حملت فجأة وبعد ماعرفت اني حامل بكيت وزوجي تضايق كنا نبي وضعنا يتعدل وولدي توه ماكمل السنتين بس حمدت ربي وشكرته وكل ماكبر بطني كنت اتعلق بهالحمل أكثر وصلت الشهر سادس وباقي كم يوم ودخل السابع كنت مهمله بنسبه لراحتي وكنت انظف وشيل ثقيل بعدها بكم يوم نزلت معي افرازات صفراء ماكنت اعرف وش هي او ايش سببها طنشت الموضوع اليوم الثاني صارت ع خضار رحت كلمت خالتي اخت امي وقلت لها قالت انها مو زينه ولازم تروحين المستشفى وماتهملين كنت اقنع زوجي اننا نروح لاني بديت احس بالم قالي اذا قمت من النوم وديتك ومن الساعة 7 الصباح وانا احاول انوم والالم يزيد واثاري الي فيني طلق ومو عارفه لان بولادتي الي قبل ماجربت الطلق الطبيعي المهم استمريت انسدح واقوم من الوجع والالم يزيد بدون توقف وشوي نزلت افرازات بنيه خفت وعرفت انه دم كلمت خالتي اتاكد قالت دم قومت زوجي الساعه 6 المغرب قال وش فيك قلت قاعد ينزل معي دم قام ووداني المستشفى طبعاً بعد وصولي انتظرت شوي وجت كشفت علي قالت الرحم مفتوح 2 بكيت مابي اولد الحين توني بدري وماامداها تروح الا المويه تنزل معي جت كشفت مرا ثانيه لقت الرحم مفتوح 6 سانتي وقالوا ولاده معاد يقدرون يوقفونها خلاص كنت ساكته بس الدموع تنهمر لا إرادي مو من الالم من خوف على الجنين وستمرت محاولات انهم مايولدوني ويعطوني مثبتات ومن هاذا الكلام من 7 المغرب الى 7 الصبح بعدين جاء الدكتور وكشف علي الرحم رجع تسكر وصار 4 سانتي بعدين كشفو وصار 2 سانتي مرا ثانيه كتبو لي تنويم لان المويه حول الجنين قليله وكانو يعطوني ابر للرئتين عشان الجنين بس الدم ما وقف قاعد ينزل والمويه تنزل شوي اليوم الثاني الساعه 10 الصباح بدا الألم من جديد وبدت المويه تزيد لين المغرب وجو كشفو الا الرحم 6 سانتي والمويه نزلت كلها طلعوني لغرفة الولاده بعد كذا دقيقه ولدت وجبت بنوته صغيرة جو الدكاتره والسسترات وماكانو حولي كلهم حولها خفت سئلت بخير ردت الدكتوره ببرودت دم قالت سمعتي صوتها سمعتيها تبكي لا وسكتت وانا كنت ابكي وادعي ربي كان حجمها 700 غرام بس اصغر من الكيلو والرئتين مو مكتمله بعد مانظفو الدم وخلوني اروح للحمام عشان اغير ملابس وكذا قالو كلي وارتاحي قلت لا ابي اشوفها و رحت عندها طمني الدكتور قال اذا كاتب لها ربي بتعيش راح تعيش وتنفس ع جهاز وان شاء الله خير ادعي لها وقال لازم تعطينا حليب الأم لانه يقوي المناعه عندها استمرت 8 ايام وانا كل يوم اروح لها وتعلقت فيها كثير اليوم الثاني جانا اتصال من المستشفى بان بنتي توفت انهرت وصلت درجه لمت نفسي فيها وزوجي وكرهت كل شيء يوم هديت استغفرت ربي ع كلامي ورضيت بقضاء الله وقدره والحمدلله على كل حال شفيعه لي ولا ابوها.. والحين انا حامل بشهر السابع دعواتكم لي بثبات حملي وان شاء الله تكون بنت ياارب 🌸 ولاتستهينون براحتكم ي بنات ولا تستهينون بالافرازات وتطنشون الامر