طبعاً وزي كل بنت بـكريّـة كنت مستمتعة بفترة الـحمل ، وعن نفسي ما كنت شايلة هم الولادة إلا لمـّا دخلت التاسع ، والصـراحة كان هاجسي الأكبر وخـوفي الأول من الـكشف الـمهبلي 😰😢 والصـراحة أبدا ما خليتهم يكشفون عليّ من المهبل إلا لمّـا حانت ساعة الـصفر ⏱🤒 آخ بس وقبل لاتجي ساعة الصفر بيومين وفي الظهر تحديدا نزل مني غـشاء مخاطي طويل وسميك لونه وردي (( هذي السدادة لكن طبعا ماكنت أعرف😅)) بس بدون آلام ولاشي وريته أمي وقالت لي يلا مستشفى ورحنا لكن طبعا زي ماقلت لكم ما أرضى إنهم يكشفون علي من المهبل وأطفشّهم وآخر شي قالت لي الدكتورة نتطمن على البيبي وموية البيبي بالسونار👼🏼👼🏼 والحمدلله كان كل شي سليم . لما رجعت البيت صليت وقريت سورة مريم وتغديت ونمت عادي بس مغص على خفيف يروح ويجي << طبعا أنا تعديت التاسع ودخلت اليوم الأول من العاشر>>😪 لما صحيت من النوم تقهويت وعادي جدا لا آلام ولاشي وجلست أقرأ في المنتديات عن آلام الكشف المهبلي (🙇🏻) مو دارية عن الألآم الكبيرة اللي بتجي ((😁)) والله البنات ماقصروا في المنديات كل وحدة تقول تجربتها وتنصح الله يجزاهم خير . والصراحة أنا كنت مهملة لمهبلي من يوم تزوجت كنت أحس بالالتهابات بس ما أرضى أحد يكشف علي من الخوف كنت أحس منشار بيدخل مهو كشف طبعي جدا وعادي "👍🏼" المهم قلت لابوي الله يعطيه العافية👴🏼😘 يجيب لي حبوب زيت الخروع وقرفة ، شربت كاسة قرفة في الليل ع الساعة 9 ونمت وصحيت الفجر على ألآم بسيطة وخفيفة تروح وتجي ' صليت الفجر وفطرت مع أهلي وبعد الفطور أخذت حبة من الخروع 💊🤕 وفي الظهر على الساعة 2 نزل مني دم لونه بني فاتح والم بسيط في بطني سكت وما قلت لامي قلت أكيد بتقول يـلا مستشفى ونا الصراحة ما أبغى الكشف المهبلي <<عذاااااب أنا وهالكشف😥>> على المغرب الدم نزوله مستمر ونا ساكتة وخايفة وجالسة لوحدي في المجلس ما أبغى أحد يشوف حالتي ونا خايفة وطفشااااانة 😔 أخذت حبة خروع 💊 الساعة 11 ' وبعدها شربت كاستين قرفة☕️☕️ وبدت والله معي ألآم من متوسطة لشديد الساعة 1 في الليل ، ونا ساااكتة ما أبغى أروح أكشف ، وصارت الألام تزيد على الفجر ☁️كل نص ساعة وصرت أصيح وسمعتني أمي ، وقالت لي هيـاّ هذي ولادة ونا أقول لها اصبري 😢 وجات الساعة 6 والألم صار أقوى كل نص ساعة ومع "(الطلق😖) ومع كل ألم طلق أصيح 😭😭 وجا أبوي وقالي هيـّا وخرجت الصباح على طواريء مستشفى الولادة وفي السيارة🚙 نزلت مني موية بسيطة ، وألم شديييييد والله من شدته وقوته ما أقدر أوقف نزلت من السيارة ونا منحنية على بطني 😞 في الطوارئ ممنوع تدخل أمي معاي للكشف وهنا جات ساعة الصفر⏱😭 بدون أمي حبيبتي😔 جات الدكتورة تكشف وقمت أوخر يدها ومرة أرفع نفسي وجلست أعافر 😖😖 وهيّا تصارخ عليّ قالت والله ماراح أكشف خليكِ هنا جالسة . تركتني وراحت ، تدرون يابنات من جا نصحني الله يجزاها عني خير 🙏🏼 ويعطيها أجر كلمتها اللي لامست خاطري ونزلت إلهام من الله علي 💓 عـاملة الـنظافة 👷🏻 طبعا هي شافت موقفي مع الدكتورة ونا أعافر وأناقز بعدما راحت الدكتورة جات عندي وقالت لي بهذي اللهجة وصوتها كله حنّية والله ما أنساه طول عمري: مدااام إنتِ ممكن ثلاثة ساعة بعدين إنت فيه أم