للتسلية صبايا 👇👇👇👇👇 منقوووول ومزالت معانات الكنه والعجوزه على الفايس حماتي صايرة كتير حساسة😐 وخاصة بعد ما عملت حساب فيس بوك .. لازم ضل عم تابع معا بالتعليقات ... لازم اذا لقيتا نشط الآن سلم عليها .. إذا سكرت وما حكيتا بتزعل. . هية فهمانة العالم الافتراضي غلط ...مفكرتو متل الحياة الواقعية انو شفتك لازم ضل معك ... وحاكيك وما اتركك ... ومشان يكمل حظي النحس عاملتلو لعمي حساب (( أبو زوجي )) وكمان هداك التاني مو مصدق انو عندو صديقات 😁 وكل شوي ينزل صورو .. شي فايق .. شي نايم .. شي قاعد .. شي واقف ... مفكر النسوان طوابير .. طوابير عليه 😅 والله مابعرف لشو هالحركات بهالعمر 😅 قرفوني الفيس .. رحت حولت عالواتس لقيت حماتي باعتلي مقطع صوت🗣 فتحتو و سمعت صريخا😐 (( وينك انتي ... ليش ما عم تعلقي عندي على آخر كم صورة نزلتون .. مرت أخ سلفة بنت عمي قالتلي : شو وينا كنتك ما بتعلق عندك ؟؟ شو متخانقين من غير شر؟؟ وخالتك صفية بتقلي عمليلا تاغ لكنتك نسلم عليها 🗣 وانا يلي ع طول بقول عنك فهمانة ومعدّلة )) بالزور لحتى فتح معي المقطع لانو الشبكة عندي كتير سيئة .. زعجني مقطع الصوت ويالطيف شو سبيتك يا مارك .. ماعلينا ... المهم فتحت صفحتا لاعمل لايك وتعليق على آخر صورة نزلتها ؟؟ لقيت حماتي منزلة بوست كاتبة ((تعو شوفو شو حلوين مع بعض وعاملة إشارة لعمي 😍 )) حاولت افتح الصورة بس متل ما قلتلكون النت ضعيف 🙃 كانت منزلتو قبل 11 دقيقة وفي كم تعليق من سلفاتي وبناتها وقرايبين حماتي.. _ اول تعليق : وااااااااااااو شو لذيذين😍 _ تاني تعليق : قمة الحب والرومانسية❤ _تالت تعليق: ههههههه الله يديم المحبة 😘 وتعليقات كتير كانت مختصرة. . بس يلي فهمتو بالتعليقات والإشارة انو حماتي حاطة صورتها هية وعمي عالفيس 😍 حبيب فرحلا قلبا وخليها تشوف حالا قدام بنات العيلة كتبتلا تعليق متعوب عليه😍😍 (( انشالله بتقبرو قلبي على هالطلة يا عمي ومرت عمي .. يسعدلي قلبك على فتحة هالعيون ... دخيل ربك يا عمي ما الذك طالع بالصورة .. طالع ملك .. يسلمولي هالشعرات .. ودخيل رب الرومانسية لأجلكون .. طالعين بتجنننننننووووو بالصورة😍😍😍))) كتبت و سكرت ورحت كمل الطبخة .. بس خلصت طبخ وشغل .. رحت مشان شوف شو ردت الجلطة حماتي انشا الله كون عجبتا بالتعليق يلي كتبتو 😎 فتحت الفيس ... العمش الف رسالة من سلفاتي وبنات حماي .. حاولت افتح البوست طلعلي غير متوفر 😑 حساب حماتي ... غير متوفر عمي أبو زوجي .. غير متوفر العمش شو صاير بغيابي😱 فتحت رسالة سلفتي .. قالتلي: الله لا يوفقك على هالعملة😂😂😂 حماتك حاطة صورة قردين قاعدين بحضن بعض وعما ينقوا القملات😂😂😂 لك ليش هيك علقتي😂😂😂 يفكح كيلتك شو حمارة😂😂 المهم خلص راحت عليكي .. كلو عملك بلوك عالفيس 😂😂 😱😱😱😱 ياربي دخيلك😱😱 هلق مافي إلا قدرة قادر يخليهون يصدقوا انو النت كان عندي ضعيف وما فتحت الصورة😭😭 #للضحك 😁