العضوة: 118152 , 8 years ago

@user-112585 ياويلي بتغيبي وبعدين بتجي بتوئعي ألبنا 😥 عشت المنام معك وحسيت حالي خفت لا تئلئي حبيبتي هاد كلو اضغاث احلام ان شاءالله بس برأيي روحي افحصي بأقرب وئت اطمني ع اللي ببطنك

العضوة: 118152 , 8 years ago

@user-85406 اشربي مي وسكر اكيد. رح يزيد عليكي الطلق واعملي تمرين قرفصاء وكتري رطب

العضوة: 118152 , 8 years ago

يابنات كترانة حالة توقف النبض عند الجنين بشهر التالت والخامس والسادس بتصفح المواضيع اغلبها دمار نفسي بربي خفت 😓

العضوة: 112585 , 8 years ago

@user-118152 كيفك انتي... انا موكلي أمري ل الله... شو مايبدو بصير كلو من الله... بتعرفي وقت اقرا دردشات البنات ومواضيع والعلل والمشاكل اكتئب اكتر وافكر كتير... صرت مااقرا ولا فكر... كلو من الله بيصير

العضوة: 112585 , 8 years ago

@user-85406 كيفك... شو صار معك.. إذا رح تولدي بعاقله ليش يرجعوكي بيولدوكي... خلصتي التاسع ودم نازل عليكي... لازم يوسعولك الرحم ويحطولك تحريض

العضوة: 123117 , 8 years ago

السلام عليكم روحي على عاقله بيعملوا حقنه خروع ويقوا الطلق ان شآء الله تئومي بالسلامه والجميع

العضوة: 123117 , 8 years ago

انا الي يومين عم يصير معي مغص ووجع بخواصري

العضوة: 123117 , 8 years ago

وانا خايفه كثير من القصص يلي عم نقرأها بالبرنامج

العضوة: 105344 , 8 years ago

@user-85406 كيفك طمنينا عنك في شي جديد

العضوة: 105344 , 8 years ago

@user-98625 كيفك حنون طمنيني عنك رحتي عالدكتورة اليوم

العضوة: 98625 , 8 years ago

muan lc هلا وغلا ياعمري اي رحت ع عيادة حكولي ارتااااااح هالاسبوع كتير ضل بدي ٨ ايام بخلص تامن مشان مايفتح الرحم اكتر حكولي اقصى حد من هون ل ٢٧/١ بكون والدة ع خير انتي طمنيني عنك

العضوة: 85406 , 8 years ago

دة كان عندي طلق من يومين بس بارد كثير ومحتمل الدكتورة ورفيقتي نصحوني باليانسون بيرخي الرحم كان عندي التوسع ٢ونص وطلق خفيف مبارح بالنهار شربت ٣ابريقات يانسون واتمشى ومااجا المسا الا والطلق زاد ومحتمل وصار في افرازات تنزل بعد آذان العشا حكيت عادية هاي الافرازات وكل شوي صار ينزل ويزيدو بالليل الساعة ١٢ بلش الطلق يقوى بس ضليت ساكتة لساعة٣ لانو محتمل بعدو ومارضيت روح عالمشفى مشان مايرجعوني قمت عملت كاسة يانسون وشربتها وضليت اتمشا لبعد صلاة الفجر بعدين ماعاد تحملت قوي الطلق وفيقت جوزي والولاد وصلنا الساعة عالمشفى فحصتني لقت الرحم ٥ قالت ولادة اعملي ملف دخول وتعالي لبين ماراح جوزي عملو ودخلت وعطوني تحاميل ولبست وجهزوني كانت الساعة ٧ وبعدين صار يزيد الوجع وانا ماعاد تحملت لساعة ٨تيجي القابلة تفحصني تقول لسا مطولة وانا البيبي يدفش وانا ادفش معو من دون ارادة والله تقلي الدكتورةلاتدفشي راح يتمزع الرحم و يصير نزيف وصار ينزل دم ونادت بعدين للمرضات يوخذوني ع غرفة الولادة لانو خافو من النزيف ويتمزع الرحم دخلوني ع غرفة الولادة وانا ادفش من دون وعي مو بأيدي اجو الممرضات والدكتورة يهدوني بس ماقدرت ضليت ادفش فحصتني الدكتورة قالت ولادة الرحم فتح١٠ قالتلي اكبسي مع الطلقة انا اكبس بس ماطلع الا لحتى طلعت روحي من وزنو الحمدلله اجا ٤الا ١٠٠ غرام شقوني وتقطبت وغلطت وطلبت مي صرت اترجا القابلة تشربني وشربتني لمااجت تخدرني مشان يقطبوني مانمت لانو كنت شاربة مي ومابصير اشرب قبل البنج بنص ساعة او اكتر اي شي مشان مفعول الابرة وضليت صاحية وشفت البيبي لما طلع وسمعت صوتو ونظفوني وقطبوني وانا صاحية بس الحمدلله كلو احر وثواب عند الله لهيك نصيحة يابنات الي راح تولد لا تشدو الا لمايفتح الرحم ويصير ١٠ مشان النزيف اليوم الله سترني الحمدلله وثانيا لاتشربو شي قبل الولادةمشان لما يخدروكم يمشي مفعول الابرة وتنامو الله يسرها عليكم يارب ويهونها بالنسبة للمشفى رحت ع عاقلة خبرتكم مشفى الحمدلله رائعة القابلات بجننو بعاملوكي متل اختهم تخيلو صراخي عبى المشفى وطولو بالهم علي ويحاكوني كلام حلو ويهدوني لاصرخو علي ولا عيطو معاملة حلوة كثير وهاي قصتي

العضوة: 105344 , 8 years ago

@user-98625 يلا منيح حبيبتي هانت منيح بتولدو بالسنة الجديدة وشكلو ابن ريم مو راضي الا بالسنة الجديدة

العضوة: 105344 , 8 years ago

@user-85406 حياااااااتي ولدتي

العضوة: 85406 , 8 years ago

@user-105344 اي الحمدلله