العضوة: 382635 , 7 years ago

@user-309961 ههههه تعيشي اختي انا ولدت سيزاريان راني غير نسايس برك

العضوة: 309961 , 7 years ago

@user-382635 وعلاه دارولك سيزاريان! وقامو بيك تما في فرنسا... لخاطر هنا في الجزائر راكي تعرفي الحالة

العضوة: 382635 , 7 years ago

@user-309961 فت الوقت تاعي ب 10 ايام دارولي ديكلونشمو سطر تاع لموت قعدت 24 ساعة ونا بيه وكي وصل الوقت باه ندز باه تخرج عييت تعبت وليت دخت فوق الطبلة ولاو فوتوني ديراكت سيزاريان وقامو بيا اخر وين تبان دزاير تاعنا وكي خرجت لفرملية و ساج فام كل نهار يجيوني لدار يشوفوني

العضوة: 309961 , 7 years ago

@user-382635 الحمد الله كي سلكتي على خير.. هوما ممكن ما عندهمش الغاشي وعندهم الطبا والماتريال انا كي زيدت ببني في الماتارنتي نناع باتنة زيدو معايا 92 مرا... تخيلي ما كانش لا وين تقعدي لا وين تحطي قشك.. وكي بغا الطفل يخرج جريت للقابلة قاتلي الطوابل كل محكومين وحاشاك قاتلي زيدي في الارض... اومباعد شفت واحدا هبطوها طلعت في بلاصتها بلا ما نظفوها .... كي نتفكر نحب نتغاشى من الشي اللي فوتو

العضوة: 382635 , 7 years ago

@user-309961 نو والله تشوفي لغاشي راسك يحبس 4 ايتاج كامل غير لي ولدو ولله ما يبانو خاطر منضمين ومتربيين نهار كامل وهوما يضحكو ولي تولد نورمال تقعد 4 أيام انا قعت 8 يام والله فيهم الرحمة خير منا وكل 10 دقايق تجي الطبيبة تشوفك

العضوة: 330101 , 7 years ago

@user-309961 خوفتينا من الزيادة. الله يجيب الحفظ راها غي تزيد تدهور الحالة...كون 1000 مرة و كي يكون النظام و النقا و الطبا كاينين و تسلك ...الاهمال بزاف

العضوة: 309961 , 7 years ago

@user-382635 هادي هي اللي قالك "ذهبت لبلاد الإسلام فوجدت المسلمين ولم أجد الإسلام وذهبت لبلاد الكفر فوجدت الإسلام ولم أجد المسلمين"

العضوة: 380866 , 7 years ago

إن شاءالله بنت بلادي

العضوة: 309961 , 7 years ago

@user-330101 يا ختي ما تخافي ما والو شدي في ربي سبحانو كي يحب يسهلك واحد ما يضرك.. انا زيادة نتاع بني pourtant كانت في ماتارنتي بصح جات ساهلة دخلت على السبعة وزيدت على العشرة ... وفي بنتي رحت لبريفي قامو بيا علكيف بصح الكول ما حبش يتحل ودارولي déclenchement الحاصول الزيادة راها تساهيل من عند ربي

العضوة: 382635 , 7 years ago

@user-309961 والله هاذي هيا ربي يقدر الخير فرات

العضوة: 380866 , 7 years ago

تم إن شاءالله

العضوة: 330101 , 7 years ago

@user-309961 أكيد.. الانسان يتوكل على ربي و يخليها هو يسرله سبحانه ....بصح من المفروض مانخموش نروحو للبريفي باه يتهلو و السبيطارات تع الحكومة موفرين فيهم كلشي ...هنا تعرفي بلي الاهمال و عدم المسؤولية راه بزاف.

العضوة: 316394 , 7 years ago

ربي يفرحنا وسهلنا ساعة زينة ونفرحو ان شاء الله

العضوة: 316394 , 7 years ago

بنات حبيت نسقسيكم على لبلول لمليح للمرضعة

العضوة: 40543 , 7 years ago

@user-167148 خيار الناس انا ولايتي الوادي ساكنة في بشار واش من بلاصة انا جامعة حنا الريح بايتة وصابحة مي ضركا راهو الهواء باااااارد الفصول الاربعة في اليوم