لااااازم صبُـر يامداااام ،،،)'قمت قلت لها أنا مرررة خايفة 😔 قالت لي : مداااام مافي خوف هذا كله اثنين إصباع كيف إنتي بعدين راس بيبي هذا يجي هنا (تقصد المهبل) إنتي هذا كللله ينسى دنيا خلاص بس شوية صـبر حط يد هنا إمسك سرير وباسم الله طيب 🙏🏼 قلت : طيب ، وجات مسحت ع راسي وجابت لي موية ونا أصيح من الألم ، بس الدكتورة خاسرتني وراحت هي الله يرزقها الرزق الواسع ويعطيها الجنة، نادتها قالت دكتور هذا مرة مافي كويس. لما جات الدكتورة قد خلاص استعديت نفسيا ومع الألم سويت زي ماقالت العاملة مسكت في السرير بقوّة وكشفت وفعلا ماحسيت الا وهي مخلصة وقالت الرحم مفتوح 6 سم ودخلوني الكشك ع طوووول على الساعة 8 صباح دخلت وهاتك يا ألم ياهو ألم غير الوصف بس استشعرت رحمة ربي والله لان قوّة الألم تختفي فجأة كذا يعطيك راحة ويرجع بالتدريج بس يممممسك والله شدّة الألم كأنه محكوم عليكِ بالرجم ببلوك على بطنك لدرجة إني أجر شعري عشان أنشغل عنه ،،، وشوفوا الفرق في المعاملة الممرضة اللي معي مرة ولا كأني اتوجع جلست على كرسيها وحطت شيبس وعصير لها وسكرت الستارة بيني وبينها ، لين ماجات الدكتورة اللي تولدني 😰😰 وجات ومعها عصا زي عصا الشوي 😢 ونا أتنافض من الخوف😅 وفكت موية الرحم وراحت ، وبعدها بشوي اختفى الألم وصرت أحس بالضغط أسفل بطني مثل التبرز وانتوا بكرامة بس حار وصرت أدفع لت إراديا وهذيك الحلوة الممرضة ماتسوي شي غير تتأمر فيني لاتدفعي تعوري نفسك اففف قاهرتني😤 مافي أي مساعدة المهم دخلت علي الدكتورة ونا أدفع وشافتني على طوول قالت أيوه أيوه أيوه برافوا برافوا برافوا وعطتني ظهرها بتجيب مقص أو شي لكن ما استنى ولدي الله يحفظه خرج ع طول 👶🏼 سبحان الله وعينه جات في عيني كان مفتح عيونه وشرّف أحححلى غيث بالدنيا 🙏🏼😍 هنا تختفي كل الألام والأوجاع ويجيكِ بنج رباني ،، لكن مع الأسف 😔 قدر الله علي إن المهبل عندي كله يتمزق واشوف الدكتورة تطالع فيني وراحت نادت دكاترة واجتمعوا علي وجوا شافوني وبعدها بصموني على الموافقة على عملية عشان التمزق اللي صار معي في المهبل ،☹️ وهنا انتهت حكايتي من الولادة لكن ابتدت حكايتي مع إهمالي للمهبل 😢 مع نهاية حكايتي حابة أنصحكم يابنات إياكم والإهمال وإياكم والخوف ، صحيح الخوف فطرة وطبيعي لكن عواقبه وخيمة أنا المهبل تمزق عندي لسببين كلها مرتبطة بالخرف: ١/كان عندي التهابات وماعالجتها قبل الولادة من الخوف ٢/ ولدي كان كبير وزنه ٤ كيلو وما سمحت للدكتورة من الخوف تساعدني في توسيع العجان ونا بكرية لازم من التوسيع وأخيراً الدين المعاملة ، ومن جد الناس يوم القيامة كأسنان المشط متسااوون ،، عشان كذا لاتحتقرون أحد يمكن يكون عندالله أفضل ، وكمان إذا كنتِ في مكان تقدرين تساعدين فيها أحد لاتبخلين على نفسك بدعوة في ظهر الغريب وتفريج كربة تأكدي إن الله هو اللي معاكِ ولا رح يعطيكِ فوق طاقتك (لايكلف الله نفسا الا وسعها) صحيح الم الولادة لايُطاق لكنه يُحتمل عندنا القدرة على تحمله وهذا بفضل الله سخرنا لهذه القدرة ، ولله الحمد والمنة أتمنى إني أفدتكم ولاتنسوني من دعواتكم لي إن الله يسهل علي ولادتي لأني في شهري الرابع 🙏🏼 منقووووولة للفائده ..