ليش بس وحده تحط موضوع بتلاقي نسبه المشاهدات بالألف و التعليقات و الحلول 4 أو 5 . انا عني و الله بفوت على كل المواضيع حمل أو مزح أو مشاكل عائلية و احكي رأيي و مرات اسئله مابعرفها برد عالصبايا لانو بعرف هالشي بيريحهم فتره الحمل فتره حرجة و بنصير نفسيات و دايق خلقنا بخصوص اول 3 أشهر و آخر 3 أشهر تصير المرا كتير حساسه و بدها حدا يواسيها أو يشاركها أفكارها أو مشاكلها ليش هيك صايره هي النفسية ماحدا يعبر و لا يأخذ هالشي عمحمل الجد حتى لو بكلمة طيبه و الله تسوى الدنيا . طبعا متل كل مره راح حط هالمنشور و ماراح يكون في تفاعل كلو بيشوف و بيطنش انا بظن انو هالبرنامج معمول مو بس مشان تابعي حساب الحمل في الف برنامج فيه حاسبات حمل بس مافي هالجو لي هون و مجمع و حكي و آراء . لا في الف سبب لهالشي و إدارة للبرنامج عملت هالدردشات للحكي وتعارف و نكون عيلة وحده و مافي هالانشقاق ماشاء الله عددنا كبير .كل وحده تحكي التانيه كلمه طيبه و تقدر مشاركتها . انا نحريت و دايقت كل مره بحب نزل هيك موضوع بس بتراجع هالمرة اخذت قرار لانو الحكي مايخصني الي عم شوف كتير صبايا يحطو أسئله ما حدا بيرد انا جكاره بروح رد عليهم حتى لو كلمه أو الله يتمملك على خير و من هالحكي . تقبلو مروري