10 years ago
  • المرحلة الأولى ( اول 3 اشهر)
بنات والله ابي احد يهديني مابي شي ثاني لان كل الحلول ماراح تنفع اخوال زوجي جننوني ع بيتي بس اسافر يجي بزوجته وعياله وبناته شابات الرجال بنام ف غرفتي وزوجي ف البيت مسكين معد يقدر يطلع ويدخل ينحبس ف المجلس او امهم عندها مراجعه على طول عندي او سوق او اس حاجة انا حاليا مسافره الجنوب اجازة الا 10 ايام وبرجع وهم وصلو بيتي الليله بموت قهر مغبونه ع بيتي واغراضي وعفشي المشكله كل اثاثي جديد بديت اغير من شهر 2 وكل مره اجي الاقي شي معدوم والحين مو قادرة انام مقهورة قلت لزوجي صك غرفة النوم قالي ماقدر ادخل 😢😢لكن حسبي الله ونعم الوكيل احلى شي ف الانسان الكرامة وهم ماعندهم كرامه ما يستحون اهم شي راحتهم مايفكرون في اهل البيت مخلين الشقه فندق

60 تعليقات

العضوة: 31195 , 10 years ago

احس بقهر غرفة نومي يدخلها رجال غريب والحين كلن بجوالها تمشي وتصور وشقتي جديدة ومحاافظه عليها وكل مره اجدد حاجة حتى عيالي مايروحون لا اغراض ايش الحل مع ناس كذا دمي يفووووور خلاص البيت سبيل قسما بالله امه مريضه عندي خالته جدته ابوه اخوه ويجون يطولون مايخرجون بسرعة يضغطونا مره

العضوة: 26145 , 10 years ago

انتي قفلي غرفتك وخلي المفتاح معك وش قلت الادب ذي خير والله اني ابي اموت قهر وانا مالي دخل

العضوة: 26145 , 10 years ago

ياخي طشي كلام عادي دقيهم بالكلام بطريقه مزح

العضوة: 29060 , 10 years ago

والله قولي لهم ليه تدخلونهم البيت اذا فيه ضرر عليكم خلي زوجك يصرفهم كم مرة لين يفهمون

العضوة: 31195 , 10 years ago

زوجي في جدة ينام ف الغرفة واغراضه وملابسه ف الغرفة مسكين طلبو المفتاح وهو برا مرو اخذوه منه والحين مو عارف يدخل الشقه

العضوة: 31195 , 10 years ago

جالسه افكر اطلع من البيت قسم كرهتو والله محد حاس فيني ابكي قهر

العضوة: 6703 , 10 years ago

@user-31195 معقوله!!😯 اسلوبهم ينرفز المفروض زوجك يوقفه عند حده كيف رجال غريب يدخل غرفتك وينام فيها

العضوة: 28372 , 10 years ago

ليش الحياء الزايد صحيح ضيوف واكرامهم واجب بس اذا حسيتي ان الامر فيه شي من الأستغلال وعدم الأحترام للمكان واصحابه واجهوهم خلي زوجك يحط وقت للزياره ساعه باليوم ويمنع لاقامه بالشقه لظروف والدته الصحيه وكأن هالاوامر من الدكتور والدته وغرفتك الخاصه هذا مكان خااااص المفروض عيالك اللي هم عيالك اذا جاو يدخلونها باذن فكيف بالغريب اذا ماقدر يواجههم بحكم انهم اهله ويستحي ويخاف يحطون بخواطرهم انتي وصلي لهم المسج بشكل غير مباشر ....

العضوة: 28372 , 10 years ago

معليش الا انتهاك الخصوصيه شي غير مقبول ويترفز ليه تضغطين نفسك وتحرقين باعصابك وغيرك ولا هو حاس لاتجاملين على حساب راحتك ابدا ومهما كان الشخص الحياه ماتوقف على زعل ورضا أحد دائما خلي قناعتك إذا كنتي على حق أنا ثم أنا ومن بعدي الطوفان 😠 معليش حبيبتي مو قصدي احدث خلاف بينك وبين اقارب زوجك بس اللي مايحترم خصوصيتي ومكاني بغيابي ليه انا أجامله

العضوة: 16169 , 10 years ago

والله قلة ادب أنا انقهرت ومالي دخل،خلي زوجك يفهمهم انو بيتكم مش اوتيل خليهم يروحوا يستاجروا شقه مفروشه

العضوة: 31195 , 10 years ago

زوجي يستتتتتتحي مره مره يقولي مقدر ارد احد بكرا ماراح يداوم باليت اعرف ارسل هنا صور كان رسلت المحادثه الناس في جهة نومي انا وعيالي وهو مايقدر يدخل وملابسه حق العمل ف غرفة النوم ضايق صدري مرة 😣 وش اسوي معاهم الحرمه وزوجها ع سريري وعندهم حمامي فيه غسول مهبلي واشياء ثانيه وبناتها وولدها كبار ف غرفة عيالي

العضوة: 25027 , 10 years ago

غرفتك قفليها لا تخلين أحد يدخلها نهائياً في غيابك حتى زوجك طلعي اغراضه منها الملابس وكذا والاشياء اللي يحتاجها وخليها برا ،، وشيلي الأشياء المهمة في بيتك وقفلي عليها او الاشياء الحساسة زي التحف الفخمة وكذا عشان ما يكسرونها،، مشكلة صراحة اذا الشخص ماعنده كرامة وعزة نفس شلون يرضون على انفسهم ينامون بغرفة حرمة قلة أدب ووصاخة 😡😡الله يعينك

العضوة: 14827 , 10 years ago

@user-31195 اجلي سفرتك لين يخلصون ويروحون وسافري او قفلي غرفة نومك وخذي المفتاح معك وانتي مااشيه معليش هذي خصوصية ف كيف ينامو ع مفرشك انتي وزوجك😥 معليك منهم يزعلو ينطقو م خصهم هذي غرفة نومك وباقي البيت لهم والله يعينك ع هالاشكال

العضوة: 29531 , 10 years ago

الموضوع بأيدك ياعيوني ياتسافرين انتي وزوجك سوا وتقفلين بابك يا تقعدين ببيتك بلاش سفر على اقل اجازة والشي الثاني ماينفع تفتحون بيتكم استراحة البيت له حرمه وعيب تعودينهم على هذا الشي اتخذي موقف لو بعدها يزعلون ويكرهونك المهم بيتك محد يدخله بهالشكل وانا ارفض حتى الزيارات الثقيلة دام الواحد بمدينة وفيها شقق مفروشة يروح فيها مايروح بيت الناس واخيراً الموضوع بأيدك الظاهر أنتم ناس باردين

العضوة: 31195 , 10 years ago

طيب قولكم يعني لو دقيتهم بلكلام وقلبت وجهي فيهم ماراح تصير مشكله