العضوة: 82399 , 9 years ago

وعليكم السلام استغفر الله العلي العظيم انا قد جربت ولاده مبكره قبل وعانيت منها كثير وبعد ٣ سنوات ربي كتب لي الحمل وحملت وكنت مثلك بالضبط خااااايفه من الربط بس الحمدلله بعد الله ثم الربط بنتي معي الربط عمليه تسوينها بالثالث او الرابع تصومين قبلها ١٢ ساعه تروحين لهم يعطونك تخدير كامل والعمليه ربع ساعه ويصحونك بعدها وبعدها يجي الم بس اطلبي مسكنات وهم اصلا بيعطونك بينزل عليك دم احتمال يستمر لاسبوع الالم بيستمر تقريبا اسبوع بس تراه محتمل وعااادي بحبتين فيفادول يروح وبيعطوك مضاد وكريم مهبلي استمري عليها اهم شي ريحي نفسك وابعدي عن الجماع هالفتره الين يثبت الخيط وابعدي عن الامساك السفر او السياره والمطبات والدرج كلها تجنبيها او انه خفيف تمشين مثل بالدرج حبه حبه والسفر انا ماسافرت ٩ شهور ببيتي والطلعات مااطلع لاني توحمت ع الاكل كله مااكل ومااشتهي مطاعم او كذا فساعدني اني اجلس بالبيت انه مو مشتهيه شي والله يعينك ع الثقل انا ذبحني الثقل لان بطني كان نازل تحت مررره بالحوض من الخامس وانا بنتي تحت بالحوض والثقل الله يكتب الاجر لنا استودعي الله وتوكلي عليه وتراه شي جميل الربط انه يساعد بعد الله ان الجنين ماينزل انا سويته لان العضله حقت عنق الرحم عندي ضعيفه وماتتحمل الثقل تنفتح هذي تجربتي وحبيت افيدك لاني كنت ابحث وادور احد يذكر لي تجربته ادعي لي ان الله يسخر لي قلب زوجي

العضوة: 82399 , 9 years ago

انا سويت العمليه ١٠ الصباح طلعت وحده الظهر لبيتي لان لازم اتبول بعد البنج وانا طولت شوي وبيجي ترجيع بعد العمليه من البنج وشي طبيعي جدا لاتخافين وترا انا كنت خااااااايفه اقسم بالله احاول افكر باليوم الثاني بعد العمليه مو قادره مخي مو متخيل انه بيجي هذاك اليوم احسه بعييييييييد ( اليوم الثاني بعد العمليه ) من كثر ماكنت مرتبكه وخايفه بعد العمليه كاني ولدت من جديد للدنيا لان كنت حاسه باطلع منها ومو معي جنيني بس الحمدلله تيسر ربي ومشيئته حفظ لي الجنين الله يتمم لك وييسر لك واذا عندك اي سؤال ثاني انا موجوده

العضوة: 33683 , 9 years ago

@user-82399 ياعمري الحمد لله يوم الي حفظ لك جنينك انا المشكله ولدت مبكر وبعد ست اشهر حملت ربي يطمنك ياقلبي في اي مستشفئ سويتها وهل اهتمام ونظافتهم كويسه

العضوة: 82399 , 9 years ago

سويتها بمركز بنون الطبي بالرياض ونظافه واهتمام صح واعطوني موعد بعد اسبوع من العمليه انتي من وين

العضوة: 90943 , 9 years ago

والله زوجه اخوي عندها ولادت مبكره و سولها باخر حمل و جابته ع الثامن و الربط انفك من نفسه و هي كانت منتبه ع نفسها كثير بس للحمدالله ع كل حال

العضوة: 93308 , 9 years ago

انا نفسك بالضبط جاتني ولادة مبكرة بالخامس والحمل الثاني سويت ربط ولما سوته الدكتوره حصلت الرحم قصير مره وقد فتح١ بالعافيه قدرت تربطه بنج كامل طبعا تدخلين الصباح وتطلعين من الباكر لو حابه عادي تطلعين بنفس اليوم يجي الالم خفيفه بمسكن تروح اول يوم بس ينزل منك دم خفيف وهذا الشي عادي انا استمر يوم بس وفكيت الربط بالتاسع وابشرك طولت م ولدت 😹😹 اخر حاجه طفشت وطلبت طلق صناعي وومن الطلق الصناعي لقيصري حولوني والحين انا بالنفاس والعمليه جدا بسيطه وامان للجنين بعد الله اهم حاجه انتبهي من الالتهابات والامساك وامورك بتكون بالسليم ان شاءالله الله يتمم لك ع خير ويقر عيونك بشوفة جنينك

