مرحبا ياصبايا كيفكن ... اول الشي الحمد لله عكل حال والحمد لله دائما وابدا كلو بأيد رب العالمين....أنا حاليا بحالة صدمة عصبية ومقهورة بشكل مو طبيعي انا هلأ بالخامس وبالرابع قالولي ولد لما صورت عندي بنتين الله يخليلي ياهن شمعات حياتي رحت عالدكتورة عملت فور دي،وكنت مبسوطة اول مرة لح ساوي وجوزي خلاني اعملو منشان الصبي على اساس وبيت حمايي كلهن فرحو وطار عقلن وامي وقرايبيني ورفقاتي والكل عرفو من ساعة الصورت عند الدكتورة حماتب بعتت الخبر عالوتساب كنت حابة لانتأكد بالمية مية لحتى قول بس انتشر الخبر بسرعة وبعد هالروحة رحت على غير دكتورة لنشوف الولد ولا قالتلي لي بنت .......😨😨😨 بنات مابتتخيلو الصدمة حسيت مي ساخن وانكت على جسمي وصرت كلي صفرة بلون اللليمون لك مو على شي عالصدمة انو كان شي وصار شي واختلف الحكي وفوق كل هاد بيت احمايي جاين بزيارة لعنا وحماتي عم تدير بالا علي وتخاف علي ومنشان الصبي ونحنا منقولين على بيت جديد من شهر تقريبا ... المهم هلأ انا الصراحة بكيت ... اي وبكيت من كل قلبي بكيت عهل شهر يلي عشت فيه هالحلم حلم اني اجيب الولد وخصوصا صرلي متزوجة ٧ سنين وجوزي من اخر ولد اجاه من مرتو التانية من عشر سنين ونحنا الاثنين حبلنا والله كانت نيتي صافية وتمنيتلها لضرتي وبنتها الخير والله يبعت لكل حامل صبي او يلي بتتمناه ويسر قلبها والله دعيت ربي وطلبتو من رب العالمين انو مايخجلني وقرأت القرآن وبكيت ودعيييت من كل قلبي ولما قالو ولد فرحت وحمدت ربي انو خلص امنت على حالي حيصير عندي اخ لبناتي وانو راح ارتاح هالفترة من الحمل وماعاد في حجة ولا حدى يسترجي يفتح تمو معي لح اسكتهم بالصبي وخصوصا حملي متععععب جدااااا الكل عم يقلي منظرك صاير برعب من التعب والارهاق والوحام وزني نازل ومرهقة مافيني قوة اعمل شي ونفسيتي بتتعب وبكتأب ...اخ بس هلأ غصب عني بس اولد بدي ارجع احبل لحتى يشرف الافندي واسكت الكل واقلع عيون العالم يلي شمتانة فيني ويلي عم تشفق علي والله تعبانة نفسيتي كتير من هالصدمة حسبي الله ونعم الوكيل استغفرك ياربي واتوب اليك والله مو اعتراضا على حكمتك يارب بس جربت شعور الولد لشهر واحد بس وشفت الفرق وخصوصا بعد بنتين واغلب الحبالة بالعائلة معهن ولد ياربي تجبر بخاطري وتجبر كسر قلبي وتعوضني وتسعد بناتي وتبعتلهن أيام حلوة ..عواتكم ياصبايا الله يخليكن مابدي تجريح والله دموعي على خدي
العضوة: 268087 , 7 years ago
حبيبتي البنت هدية من ربنا ولله بكرا ليكبروا الا تلاقيهم بمية ولد ربنا يعوضك خير ببنوتك الجاي والسونار مش دايما بيكون دقيق و كتيير ناس صار فيهون متلك احنا عنا ما بيقولوا للحامل بشو حامل قبل الشهر الخامس لليتأكدوا منيحالعضوة: 232771 , 7 years ago
