الحمدلله على تمام النعمه واكتمال المنه صار عمر بنتي الحين 31 يوم بالضبط شهر وقررت اكتب لكم قصة ولادتي ببنوتي الله يحفظ لنا ولكم مارُزقنا به اولاً انا عندي من قبل ماشاءالله ولدين الكبير ( عادل ) عمره ٤ سنين والصغير ( عدي ) عمره سنتين وكتبت قصة ولادتي بهم الاثنين في حسابي الله يحفظهم ♥️ وجا وقت اكتب لكم قصة ولادتي بـ ( دانة ) تاريخ اول يوم من آخر دورة كان 1440/7/27 يوافق بالميلادي 2020/3/21 واكتشفت اني حامل بسبب اعراض الوحام شكيت اني حامل وحللت منزلي من شهر شعبان وماطلع شي ودخل رمضان ولسأ ماجات الدورة وحللت بعد اسبوع تقريباً وطلع لي خطين 🥺 هنا انا صرت كذا 😳 الحمدلله فرحت الصراحة مازعلت هذي عطايا الله بس مرررره شلت هم لانو اولادي صغار ولسأ معتمدين علي ومحتاجيني ولكن الله يسرها وعدت شهور الوحام كانت صعبه جدا وغريبه ( نوووم وارهاق شديد ودوخة وغثيان واستفراغ وكره للعطور والروائح وتخيلوا الوحام برمضان كيييف 😭🥀🤧) وتوقعت فعلا انو بكون جنس البيبي بنوته لانو حسيت حملي مختلف هالمرة وغير كمان الاحلام والحمدلله عدا كل شيء لحد مادخلت الشهر التاسع وكان اصعب انتظار لانو بدا معاي وجع ظهري يشتد وصرت ثقيلة جدا وماعدت اقدر اهتم ببيتي وبنفسي وبعيالي متخيلين انو الطلق معاي من ثالث اسبوع بالتاسع واكن طلق بارد فعلا صدق من قال طلق البنت بارد ( تبدا معاي تقلصات واواجاع وتجلس ٤ او ٦ ساعات وتتلاشى تدريجياً ، كل يوم شكل من هالاوجاع )واخذت شهري كامل وزيادة كمان 4 ايام وهنا قرر لي الدكتور طلق صناعي والحمدلله طبعاً وافقت ونوموني ليلتها و على الفجر قال الدكتور الان بنعطيك اول تحميلة وبسرعة قمت طلعت حافظة صغيره تمر واكلت تقريبا ١٤ حبة ماشاءالله ، ابي يجيني طاقة للولادة والدفع وغيره العجيب انو بعد التحميلة جلست لحد صلاة الظهر وماعندي وقتها وجع شديدد كلها الام مألوفة بالنسبة لي ووقت دخلت علي الدكتورة قلت لها دكتورة لو سمحتي راح تعطوني تحميلة ثانية؟؟ ناظرت فيني وقالت ليش؟ قلت عشان يبدا الطلق ، وهي وقتها تفاجئت مني !!! قالت وشو هذا بجهاز الطلق !!!؟؟ ماتشوفين تخطيط الطلق عندك كم 💁🏻‍♀️😳 انا قلت لها يعني طلق ولادة والا طلق كاذب ؟ هي ضحكت وقالت لا باين بالجهاز طلق ولادة ماتحسي وجع ماشاءالله ،؟ قلت لها احس بس بسيطة مثل الام التاسع وتقلصات براكستون بس طبعا جا وقت وجبة الغداء رفضوا اني اكل بس الصراحة اني اكلت شوي من وراهم و بدون يعرفوا عشان ابي اجمّع طاقة ووجهد والحمدلله اني سويت كذا ، فعليا بنات والله العظيم لاني تجهزت بطاقة وجهد كافي الف الحمدلله تسهلت الولادة وتييسرت يارب لك الحمد ، المهم انو وقت صلاة الظهر ماادري اصلي او لأ ماعرفت احدد وضعي بس جيت ابغى اقوم اروح الحمام تكرمون وفجاة جاني مثل الصعق الكهربائي بظهري شديد جدا جدا😭😭 وصرت استنجد واطلبهم مسكن 😅 اعطوني ابوة بالعضل عملت لي زي التخدير وحتى صار عندي دوخة وماصرت احس بالوجع لحد الساعة ٢ الظهر وبعدها بدأت الام الطلق الحقيقية لتوسع عنق الرحم ووصل 4 سانتي ونقلتني الممرضة الى غرفة الولادة وشالت تحميلة الطلق الصناعي وفتحت وصار لازم اهدي من حالي وانا كنت مقرره من قبل مااصارخ وقد ايش مايكون الوجع قررت اعمل شهيق وزفير فقط وفعلا