العضوة: 311563 , 7 years ago

انه عندي نقص بالكالسيوم وبدت اسناني تتكسر شنو الحل

العضوة: 401298 , 7 years ago

في جمله تعلمناها على علاج الحامل not only safe, but are recommended يعني مش بس امن لكن ضروري

العضوة: 401298 , 7 years ago

@user-311563 نقص الكالسيوم ما بعمل تكسر اسنان اصلا ما الو علاقه بالاسنان الا عند الاطفال نقص الكالسيوم بعمل ضعف بالعظام بالجسم منهاعظام الفك اما مو لدرجه السن يروح الا ازا وصلتي لمرحله هشاشه عظام بتكسرو اسنانك غالبا في تسوسات عندك ومن التسوس بلش يتكسر السن ضروري تعالجيهن قبل ما يصير وجع بكون العلاج اسهل ونقص الكالسيوم لازم تعوضي مو منيح يضل عندك

العضوة: 342663 , 7 years ago

انا حامل بشهر الرابع وكل ماافرشي سناني لثتي بتنزف كتير ودايما منتفخه وعندي تسوس اذا عالجتون باثر على البيبي

العضوة: 401298 , 7 years ago

@user-342663 التهاب اللثه ازا اسنانك فش فيهن حجاره بكفي انك تفرشيهن مرتين باليوم واستعملي مضمضه لمده اسبوع بروح خلال الحمل ازا بتنسي تفرشي يوم اليوم التاني بنزل دم من اسنانك لانو المناعه اقل واللثه بتضعف اما ازا في حجاره لازم الدكتور ينضفلك اياهن لانو التكلسات كمان بتعمل التهاب حتى لو كنتي تفرشي بالنسبه للتسوسات بنصحك اسا تعمليهن عشان ما يصير بدهن علاج عصب والعلاج يوجعك كتير هيك بكون علاج بسيط وبخلص بسرعه

العضوة: 342663 , 7 years ago

@user-401298 شكرا كتير الك 😘😘

العضوة: 311563 , 7 years ago

والعلاج شو يكون

العضوة: 401298 , 7 years ago

@user-311563 بدك تشوفي شو سبب نقص الكالسيوم اما انك بتوكليش غذاء فيو كالسيوم ولازم تعوضي عن طريق الغذاء او بكون عندك نقص بفيتامين دي بهاي الحاله لازم تشتري من الصيدليه

العضوة: 151778 , 7 years ago

@user-401298 ممكن الحامل تاخد بنج الاسنان

العضوة: 401298 , 7 years ago

@user-151778 اه في بنج ال Lidocaine ما باثر عالحامل ومفضل الدكتور يقسم الشغل عشان ما يعطي كميه بنج كبيره باليوم وما يكون العلاج طويل ومتعب كتير للحامل

العضوة: 401298 , 7 years ago

@user-146431 عالاغلب الدكاتره الي رحتي عندهن كبار شوي فبخافو يعطو بنج وهالشي ملااان دكاتره كمان بتخاف ما بعرف شو السبب حتى الاشعه كمان بخافو يعملوها هالشي عند العرب كتيييير موجود عشان يحمو حالهن بقولو شو جابرنا نفوت حالنا بمشاكل يعني ممكن يصير اجهاض لاي سبب ويحطو الحق عالدكتور وهو ما في اي دخل صح بالمحكمه ما بعملو شي بس بكفي سمعه الو انا اشتغلت عادي لحوامل واعطيت بنج واكتر من بنج وصورتهن وعادي ما صار شي الدكتور الي علمني حكالي عن وحده كانت تتالم بشكل كتير كبير راحت عند دكتور رح قملها شوي من التسوس وسكرو وحكالها بعد الحمل بتيجي ما قبل يشتغللها خاصة انها حامل بعد ١٤ سنه رجعت منفخه وموجوعه اكتر ومحدا قبل يشتغللها فراحت عند دكتوري بما انو مختص ومتاكد انو ما رح يصير فيها اشي وعمللها علاج عصب وكان اكتر من جلسه عشان التهاب كبير وخلفت عادي وما صار معها شي وطبعا اعطاها بنج وصورها لانو علاج العصب ما بصير بدونهن

العضوة: 395012 , 7 years ago

@user-401298 انا معظم اسناني تكسرت لشو السبب انا حامل بنص السابع

العضوة: 401298 , 7 years ago

@user-395012 خلال الحمل التسوس بصير يمشي اسرع والالتهابات لانو مناعة الجسم اقل يعني اسنانك من البدايه كان بدهن علاج وخلال الحمل زاد الشي فصارو يتكسرو عشان هيك دايما بطلبو من الحامل تهتم باسنانها بشكل مضاعف عن غيرها

العضوة: 349919 , 7 years ago

مرحبا حبيبتي ... انا حامل بالشهر الرابع عندي اربع طواحين مسوسات ومكسورات وثنتين منهن مكسورات تحت اللحم وما عم اقدر اكل شي ولا اشرب شي من الوجع وروحت ع الدكتور حكالي ما منقدر نعمل شي انتي حامل ... انا عم اتوجع كثيررررررر

العضوة: 401128 , 7 years ago

@user-401298 يااختي ممكن جاوبيني عندي في اخر الاسنان يعني الرحه لحمه زائده متخليني اكل زين شسويلها هل لحمه