استيقظ كل صباح مسرعة كالعادة متلهفة لأفتح العيادة ..وأبدا بانتظار زبوناتي تدخل الاولى حامل بالشهر التالت دكتورتي العزيزة اللذيذة ☺بقدر اشرب تمر هندي حاكم هو المشروب المفضل عندي؟؟..اي روحي شربي ولكن باعتدال ولساتك حلوة وصغيرة ولاتكتري دلال..... وصفتلا الدواء اللازم دكتورة بعد الغدا معلش هالدواء اشرب لاني حاسة حالي كتير عم اتعب..اي بصير خدي حبة مع كاسة عصير ..معلش تمر هندي او تفاح بصير .....؟؟؟؟ خيتو شربي شوبتريدي واسئلة لابقى تزيدي.... شكرا دكتورة وايمت المراجعة ..حاكم بدي متابعة.. خليها لبعد أسبوع ولكن حاسةقلبها من كتر الاسئلة موجوع😒..... يلي بعدها تفضلي روحي ..دكتورة شوفيلي شو معي بنت ولاصبي ..احكيلي ولاتخبي تحبي الله والنبي..معك صبي باذن الله وادعيلو يجي بالسلامة وتسميه عبدالله..... .طيب بقدر امشي واكل كلشي ؟؟؟..اي طبعا عيوني ..طيب بيأثر اذا اكلت محشي حاكم وحامي كله عالحمض كتران واكلي كتير حاسستو قلان؟.... .بصير اكل بيض مسلوق مع لبن مخفوق ؟؟بصير أكل فروج تركي ؟؟ عبقولو فيو كتير هرمونات وانا حاسة رجلي بسببه ورمانات..😰.كلي وتوكلي عالله... بسرعة غيرك عبينتظر يالله ...ووصفتلا الدوا اللازم ومشيت وفي راسها مئة سؤال وعبغني دماغها الف موال 😂 ..... .تفضلي روحي شو وجعك دكتورة راسي واجعني معلش اخد سيتامول حاكم زوجي عنه مانعني...عادي شربي حبة باليوم مابتضر وقت تنوجعي شربيها بالسر..معلش اطلع عالدرج وانزل عند حماتي حاسة هالشغلة رح تسبب مماتي؟؟؟ ..لااااء عاااادي طلعي ونزلي وشو مابدك كلي...معلش اطبخ مفركة الكوسا مع البيض ؟؟سمعت انها بتسبب الغيض.😁..معلش ساعد حماتي بالتعزيل خايفة اتهدد بالتنزيل.؟؟... ..لك روحي انت حامل وعقلك متكامل ..انت حامل ولستي معاقة لاسمح الله او متخلفة عقليا..ولامريضة بمرض خنفشاري ..انت ام رح تصيري انت ام ..انت حامل بوبو صغير رح تحضنيه بعد تسع شهور وحاج اسئلة براسك تلف وتدور .... عيشي حياتك بشكل طبيعي وقال وقلنا وحكي لاتشتري وتبيعي 😠... ..والله ستي جابت 14 ولد وهي قاعدة عالكانون...وتحبل السبت وتولد الاحد وحبة ماشربت ولابعمرها انكربت وجابت عر ولاد صبيان وشباب ...وماتعرف زيد من عبيد..وياعيني كانت حامل خمس شهور ومهي دريانة ..وعلى ايدها ولد وفطمت سعد وعبتعلم وعد ونايم على سريرها مجد ..لك ومالاخبر حامل بعد.... ماشافت الاولد في بطنا عم يخبط خبط ..ونبض قلبه عبينبض نبض.. ..واجاها الطلق والتمت عليها الجيران والخلق..وولدت بالبيت وعالارض وجابت محمد ونجمة طلعو توأمين بالصلاة عالزين ..بقى وين عايشة يامرحومة الوالدين..... عم افكر اسكر العيادة واشتغل بصارة ..براجة ..اقرأ الكف وشوف حظك يازين...انتي بأي ديرة وهو وين 😍...ومابقى بدي اجاوب على أي سؤال 😉 .بيض الفال الله لايحرمك من العيال 😂😂😂..