والله مسسسكت حالي مع كل تقلص اشششهق وفمي مغلق وبس يخلص التقلص ازفر من فمي فقط وهكككذا وكنت ارتشف شوي شوي مويه بين الطلقات عشان ابي الرحم يوصله اكبر قدر ممكن من الاكسجين ويتوسع وتتعجل عملية الولادة والحمدلله لحظات فقط وتكشف وقالت الممرضة كوووييس مدام انتي سترونق ( strong ) ههههههـﮧَ الرحم صار 7 سانتي وفرحت مره وفتحت لي كيس المويه واستمريت بعملية الشهيق والزفير بس اني هاللحظة صرت احس بالرحم ينفتح وماتحملت الوجع طلع صوتي شوي وصار يطلع لي صوت انين بس الحمدلله بدون اي صراخ وصياح جاتني الممرضة تعمل لي توسيع اسفل عشان كمان يفتح بسرعة والحمدلله بس صارت الساعة 3 وصرت احس براس البيبي تحت ناديت الممرضة وفوراً جاتني وشافت انو فعلا البيبي جالسه تدف وصرت ادف معها شيء غصب عني وقالت لي غلط طريقتك قلت لها طيب كيف قالت (قفلي فمك وسوي زي براز مدام ) ودفيت 3 مرات والمرة الاخيرة كتمت نفسي مزبوط ودفعت على تحت كأني اتبرز تكرمون بس بأقووووى طاااااقة ممكنة بكل قوووة كانت عندي وحسيتها شقّتني بسم الله عليها وطلعت فورا على الساعة 3 ونص يارب لك الحمدددد وبتاريخ مميز 2020/12/31 في ليلة السنة الميلادية الجديدة نورتنا اميرتي ( دانة ) 😭♥️♥️♥️ حطوها على صدري وحضنتها ماامداني حتى اتكلم معاها قالوا ضروري ننقلها الحضانة تعرفوا عشان الاجراءات الاحترازية ماصار مثل قبل لازم يشددوا وينتبهوا وطبعا ماقصتني بحكم انو ثالث بيبي الحمدلله بس بنتي ماشاءالله شقّتني واحتاجت الممرضة تخيط مكان التمزق والحمدلله هالمرة من بين كل ولاداتي ماحسيت بالخياط ههههههـﮧَ لاني اخذته درس كل مره يخيطون والبنج مااشتغل مزبوط هالمرة قلت لها ولا تحطين ايدك حتى وجربت اقرص نفسي بهالمكان عشان اتأكد تبنج او لأ 😂😂 وماحسيت شيء ابد وقلت لها يلا تخدر خيطي بسسرعة والحمدلله عدت كل الامور زوينات وطيبه وبعدها جابت لي وجبة غداء محترمة اكلت كل الاصناف الموجودة ماشاءالله ايدام ورز ونص دجاجة وسلطة وفاكهه وعصير هههههههههههههههـﮧَ لاتلوموني من الجوع والتعب اللي صار نصيحتي هالمرة انو 1. كثثثروا تمر دايم بالثامن و بالتاسع 2. ابدا ابدا لاتصارخوا وقت الولادة مهما كانت قوة الالم بس شهيق وزفير 3. كوني متأكدة انك ماكلة مزبوووط وعندك طاقة وفيره وجهد كافي لتحمل الام واوجاع الطلق ملاحظة : ماذكرت لكم بالقصة انو انا شريت ابرة الابيدورال اللي بتعمل تخدير للجزء السفلي عشان ماتحسي باوجاع الطلق وكنت راح اطلب زوجي يجيبها من البيت لاخر لحظة مقرره استخدمها وقتها استخرت الله بالدعاء واتصلت ع امي استشيرها وقالت لي ( يابنتي انتي اصلا تعبانة من ظهرك طول فترة التاسع اخاف هالابرة تزيد عليكي الاوجاع والالام ، تحملي الم كم ساعة وربي بيييسر لك ويهونها من عنده ان شاءالله ) وقررت خلاص اتجنبها صح ندمت وقت الولادة ووقت انفتاح الرحم 7 سانتي بس بعد الولادة شكرت ربي وحمدته اني صبرت ومااخذتها طبعا هي مو مضره وماتسبب اي مشاكل بس انا خوفي الوحيد الم الظهر يستمر معاي لاني اساسا عندي اوجاع والام ظهر واشتدت بالحيل بالتاسع وبس حبيباتي هذي قصة ولادتي الجميلة ببنوتي الجميلة دانة الله يحفظها هي واخوانها ويصلحهم ويرزقنا برهم يارب العالمين ويرزقكم بر وصلاح ذريتكم