10 years ago
  • المرحلة الأولى ( اول 3 اشهر)
بنات انا توي بأول حياتتي توي متزوجه مالي ست شهور و فتحت جوال زوجي و شفت له محادثه مع واحد و يسبننني عنده و تلفظ علي باالفاظ استحي اكتبها لكم والله مع اني والله ما سويت شي ولا غلطت بشي و يحبني و احبه بداية الزواج شفت الكلام و ماقدرت اواجهه و اتكلم صراحه خفت من المشاكل و تروح لذة ايامي و كتمت بقلبي بس ماعاد اتحمللل مره صار اي شي تافه يصير احقد عليههه و اكرههه بسبب الشي اللي ف قلبي و الصدق الحين ماعاد شفته يتكلم زي اول الزواج و وجعتني هالكلمه اللي شفتها والله وش اسوي اصارحه عشان يبررلي و يفهمني و ارتاح ولا اسكت و اتناسى 😭💔

25 تعليقات

العضوة: 18552 , 10 years ago

يسبك عند مين ي بنت يمكن مايقصدك يقصد شخص ثاني

العضوة: 21820 , 10 years ago

@user-22460 انا بقلك انسي

العضوة: 17314 , 10 years ago

نصيحه انسي صدقيني لو قلتيله بتطيحين من عينه اولا لانك فتحتي جواله من وراه وماراح يثق فيك خلاص وبعدين الشي الثاني انسي الموضوع وتعوذي من بليس وعيشي يومك وطنشي هذا بليس يلعب براسك ويذكرك بشي قديم يبغى يخرب عليك حياتك تعوذي من بليس وانبسطي

العضوة: 7564 , 10 years ago

انتبهي يا اختي لاتفتحين عليك باب مسكر..فتحك للجوال من وراه أكبر غلط.. انتبهي لاتقولين له راح تطيحين من عينه عيشي حياتك وحاولي تخلينه يحبك باهتمامك به وبنفسك وانسي تماما سالفة الجوال..أكبر غلط تسويه الوحدة بزواجها انها تفتح جوال زوجها..دامك عايشة معه تمام ليش تفتحين عليك باب مشاكل.. الله يسخره لك ويسعدك معاه

العضوة: 18753 , 10 years ago

والله ماادري وش اقولك بس مايحتاج تقولين له واعتبري السب مو لك وحطي ببالك انك افضل منه وعيشي عادي

العضوة: 6024 , 10 years ago

حبيبتي الله يعينك بس لا تكلميه لانك فتحتي جواله ودا السبب الرئيسي اللي حيكون للمشكلة فاصبري ولك الأجر ان شاء الله عيشي حياتك دامك عارفا انك ما سويتي شي ويمكن بيختبرك فابعدي عن الشر وغني له 💜

العضوة: 8297 , 10 years ago

اذا الكلمه شي مو عاجبه فيك صلحي من وضعك

العضوة: 4110 , 10 years ago

يمكن يخاف من الحسد اذا يحبك صدقيني الكلام اللي قاله مو من قلبه يامثل بعض الرجال دايم يقول ورها العين الحمراء وهو يمثل بالكلام او زي ماقلت اول يخاف من الحسد

العضوة: 16026 , 10 years ago

حتى انا اقول انسي ولا تفتحي الموضوع له والله يسخره لك

العضوة: 22460 , 10 years ago

ي جماعه السبه ليي مو لشخص ثاني م عندي مشكله بسكت بس والله قلبي يوجعني و السبه مو لشي فيني هو كذا قالها م سب شي فيني سبني انا فتحت جواله باعتبار اني زوجته ليش غلط و لو هذا شي غلط غلطي م يقارن بالكلمه اللي قالها انا م استاهلها و ودي يكون في مصارحه بيننا عشان ارتاح 😭😭😭💔 هو شريك حياتي يعني لمتى بسكت

العضوة: 21615 , 10 years ago

لا تتكلمين أبدا وانسي اللي قريتيه اوقات يسب فيك عشان يُبين للثانيه انه طفشان ومحتاج لها وغير هذا لا تفتشين جواله وش تبين بوجع الرأس

العضوة: 17314 , 10 years ago

انتي بدايه حياتك لازم تتحملين ولازم تتغاضين ولازم تطنشين علشان تعيشين ياما وياما شفنا اشياء ومشيناها لاننا لو تكلمنا ماراح نطلع بنتيجه الا الموضوع يكبر ويسوء اكثر فالحل نصييييييحه انسي السالفه وصدقيني اكبر غلط انك فتحتي جواله اضغطي على نفسك وتناسي السالفه علشان تعيشين وماتطيحين من عينه

العضوة: 17314 , 10 years ago

انا مره قلت لزوجي بدايه الزواج ليش قلت كذا وكذا قال من قالك تفتحين جوالي ونسى الموضوع الاساسي وقام يقول انتي فتحتي جوالي ليش وطحت بمشكله ثانيه فاحسن لك تسكتين ولايجيك اللي جاني من واااقع تجربه اسكتتتتتتي وطنشي الحياه صبر وتطنيش وانتي اخطيتي بصراحه لاعاد تفتحين جواله اذا تبين راحه بالك نصيحه والله من كل قلبي .. والله يوفقك ويسعدك ياكريم 😍😍😍

العضوة: 21823 , 10 years ago

صارحيه وحلفيه ع المصحف