العضوة: 76613 , 9 years ago

سلام لبنات كيف دايرين مع لحرارة و رمضان حنا ف فرنسا كنتشواو ههههه كيف دوزتو نهار لول

العضوة: 76840 , 9 years ago

شكون الي صانت لبارح انا صمتو وليوم مقديتش 😢

العضوة: 76333 , 9 years ago

ahlaan lhamdullah saahd bzf u rabi y3awna nchaellah saymiin😊

العضوة: 73129 , 9 years ago

salam bnat 3t9oooni ana lham dyal do9mi rzaatni mertatli bzaaf omnefkhaa okathra9ni makatkhalinishi n3as lila kamla hta kanbda nebkiii shkon sba9la w9a3la fhaliiii t3awniii shni 3mlat 😭😭

العضوة: 73129 , 9 years ago

انا بارح صومت مزيانا كنت الصراحة بلحاق ليومة مااانعرف حيت فيا الحريق بزاااف و ماتسحارتشي كنت كانبكي بالحريق هههه

العضوة: 73988 , 9 years ago

@user-76840 اختي انا حاولت البارح ماقديتش كيقتلني العطش.وماقديتش مزال لا يكلف الله نفسا الا وسعها

العضوة: 69731 , 9 years ago

السلام عليكم و رحمة الله تعالى وبركاته الحمدلله ولدت فالليل اخواتي عقبالكم يارب ❤❤ مكانت حتى بوادر مشيت غير نقلب وفنفس الوقت نعلم القابلة اللي مالفاها تولدني ولقات الرحم محلول

العضوة: 42370 , 9 years ago

@user-69731 الف مبروك حبيبة على سلامتك وسلامة البيبي الله يجعل من الصالحين

العضوة: 42370 , 9 years ago

انا صمت لبارح مجانيش لعطش وتصخصت ساعتين وانا واقفة على الورقة هههههه وعرضت على عدوزتي حيدتهم عليا محدي شادا فراسي وبارد الحال شوية الى سخن منعقل على حد ههههههه المهم مجلستش ومن بعد الفطور مشيت تراوح واخا رجلي كيضروني وفصباح شدني كلاكاج الشد العضلي فساقي كنفيق نغوت وطرالي فرجل الاخرى ولبارح نفس الشكل وليوم مقدرتش نود نوقف كيضروني عضلات سيقاني حتى جا راجلي ودارلي مساج وكنغوت وكنبكي هو من كنت كنقوليه كيضروني ميصحابليهش رآه كيضروني ههههههه حتى بديت كنبكي ونغوت هو يقولي كيضروك ههههههههه عاودت ليكم بالتفصيل باش تفهموني بنات شكون لي عندها شي حل لهدا الشد العضلي تعتقني بيه

العضوة: 76750 , 9 years ago

سلام المغربيات الحرات حتى انا حاملة فالاسبوع السابع ولكن خايفة حيت لبارح جاني نزيف شوية وكالي طبيب الكيس لي فيه الجنين تقلع من بلاصتو شوية وكال بقاي غير ناعسة شكون لي ترا ليها بحالي وولدات .الله افككم على خير حبيباتي وافرحكم

العضوة: 69731 , 9 years ago

@user-42370 الله يبارك فيك اختي❤❤❤ عقبالك يارب اختي

العضوة: 73988 , 9 years ago

@user-42370 السلام الزين لباس شوية دابا.شوفي عندك نقص ف فيتامين د.ونقص فالكالسيوم شربي الحليب والسوائل بزااااف ومتبقايش واقفة وقفي شوي وجلسي رتاحي

العضوة: 73988 , 9 years ago

@user-69731 على سلامتك اختي الحمد لله على سلامتك وسلامة البيبي العقبة لينا انشاءالله

العضوة: 42370 , 9 years ago

@user-73988 هو الصراحة مكنشربش لحليب ولما كنشربو بزاف كناخد دانون واحد في اليوم وفيتامين د فين لقاه من غير دوا والله دابا باغا نود نجفف ههههه ورجلي ضراني راني غير مسرحة ههههه

العضوة: 73988 , 9 years ago

@user-42370 لا احبيبة غير حاولي شربي السوائل بزاااف وكمدي رجليك بزيت الزيتون وايلا عندك كمادات ديال الما دافي.وفيتامين د كيكون فالشمس ودابا ملي عندك نقص قوليها لطبيبة تخرج ليك الدوا فيتامين انا نيت كانت عطاتو ليا الطبيبة ديالي