العضوة: 97535 , 9 years ago

لبنات عندي مشكل فظهري اسفل الظهر على اليمين فحال الا مخشي فيا قطيب بعد المرات مكنقدش حتى نمشى طبيية قالت ليا خودي دوليبران و لكن هادشي كثر عليا وليت الا بغيت نوقف كنغوت و الا كنت ناعسة خاصني نشد فشي حاجة عاد نوض مع العلم انا الوزن ديال عادي 56كغ واش تنصحوني نشوف طبيبة ديال الظهر؟

العضوة: 100761 , 9 years ago

@user-105130 ياك بعدا قالت ليك الطبيبة بيلا كلشي مزيان

العضوة: 105130 , 9 years ago

اه ولاكين كان عندي تحليل سكر وهيا قالت ليا فطري اول حاجة وانا كليت غير شكلاط ومن بعد عطاتني واحد حاجة شربتها وبقيت ساعة عاد درت تحليل طلع عندي سكر عالي وقالت ليا خصك تعوديه بلا فطور انا مفهمت والو فيها

العضوة: 100761 , 9 years ago

@user-97535 أنا فحالك أختي أكثر المرات ملي تنكون ناعسة على ظهري كنبغي نتقلب لشي جنب كنموت بالألم فحالا ظهري مقسوم على جوج و عظومني كلهم مفرتكين،هادشي بان فيا ملي كملت 3 شهور ديال الحمالة،قبل وخا نعس ليل كامل على ظهري عادي

العضوة: 90358 , 9 years ago

@user-97535 ويخليك اختي المهم هو تكوني بخير انت والبنات

العضوة: 105130 , 9 years ago

@user-97535 حتى انا حبيبة فحالك انا غير من بنت حيت كاينة في جهة ليمن هذا هو سبب حتى مكنقدش نبقا باركة

العضوة: 97535 , 9 years ago

@user-105130 يمكن اختي حتى انا نفس شي حيت بنتي كتقل ليا على ليمن بعد المرات و الله معرفت اشنو ندير لمشكل كنصلح و عندي روينة واخة ماما كتقول ليا نجي نعاونك مكنبغيش نعدبها و الا جبت شي وحدة مكتبردش ليا قلبي

العضوة: 97535 , 9 years ago

@user-90358 لحمدلله بخير غي مني عرفتك هاداك هو رباح

العضوة: 90358 , 9 years ago

البنات اللي يظرهم الظهر راه عادي غير مع الحمل ما تخلعوش وملي تبغيو تتقبو بالليل تقلبو بشويه وما غاديش تحسو وملي تكونو ناعسين تبغيو تنوضو تقلبو للجنب الاخر عاد نوضو ماشي غير تحلي عينك ودوري ههههههه الله يكمل عليكم بالخير اه واللي ما كتحسش بالحركه حتی انا داخله فالخامس وما عمرني حسيت بالجنين وتقولو ميت هههههه فالاول خفت ملي مشيت عند الطبيبه قالت ليا التلاد فصحه جيده ما تخافيش مع انا ولدي حسيت بيه فالاخر ديال الشهر التالت وداب والو

العضوة: 90358 , 9 years ago

@user-97535 الله يعطيك الخير والرباح كلامك عسل الله يعطيك ما تمنيتي

العضوة: 105130 , 9 years ago

خص تحاولي ختي على راسك متشقيش بيها بزاف انا ملي حملت وانا جنبي ليمن كضرني واخر مرة مشيط على طبيبة حيت ضرني بزاف قالت ليا هيا حاطة رجليها ثم

العضوة: 90358 , 9 years ago

@user-100761 ما خاصكش اختي تنعسي علی الظهر لا الجنب الايسر اختي هو اللي كتكون صحتك بخير وحتی الجنين بخير

العضوة: 97535 , 9 years ago

@user-90358 شكرا حبيبة على المعلومات و الله يكمل عليك بالنسبة لحركة الجنين راه الولد حركتو قليلة لبنت لي كتحرك بزاف و بكري الله يكمل على الجميع و بما انه مكين لا وجع لا نزيف الله يحفظ راه كلشي بخير متخافو والو لي كتجيها سخفة تشرب واحد جغمة ديال كوكا راه تقدر تحس بالجنين تحرك واحد طبيب كان قالها لصحبتي

العضوة: 100761 , 9 years ago

@user-105130 متخافيش أختي إن شاء الله ميكون عير الخير أما السكر تيديرو تحليلة بلا فطور تعشاي بكري بين العشا و التحليلة من 8 حتال 12 ساعة و تحليلة أخرى ورا الماكلة بجوج سوايع باش تحمي راسك من السكر و تقاديه راه كاين لي تيولي فيها و كيتزاد تيلاد فيه سكر مباغاش نخلعك و لكن ديري كيف قالت ليك الطبيبة و مكرهتتش تعاودي ديال بلا فطور معا قلتي كليتي شكلاط إن شاء الله تسمعي خبار الخير

العضوة: 105130 , 9 years ago

@user-100761 امبن حبيبة هو في اصل خصها ديرها ليا بلا فطور ولاكين انا مكنتش عارفة حيت مشكيل لغة مكنفهمش بزاف وزوج مكانش معاها عاد عود عيطت وقالت لينا خصك تعوديها حيت لولة خاطئة غدا ان شاء الله غادة نمشي دعواتكم حيت خيفة غير على بنتي اما انا عادي