حاسي فيكي وانا كمان كنت متمنية انو حملي هاد يكون ولد لان عندي 3 بنات وصبي .كنت عم فكر ريح جسمي فترة منيحة اذا طلع ولد .وغير هيك كل سلايفي عندن ولاد اكتر من البنات بلعيلة الا انا واحيانا بسمعوني كلام واحيانا بخاف انو زوجي يصير يفكر انو يتزوج ليجيه اخ لابني لان عطول بقول مابدي ابني يضل وحيد ..من يومين قالتي الدكتورة ع الاغلب بنت بس مو متاكدة وهلاء عم استنى 15 يوم وارجع اتاكد .الحمدلله ع كل حال بالاخر كلو بأيد رب العالمين .الله يطعمك ويطعمني الولد الذكر السليم المعافى .ياااربالعضوة: 260940 , 7 years ago
آمين الله يسلمك ياروحي ويجبر بخاطرك لا والله هالمرة دقيق لانو فور دي والدكتورة اربع مرات فرجتني واكدتلي الحمد لله عكل حال احسن الشي بس كمان والله الأنسان مافيه يمسك نفسو عن هالرغبة وخصوصا بظروف متل ظروفيالعضوة: 295228 , 7 years ago
الله يجبر بخاطرك يارب ويرزقك الصبي الي يريحك من العالمالعضوة: 302172 , 7 years ago
يا قلبي الله يجبر قلبك ويعطيك ما تتمني وهوني ع حالك وما تزعلي لك يسعد قلبهم البنوتات شو حنونات وطيوبات والله لتكيفي عليهم بعدين كلهم بنتين معك مو دزينه ههههههههه لنحكي يشرف ولي العهد عادي حبيبتي اللي بتجيب البنت بتجيب الصبي لا تنكدي ع حالك وانتبهي لصحتك وكل شي بهون والله والله فيه ناس متمنيه طفل وبتدفع الوفات ليجيهم هالنعمه ودائما الخيرة فيما اختاره الله إلك أكيد فيه حكمه وخير كبير مخفي إلك حبيبتي امسحي دموعك وفرجينا ضحكتك الحلوه ولا تبالي بأي مخلوق ع وجة الأرض ولا بكلامهم ما دام هالشي من رب العالمين ما بيطلع لحد يتنفس جد لسى العالم عندها جهل وتخلف ما يحمدو ربنا ع هالرزقه الحلوه والي بيحكيلك شي ردي عليه إزا قادرتجيبلي ولد لا تقصر استغفرر الله وان شاء الله ربي بتمملك ع خير وأهم شي يكون طفل سليم معافى صالح هاي والله نعمه كبيره وربي يهون عليكالعضوة: 260940 , 7 years ago
آمين يارب الله يسمع منك ... اي والله وانا هيك ضرتي عندا تلت اولاد وسلايفي ماشاء الله كل وحدة تلت صبيان واكتر الله يخليلن ياهن ويحفظهم حرام جوزي شكر الله عالنعمة وحماتي واستني هي طيبة كتير الله يخليها بس كمان عايشة بخوف لنفس السبب انو ما اخلف لجوزي صبيان لا سمح الله ويتجوز لهل سبب لا سمح الله وخصوصاً بالعيلة الكل بيتجوز عادي اثنين وتلاته بسبب وبدون سبب والله مابكره البنات بس بمجتمعنا البنت مظلومة مابدرسوها وبضل جاهلة وبجوزها عبكير وبحملوها مسؤلية وبالاخر بيتجوز الشب عليها بعد مايفنى عمرها وتوصل للثلاثين كأنو عمرها خمسين بسبب الهم و التعبالعضوة: 260940 , 7 years ago
آمين الله يسلمك ويفرج عنك وعني وعن كل أمة محمد ويهدي بالنا يارب اي والله الحمد لله عالنعمة المهم الصحة والعافية والخلقة التامة والقيام بالسلامةالعضوة: 260940 , 7 years ago
