#سردة_مسائية هيك تعلمنا من نسوان أيام زمان 😐 أنو اذا كنتي حامل شفتي بمنامك سمكة ، دجاجة ، دودة ، ، ، ، إلخ معناتا رح تجيبي بنت 😍 واذا شفتي خاتم ، حلق ، عصفور ، نسر ، ، ، ، إلخ معناتا صبي 👦 حملت اول بطن ، ف شفت بالمنام أختي جاية لعندي ومعاها شنتة 😊 ، رحت فورا" على تفسير الاحلام وتفسيره قال معي بنوتة😍 فرحت كتير 😍😍 وبالبطن التاني : كمان شفت اختي قال اجت لعندي وقالتلي امشي نروح عالسوق ، وبالفعل رحنا واشترتلي شنتة 😁 ، وجبت #بنت بالبطن التالت : كمان قبل ما اعرف شو معي ، شفت اختي بالمنام قال جاي لعندي زيارة وبدها تنام ، ومعا شنتة كبيرة فيها تيابها عطتني ياها فوتها عالغرفة 😅 ، وجبت #بنت بالبطن الرابع : شفتا بالمنام نفس الأخت #ركزولي على نفس الأخت ، قال دقتلي عالتلفون وعما تقلي بسرعة ضبي شنتتك وتعي لعندي في أخبار عما تقول انو المسلحين رح يفوتو منطقتكم ، وبالفعل وقت صحيت من المنام قلت اكيد معي بنت لانو طلعتلي بالمنام اختي 😅 وفعلا وقتا جبت #بنت 😅 بالبطن الخامس : شفت حالي بالمنام انو رايحة عالشام سيتي سنتر وفرحانة بدي اشتري شغلة نسيانة شو هية ، بس اكيد مو شنتة 😂😂😂 قعدت اتصفن بالمحلات وهيك ، فجأة بشوف اختي نفسا واقفة تحت عند الدرج المتحرك تحت ، أقسم بالله وبلااشعور وحتى انا بالمنام خفت تلقطني وتمشي معي وتشتريلي شنتة 😂😂 لمحتني ، وصارت تأشرلي بإيدها ، والله العظيم انا من الرعبة أركض وهية تركض وراي ، انا أركض وهية تركض وراي ، لك فوت بين رجلين الناس ، اطلع فوق كياس الناس ، نطيت فوق السور ، وك حتى الدرج المتحرك امشي كل 5 درجات سوى ، ا لحتى قدرت اهرب منها قبل ما تلقطني وتشتريلي شنتة 😂😂 😁 وبالفعل وقتا ولدت وجبت صبي 😂😂😂 بس #بربي فقت وقتا من المنام رجليي موجعيني ، ضليت أسبوع معضلة 😂😂😂 يلي بذكروا انو كملت الحمل بدون ما تغفى عيني خوفا" من منام مرتقب 😂😂😂 بقلمي الركيّض ... #البنت_حلوة_والصبي_حلو #ماقصة_صبي_او_بنت_ كان مجرد شوق للجنس الاخر #حتى_لو_عنا_كلهم_صبيان_حنتشتاق_ليتزينو_ببنوتة😍 طبعا مسروقة وللضحك 😂