عند الاجانب بس يجي وقت ولادتها ..لك بتطلق من دون صوت . جوزها ماسك أيديها وعما يقلا (( انتي بخير ..هدءي من روعك يا ملاكي .. ستضعين طفلا"جميلا" ..و أتمنى ان يحمل نفس شقاوتك )) بعدين بينكشلا بشعراتا وبقرب آنفو على آنفا وبيضحكو ☺️ بتولد ... صبي سبحان الخالق ابيض أشقر وعيون زرقا 👶 بطلعوها على غرفتها لابسة فستان ناعم ... وجها منوّر ... شعراتا سابلين ...خدودها حمرا 👸 بيستقبلها جوزا بابتسامة ويقلا : لقد رزقنا بطفل جميل .. ساقترب منك قليلاًا كي نتصور اول صورة ثلاثية مع طفلنا واضعها على الفيسبوك .. يا الهي كم أنا سعيد 👪 وبطقوها سلفي والصورة طلعت بتجننن ❤️❤️❤️اما نحنا اول ما تطق مية الرأس بتعزم ام وليد .. وأم سعيد .. وأم محمود .. وما بتعزم ام زكريا لأنو ما عزمتها على طهور ابنها بتعزمهون على حضور الولادة . بتروح عالمشفى حاملة شنطة كأنها رايحة عالسفر .. ببلش صريخها يلي بوصل للشارع .. بتولد .. وبنجيب صبي (( الصلاة عالنبي )) بتجي على غرفتها معرشة .. جايبة صبي .. مخنق وصاير ع كحلي .. والشحمه مسفئة وجهو سفئ .. 😁 وجهها مدبق وملزق .. اصفر ومخنق .. وشعرها من كتر ما صرخت ملزق عالقرعة لابسة قميص نوم طويل و معرق ابو قبة وتلات زرار 😑 بيجي جوزا ابو الرومانسية .. عيونو عالممرضات .. بيجي لعندا ويقلا الحمدلله عالسلامة ام عبدو ..تعي نتصور صورة نحنا التلاتة وننشرا عَل الفيس صرعوا مخي العيلة بدهم يشوفو العجي ((الصبي)) بتقوم ام عبدو بتقدحوا هديك الزورة ويتعصب عليه وبتقلو : (( لا والمصحف ما حزرت هلق بطرقونا عين 👁))😁😂😂😂 اسم الله حولو وحوالي😂😂