السلام عليكم ورحمه الله .. قصتي قبل يوم صحيت الظهر وكنت حاسسه ب الم ببطني وبما اني بكريه م عرفت ايش هو .. قعد يروح ويجي وانا متجاهله حسبته طبيعي .. رحت لحفله وكان كلشي تمام وهادي والالم م اثر فيني كثير كان كلشي طبيعي .. رجعت ونمت وصحيت بسوي الغداء واحس ب الم مو طبيعي مو قادره اوقف وصحيت زوجي وماعرف وش فيني وراح ينادي عمتي ~ امه ~ اول م دخلت وشافتني قالت البسي بسرعه هذا طلق استغربت انا وزوجي قلنا مستحيل بدري انا ببدايه السادس .. ولقيت اني جد مو قادره حتى اوقف البس عباتي وكان طلق يجي ويروح بسرعه هنا ركزت شوي وفهمت انو جد طلق .. كان اطول مشوار للمستشفى والحمدلله وصلنا وانا ي الله اتحممممل بموت احس خلاص في شي بينزل .. ع طول دخلوني كشف الرحم كله مفتوح حتى م قدرت تدخل اصبعها كامله قالت حست بالكيس داخل وقريب .. كشفت النبض موجود وحركتها سليمه بس الغريب الرحم مفتوح .. طلعوني فوق قسم الانتظار يحسبو باقي بتاخر ع طول لبسوني فتحت رجولي وهم طلعو محد عندي وبكريه ومادري وش وضعي حتى م ادري يبغوني اولد ولا كلمه وطلعو .. قعدت اتالم وادعي واوجاع قويه جت تركب مغذيه وراحت حسبت بشي بيطلع وشديت شوي وطلعت ع الحيياه الي م شافت منها شي ( للعلم ولدت لحالي وبغرفه انتظار حسبي الله عليهم) كانت صغيره جدا ٤٠٠ جرام وباقي بالكيس وتتحرك قالو الحمدلله باقي عايششه ونسيت كل التعب قلت خلاص عنايه بالحضانه وكلشي يرجع بخير .. قعدت وطلعت المشيمه وقعدت انادي بالغصب جو ينظفو تحتي بعد ساعه بالقرف نظف تحتي ومانظفتني راحت وقعدت انادي مره ثانيه بالغصب سوت لي تنظيف وراحت وانادي ومحد جات توديني الحمام وقمت لحالي بعد كل ذا التعب حسبي الله عليهم .. اتصل زوجي وقال عظم الله اجرك توفت لان باقي صغيره ومستحيل تعيش سكت بصدمه وبكيت الحمدلله ع كل حال بحتسبها لله وقال بوديها ونغسلها وبنصلي عليها .. وهو يكلمني دخلوها علي وهي متوفيه 😞😞😞 اتاثرت كثير رغم اني م شفتها الا كم نظره طلعوها واخذها زوجي وخلصو دفنها .. ورجعت البيت نفاس لكن بدون طفلتي 💔 بنصحكم لاتستهينو ب اي تعب تمرو فيه انا اتهاون اقول انه طبيعي م عرفت انو طلق خفيف واشتد وقالت الدكتوره لو جيتي بدري شوي كنا لحقنا والحمدلله محد يدري وش فيه الخخير احتسبتها لله يكفي بتشفع لنا يوم القيامه وادعولي انسسى واتعدى هالمرحله ويحفظ لكم اطفالكم ي رب واستودعتكم الله بهذا البرنامج لحمل جاي انشالله وسليم دمتم بخير .