مرحبا حبايبي كيفكم 💕
دا الموضوع اكتبلكم هوه وانا من جد محتاجة رد كل عضوة تدخل من بعد الله 😶،،
انا سبق ليه واجهضت قبل اربع شهور تقريبا بسبب توقف نبض الجنين في الاسبوع السابع وعملت عملية تنظيف،،🍂
الان امس عملت تحليل دم قالولي حمل في أوله ماشاءالله الله يتممه على خير ،،🤰🏻
اللي شاغلني انه في الاجهاض الاول ماعرفت ايش سبب توقف النبض قالولي اول حمل ومايهمنا الموضوع كثير يجهضوا اول مرة وحملهم التاني يتم عادي من بعد إرادة الله 👍🏼
احس اني خايفة ومتوترة ومو عارفة ايش اعمل رحت اشتريت فوليك وجو اسبرين من الصيدلية بعد ماحللت دم وعرفت بالحمل💉
خصوصا انه الدكتورة قالت السبب الأرجح ممكن ماوصل الدم للجنين وممكن يكون حمل اول ولسة الرحم مو متعود قالتلي الحمل الجاي نكتبلك جو اسبرين واذا ماتبغي عادي ممكن تجربي بدونه وانا
وربي يريد ويكمل الحمل 🙌🏼
وانا والله مو عارفة ايش اعمل وكيف أتصرف خصوصا اني حاليا في اجازة عند اهلي والدكتورة حقتي في بلد تانية ومرررة مشكلتي اني خايفة من الاسبرين وماعرف كيف استخدامه اصلا 😔
وابغى اعرف الله يعافيكم متى الوحدة تبدا تروح للدكتورة وتشوف سونار 👀
ومتى يروح مفعوله لما اوقفوا والله قاعدة افكر كثيرمرة وخائفة من كل شي الله يسعدكم ابغى ردودحلوة وايجابية❤️
العضوة: 73502 , 8 years ago
الله يتمملك على خير اهم شي تبعدي الخوف عنك والوسوسه واستودعي الله جنينكً انا اجهضت في يداية الحمل اول شهر وماعرف ايش السبب وبعدها حملت وما أعطتني الدكتورة مثبت الا لمن سمعت النبض في الاسبوع السابع اتوقع عطتني بس مثبت حبوب وابر لمدة شهر ابرة كل اسبوع والجماع ممنوع اول ٣ شهور وكان ينزل عليا دم خفيف لمن اجهد نفسي وامشي كثير وحاليا بالثامن حمدلله دعواتكالعضوة: 101803 , 8 years ago
@user-73502 ياقلبي شكرا على ردك الله يتمملك على خير يارب وتفرحي بجنينك