اخوك  طول  النهار  مندحش  بالصالون   ستنيتو  بغرفه  القعده  قلي  شو مستنيه  هو راح  يجي يسلم  عليكي  انا دايقت   قلتلو  بدك  تعملي  فيها  قصه  و رحت  و تركتو  شوف  تلفزيون انا  عمري 27 سنه  و جوزي   32  و أخوه  22 . امي  حكتلي  شوفي  حكيتلها  حكتلي  لا تتخانقي  معو  عديها  سكتت  اجا  قعد  يمزح  مع امي  و يسالني  هي هيك  أو هيك  وانا  إجابتي  أي لا . قال  لأمي  شبها  حكتلو  تعبانه   مااكلت  شي  اليوم  .   ظليت  ساكته  بعد   فتره  راح  قال  بدي  نام   رحت  عالغرفه  تسطحت  ظل  مع أخوة  نص ساعه  واجا  عندي  كانو  مو صاير  شي   و ضمني  قلي  تعبانة  قلتلو  لا  .بعدين  هو نام  هلا  عم يشحر  و أنا  بحكي  قصتي  .  احكولي  بس مشان  الله غلطانه  شي  انا   و شلون  أتصرف  الصبح  عم استنى  بس يروح  أخوه  بفتح  سيرة  شو صار  و مو واجب  علي  سلم  على أخوه  موومجبوره  و  أخوه  هاد  ولامره  رفع  السماعة  و سأل  عني   من غير انو حشر حالو بكلشي ..انا دارسة صيدلة قلو شو بدك تخلي مرتك تشتغل و حشر حالو بالسيارة مانكتبها