9 years ago
  • المرحلة الثالثة (الأشهر 9,8,7)
أمور أوصيك بها عند الولادة من واقع تجربة : 1. من بداية الشهر التاسع ابدي بالمشي لمسافات تتراوح بين نصف ساعه و45 دقيقة يومياً - طبعاً اذا ما عندك مشاكل في الحمل مثل نزول المشيمة - 2. كلي تمر يومياً ، وخذي عدد فردي ، انا كنت يوميا آكل 21 تمرة ، تسهل الولادة وتعطيك طاقة في آخر أيام الحمل ووقت الولادة 3. لما تحسي بأعراض الطلق ، امشي في البيت وخذي شاور دافي والبسي شي خفيف جدا يريحك وشيلي شعر المنطقة الحساسة وخليك جاهزة ، واذا كان وقت صلاة صلي وصلي بعد ركعتين زيادة لتسهيل الولادة 4. روحي للمستشفى وخذي معك شي دافي تشربينه مثل سكر احمر او حلبة 5. خليك مسترخية ولا تفكري باللحظة اللي بتولدي فيها ولا تتوتري وسولفي مع اللي معك عشان تتناسي ، ولما يجيك وجع تماسكي ولا تصرخي او تبكي ، لان الصراخ والبكاء يخليك تبذلين جهد وتفقدين طاقة بتحتاجينها وقت خروج الجنين 6. لما تحين اللحظة اللي بيخرج فيها طفلك ، ساعدي نفسك لأن محد بيساعدك لا الدكتورة ولا الممرضات ، هم مهمتهم بس يكونون معك ويساعدوك في أمور معينة مثل شق المنطقة اذا احتاج توسيع أو تخدير او خياطة بعد الولادة وغيرها 7. بعض الممرضات تسمعيهم يقولولك يلا ادفعي او ازفري ، واذا كنتِ بكرية طبعا ما راح تفهمين ويش يعني ، وانا كنت كذا ، وكنت اصرخ عليها ايش يعني ؟ وفي النهاية علمتني الممرضة الطريقة ( انك تدفعين كأنك بتطلعي براز - الله يكرمكم - ) وكل ما حسيتي بتعب وقفي دفع وخذي نفس عميق من الانف وطلعيه من الفم ، وحاولي ما تدفعي فترة طويلة عشان ما تروح طاقتك كلها في الدفع. هذا من واقع تجربتي كـ بكرية ، ان شاء الله استفدتوا ، وربي يسهل ولاداتكم جميعاً 💛🌿

51 تعليقات

العضوة: 59603 , 9 years ago

كلامك صحيح وعن تجربه الله يجزيك خير

العضوة: 23796 , 9 years ago

جزاك الله خير على هالنصايح وربي يسعدك دنيا واخره 💖

العضوة: 39297 , 9 years ago

@user-41797 الله يسعدك يارب

العضوة: 41797 , 9 years ago

@user-15975 الله يسلمك 😘

العضوة: 41797 , 9 years ago

@user-59603 الله يجزيك الجنة ❤

العضوة: 41797 , 9 years ago

@user-23796الله يجزيك الجنة ،آمين ي رب 😘

العضوة: 41797 , 9 years ago

@user-39297 ويسعدك حبيبتي 😘

العضوة: 39297 , 9 years ago

@user-41797 اختي انا تجيني رغبه اطق ظهري يعني الف يمين او يسار وانا جالسه وغصب عني مقدر اتحمل الشعور الا واسويها .. احاول اطنششش اخاف انها تضر حملي وش رايك☹️ ا

العضوة: 41797 , 9 years ago

@user-39297 ما أعتقد تأثر ع الجنين أختي ، الجلسة الطويلة هي اللي تجيبلك ها الشعور ، حاولي لا تجلسي فترات طويلة ، قومي امشي في البيت دقايق وبعدين ارجعي واجلسي ، وفكل الأحوال ها الشعور م بيروح الا بعد الولادة وآلام الظهر مالها حل للاسف ☹️ الله يقويك😘

العضوة: 57179 , 9 years ago

الله ايبارك فيك

العضوة: 14281 , 9 years ago

مواضيعك مرة حلوة نفسي اي شي تنزليه يطلع عندي جزاك الله خير الجزاء

العضوة: 41122 , 9 years ago

جزاك الله خير

العضوة: 42568 , 9 years ago

الله يجازيك

العضوة: 53107 , 9 years ago

فعلا كلامك صح 100/100.الله يجزيك الخير

العضوة: 41797 , 9 years ago

@user-57179 ويبارك فيك ي رب 😘