العضوة: 103391 , 9 years ago

@user-82399لو سمحتي حابه استفسر عن الربط. انا ربطت وانفك الربط بالشهر الخامس والحين حامل وبسوي ربط ثانيه وخايفه اخاف ينفك. 😭😭😭 وبعد العمليه جاني صداع عنيف مدة اسبوع وسويت بنج نصفي. هالمره بطلب بنج كامل لاني تعبت من النصفي. دعواتك ربي يتمم حملي 😭❤️❤️

العضوة: 103391 , 9 years ago

@user-93308انا ربطت وانفك الربط بالشهر السادس وصار ولاده مبكره بسبب الالتهابات😭😭 شلون اعالجها تعبت منها والحين حامل وبسوي ربط بس خايفه من الالتهاب💔🤕

العضوة: 33683 , 9 years ago

@user-82399 انا من الشرقيه ياقلبي

العضوة: 33683 , 9 years ago

@user-82399 انا من الشرقيه ياقلبي

العضوة: 82399 , 9 years ago

@user-103391 كثير ينفك معهم الربط بسبب الالتهابات .. انتي اخذي لك غسول مهبلي طبي واخذي كريم مهبلي ضد الالتهابات انا ناسيه اسمه بس هو مثل الكريم ومعه ٧ انابيب كل يوم استخدم انبوب والحمدلله تجنبت الالتهابات بس كان معي فطريات داخل عند العنق واعطتني لها مضاد حاول تجففين المنطقه بعد كل دخول حمام وملابسك الداخليه صبي عليها مويه مغليه وصابون وانقعيها واذا خلصتي من تغسيلها اكويها ترا الحراره تقتل اللي بالكلوت عشان اذا لبستيها ماترجع داخل الرحم ودايم خلي ييسوون لك مسحه من عنق الرحم عشان يتطمنون عليك انا بولادتي لقوا الرحم فاتح ٧ بس الخيط ماسك العنق المهم حاولوا يفكونه ماقدروا لاني اتالم مره بالاخير تركوه وانفتح من نفسه وجرح عنق الرحم وسبب تمزقات 😢 وخايف اذا صار حمل ثاني مااقدر اربط مدري ابي احد يعلمني قد صار له مثلي وقدر يربط

العضوة: 106765 , 9 years ago

@user-82399 يصير تتحركين اذا سويتي ربط؟؟ يعني تطلعين وتجين

العضوة: 93308 , 9 years ago

@user-103391 الله يتمم لك ع خير ي رب تعطيك الدكتوره مضاد بعد العمليه لمدة اسبوع تستخدمينه اعتقد اول حاجه كثري شرب المويه عشان م تجيك الالتهابات ولو حسيتي المثانه فيها شي بسيط روحي الحمام وكمان ملابسك الداخليه بدليها بااستمرار يعني باليوم يمكن مرتين وخلي المنطقه تتهوا وكمان اطلبي من الدكتوره غسول تكتب لك وكمان افضل تستخدمين الحمام الافرنجي احسن من الحمام العربي هذا ماله شغل بالالتهابات بس انو افضل قلت اقولك والله هذا نظامي والحمدلله م جاتني الالتهابات من اول م حملت الى م ولدت واللي يسسوون ربط معرضين للالتهابات

العضوة: 91623 , 9 years ago

@user-93308 سلام عليكم بالله كيف اعرف اني عندي الالتهابات انا بطني من تحت منفوخ احس بالجنين بشهر الخامس اوله احس بالالم ف اسفل بطني وظهري زي الالم التعب مع اني مااشتغلت

العضوة: 91623 , 9 years ago

@user-103391 كيف عرفتو انه انفك عندكم الله يعوضك ويتمم حملي حمل كل حامل 😔