آمين تسلمي اختي والقايلة ياربالعضوة: 174744 , 7 years ago
روحي اعملي حقن مجهري يختارو النطاف الدكور عشان تحملي بولد وما تحملي نفسك فوق طاقتها لان دكر ام انتى من الرجل مش منك بسم الله الرحمن الرحيم لِّلَّهِ مُلْكُ السَّمَاوَاتِ وَالْأَرْضِ ۚ يَخْلُقُ مَا يَشَاءُ ۚ يَهَبُ لِمَن يَشَاءُ إِنَاثًا وَيَهَبُ لِمَن يَشَاءُ الذُّكُورَ (49) أَوْ يُزَوِّجُهُمْ ذُكْرَانًا وَإِنَاثًا ۖ وَيَجْعَلُ مَن يَشَاءُ عَقِيمًا ۚ إِنَّهُ عَلِيمٌ قَدِيرٌ صدق الله العظيم هو معلش في سؤال انت بتحملي لنفسك ولزوجك والا لناس يعني ايش بيهم كلام الناس لو انت تحملي وتخلفي لنفسكالعضوة: 260940 , 7 years ago
والله لو الشغلة بأيدي كنت عملت حقن من تاني حمل بس حملي التاني والتالت صار وانا عم رضع ماحسيت عحالي أنا وانت حامل...وجوزي عقلو كتير،صعب من هالناحية مابيرضى بالتمنيع ولا بيقتنع بالمراقبة عندو كلشي بدو ياه عالطبيعةالعضوة: 260940 , 7 years ago
لا حبيبتي شفت بعيني الجهاز كتير متطور وفور دي يعني عملت ملونالعضوة: 258747 , 7 years ago
اول شي ماتحملي نفسك فوق طاقتها انت اناء فقط مابتخترعي الجنس للجنين ثانيا ليش شايله هم الناس الشمتانه انت ماتعرفي ان الدنيا دواره ولابد الشمتان يذوق من نفس الكاس ولابد ماتشوفي حوبتك فيه ثالثا اللي شمتانين بالبنات وبخلفه البنات خليهم يكبرو ويشوفو كيف البنت هي السند والرحمه والجنه لاهلها رابعا اللي اتشمت اتشمت برزق الله ماحصل شي بتعبه كله من الله خامسا فيه حساببالانستقرام يساعدك تحددي ايام الولد باذن الله تابعي ممكن تستفيدي سادسا لساتك ٣ بنات ربي يحفظهن لك فيه غيرك جابو خمس وثمان وبعدها ربي اكرمهن بالولد اللي كان نفسهم فيهالعضوة: 289164 , 7 years ago
قصتي شبيهه لقصتك شوي انا متزوجه مت 6 سنوات وعندي 4 بنات الله يحفظهم وكتيييير كنت حابه احمل بولد مشان جوزي وبيت حماي وكل سلفاتي عندهم ولاد والكل بيطلعلي بنظره شفقه اصغر بنوته عندي ولدتها من 40يومالعضوة: 297744 , 7 years ago
حبيبتي الله يجبر بخاطرك وخاطري البنت رزقة من ربنا لا تقهري حالك انا عندي ٣ بنات وطول النهار بسمع كلام من الي بيسوى والي ما بيسوى خاصة انو كمان ما عندي اخوان بيحكوا متل امها ما بتخلف الا بنات وسلفي بس كان بده يتزوج اخد وحدة متزوجة وعندها ولد وبيت عمي قبلو فيها ال لانها بتخلف اولاد مو متل بعض ناس هيك كانو يحكولي بس رغم كل هااحكي بطنش لانو عارفة ربنا كبير ما بيكسر بخاطر حدا وان شاء الله ربي يرزقنا بالولد الصالحالعضوة: 297744 , 7 years ago
ناس مريضة متخلفة شو نعمللها والله انا حملت مع انو ما بسير احمل لاني عاملة عملية ديسك بضهري وخايفة كتير من الحمل