مساؤكم / صباحكم كله خير بكرياتنا الجميلات ..الامهات اللي راح يحسون بالامومة لاول مرة .. هذا الموضوع لكم .. وبعيد عن كل المثاليات والمبالغات .. كثير منكم من اول ماتحمل يجيها خوف وتوتر وهذا امر طبيعي .. اللي مو طبيعي المبالغه بهالامر وانه نسمع عن الولادة وتتمثل بكلمة الموت او الحرق زي مابعض الاخوات توصف .. انا حابة اقولكم انا كنت بكريه ومثلكم تماما كان الخوف متملك مني لدرجة كنت احب استفسر بكل وخز او ألم او حتى توتر وأربك نفسي ومن حولي .. الموضوع طلع بسيط ..لان تذكرت ان الله لايكلف نفسا الا وسعها ..ماراح اقول راح تخسرين وتتعبين التعب له طعم خاصه لما يفتح عيونه بالصبح ويناظرك ويبتسم كل هذا يروح في ابتسامته .. حبيت اقول للبكريات الوخز هذا هو تمدد لرحمك والم الظهر والحوض هو تمدد وتوسع لحوضك لانه تو اول مرة يتوسع حوضك بتحسين بوجع وألم .. طبيعي جدا طالما الالم يجي ويروح فماعندك مشكله .. اذا الالم ماكان معه دم او نزيف او كان مستمر لساعات طويله معناته فيه مشكله فورا على طواريء تروحين عشان تتعاملين مع الموضوع من بدري .. ألم الصدر او التشققات هذا افضل حل له كريم بالمرز او زيت زيتون تدهنين فيه صدرك عشان مايتشقق ولاتنسي بطنك عشان الستريتش مارك اللي بتبان بعد ولادتك .. نظرية بطنك بيظل مو حلو وكبير هذي الفكرة خاطئة اذا كانت ولادتك قيصريه فالبسي مشد بعد ست شهور او من بداية ششهر الثاني بعد العمليه ومشد خفيف .. واكلي اكل صحي كثري بروتين وخضار وفواكه استغني عن الرز الابيض والخبز الابيض راح يخف بطنك تدريجيا ويرجع جسمك احلى من قبل .. اذا ولادتك طبيبعيه من اول ما تولدي البسي مشد واعتني بصحتك لنفسك وللبيبي .. كمان الرضاعه الطبيعيه ترى لها دور كبير بتنحيف جسمك وشد بطنك وصدرك وكمان ترجع رحمك لوضعه ااطبيعي ..تابعي اليويتيوب تتعلمي كيف ترضعي صح بدون مايوجعك الطفل بالتقامة حلمة صدرك او تشققه .. اذا ماقدرتي لتعبك او لمرضك انه ترضعينه مو مشكله اهتمي بغذاءك وصحتك وصحة البيبي .. انا مع الرضاعه الطبيعيه لكن مو ضد اي ام لها ظروفها بالصناعي .. نظرية انه الولادة صعبه وتعب وجهاد هذي بيد الله الولادة سويعات وتنتهي بكل ماتحمل من صعوبات ..ماراح اقولك ولادة مرة بسيطة وخفيفه ورمشة عين ..الولادة حياة لطفلك يعني لاتنظرين لها بمنظور الموت او الحرق زي مابعض الاخوات يصورونها لك . وبدليل ليه يحملون مرة ثانيه اذا هي شافت الموت ..اكره وصف انه تعطين الحياة لجزء منك كانك تقولين موت لا ابدا هي ألم وتعب وانتظار وربما تطول ولادتك او تقصر هالسهاله من رب العالمين بدال ماتبكين وتتوترين هاالشعور وفري بالتنفس العميق باااستغفار بالدعاء يكفي انه دعاءك مستجاب مستخسرة تدعين بهاللحظة لك ولاهلك لزوجك ولماديتكم ولحياتكم مستخسرة تدعين لابنك او بنتك اللي راح يجون للحياة ؟ البكاء راح يتعبك التوتر راح يزيد من وجعك وألمك وخوفك راح يتعب جنينك اللي هو فرحان بخروجه من بطنك عشان يجي لحضنك .. بعد هالساعات راح تحسين انك كنتي بحلم كانه صور مرت بسرعه تشوفين بنتك او ولدك راح تكوني بعالم اخر عالم كله دموع فرح وضحك وتباشير .. نظرية ماراح اشبع نوم لا حبيبتي راح تشبعين اسمعي نصيحتي ..نامي لما ينام طفلك لو ينام ساعه نامي معه لاتجلسين تنتظرين نامي اول ماينام لوكان ع الليل ينام او النهار نامي عشان ترتاحي وتتعاملي معه بكل راحة او مايصحى بدون توتر او ارهاق .. فيه مجال لما ينام تاخذي شاور وكوب قهوة وتقري كتاب وممكن تنامي الخيار لك ولقدرتك .. لاتنسي تقرأين له قصص ترى القصص والقران يهذبه ويربيه .. فيه شي دامك لسه حامل ..كلميه وهو ببطنك قولي له عن فرحتك فيه عن احلامك فيه عن توقعاتك لمستقبله الجميل قد ايش راح يكون اضافه جميله خليه يسمعك ويفهمك ..ترى حتى انتي ومشترية له اغراضه افتحيها بالبيت وكلميه قولي شريت لك كذا واتمنى تصير حلوة انا متاكدة انك انت تحلي اللبس ..تمني انه ربي يكتب له اجمل حياى وحظ وان مايشوف شي وحش بحياته ..لما يولد راح يبكي بس تاكدي لما يسمعك راح يهدى ؤاح يتطمن وراح يتربى بصوتك راح تشوفين ان الاطفال حولك يبكون ويصرخون الا هو لانه تعلم صوتك وعرف انك قريبه منه حتى لو ماحملتيه بين يديك .. هذي بعض من النظريات والنصائح والامور ..اللي حبيت افيدكم فيها .. اذا فيه اي سؤال او اضافه من اخواتي الكل مرحب به وبكل ايجابيه .. الله يتمم عليكم حملكم ويرزقكم ساعه ولادة يسره وسهله وينسيكم اي ألم واي نظرية خاطئة تتغير لشي جميل لانه لو ماانتم مستعدين ماكان ربي اعطاكم هالنعمه وهالمسؤوليه وتاكدوا كل طفل يولد يجي رزقه معه وخيره وبركته طالما انتي وابوه محسنين الظن بالله خيرا راح يكون جية هاابيبي خير وبركة لحياتكم .. واتركوا كلام المبالغه والموت والحرق والخرابيط اللي عن الولادة امهاتنا ولدوا بظروف صعبه وماقالوا لا نوقف ع طفل واحد لاننا شفنا الموت ولايأسوا من رب العالمين ..