المرأه بي الفطره بتحب الزينه والنظافه والتعطر بس مشكلتا الوحيده الكسل ومشغوليه البيت والعيال والوظيفه 💔💔 انا اكسل مخلوق وبعد بقيت حامل جا الكسل العلا اصولوا😂😂 في التلاته شهور الاولي ماقدرت اعمل شي لانو الوحم كان ضد اي شي فيو ريحه حتي الحمام كنتا بستحم بي ماء من دون صابون 😷😷 بعد دخلتا الرابع الحمدلله الاعراض خفت فقلتا لي نفسي يابت خلاص نبطل كسل ونبدا مشروع العنايه بالجسم 🛁🛁 ففكرتا كتير ممكن انظم وقتي كيف واهتم بي بوجهي وجسمي وشعري وحتي الايدي والارجل 😅😅 طيب ياام يحي وح تعمليها كيف؟؟؟ اوريكم يلا نبدا اول شي كل يوم ح اهتم بي مكان واحد بس من جسمي ح ابدا بالشعر يومين والوجهه والرقبه يومين ومنطقه الابط والبيكيني يوم اخر شي باقي الجسم يومين . اختار يوم الاسبوع للشعر انا اخترت السبت 😅😅 بعد اصحي وافطر "اهم وجبه في اليوم "واخد حمام زيت الجاهز او زيت زيتون او زيت جوز الهند او اي زيت متوفر عندك بغرق شعري فيه وبغطيه وبفوطه مبلله بي ماء دافي وشور كاب .وببدا شغل البيت بخليه مااقل من ساعتين وكل مازاد الزمن احسن 💆🏻💆🏻💆🏻 وبعدها بغسلو بي شامبو وبلسم وبجفف علي خفيف برش علي فوطه التجفيف بخات من عطري المفضل وبجفف شعري بعد يجف بمسح الفروه بطرف اصابعي مع مساج خفيف بزيت زيتون او زيت جوز هند او جونسون بيبي اويل وبمسح شعري ببريل كريم او بديل الزيت من بانتين وبكدا يكون يوم الشعر خلاص خلص 😌😌😌😌 دكتوره غاده كريم السودانيه أخصائي نسا وتوليد بتنصح بمجموعه الماكديميا للعنايه بالشعر خلال مده الحمل من محلات نزيهه صراحه روعه بس شوي غاليه 💔💔 طيب ماسكات تانيه للشعر بس للامانه ماجربتهم : بصل وثوم يغليهم في كاستين ماي لمده ربع ساعه وتصفيهم الماي وتضيفي سدر لمن تبقي عجين وتختيها علي الشعر لمده ساعتين وبعدها اغسليه . زيت زيتون وثوم تحطيهم في النار لمن يبقي دافي وتمسحين الفروه وتلفيها بفوطه وشور كاب ساعتين وبعدها غسليه . دي خلطه كاتبتها دكتوره للشعر المتقصف والمتضرر من الصبغه وللشعر الجاف مكونات الخلطه زيت جوز هند (عضوي) يعني بكر معصور عالبارد زيت لوز حلو زيت افوكادو زيت خروع زيت بذور العنب زيت جاجوبا(عضوي) علبه تعبو ربعها زيت خروع والربع الثاني زيت لوز حلو والنص الأخر من العلبه يتقسم 3 اجزاء جزء لزيت الجاجوبا وجزء لزيت الافوكادو وجزء لزيت بذور العنب وكل ملعقتين من الخلطه ينضاف لهم ملعقه زيت جوز الهند وتخلطيهم في علبه واحده تعملين منهم حمام زيت مرتين بالاسبوع . ماسك البيض معروف البيض غني بالبروتين مكوناتو بيض ٢-٣نقاط عصير ليمون لو شعرك دهني ح تستخدمي البياض فقط لوعادي اوجاف ح تستخدمي البيضه كامله تخفقيها جيداً وتضيفي نقاط ليمون عشان رائحه البيض تخلي الماسك مده ٢٠دقيقهً ويغسل بالشامبو وماي بارد. يفضل خلال الحمل اختار الشامبو الذي لايحتوي علي السيلكون 🌹 **اهم شي للعنايه بالشعر الغذاءالمتوازن ** ماتنسوا شراب الماء ولاتنسونا من صالح الدعاء 😇😇