السلام عليكم مجرد عنوان لأن فيه موضوع قاهرني وتعمدت أحط هالعنوان عشان الكل يعرف شلون تأثير الكلام أولاً الف الحمدالله على السلامة لكل اللي ولدو والله يكتب أجركم ويفرحكم بأولادكم يارب بس بالنسبة للي تجي تبشرنا او تحكي قصة ولادتها صدقوني بنفرح معاها وحابين نعرف التجربة كيف كانت بس عندي ملاحظة انو مو الكل ينتبه لكلامه وأكثر جملة قريناها"شفت الموت بعيوني" ياساتر الموت!؟؟أعرف انكم حابين تفضفضو وتوصفو كمية الالم اللي حسيتو فيه بس والله بما انك ولدتي واخذتي جوالك وفتحتي البرنامج أعتقد أنك نسيتي كل شي بفضل الله ف ليش تأثرين على غيرك ب هالجملة!؟ ترى الكلام والأفكار تأثر وأقرأوا عن قانون الجذب بتقولين كنت فعلاً موجوعه ولازلت وقاعده اشتكي لكم صدقيني الشكوى لله هي أفضل وأصدق وأنفع ششششي نبغى نقرأ ونبغى قصصكم ونبغى تفاصيل بس مانبغى التركيز على السلبي زائد اذا حبيتو توصفو الالم تقدرو تنتقو جمل وكلام أفضل من كذا بالنهاية انا ك حامل وانتظر ولادتي ماراح يفيدني اني اعرف انك شفتي الموت بعيونك ولا راح يغير شي في ولادتي ممكن تتسهل وممكن تتعسر لكن كلامك هو اللي بيشغل فكري وعقلي لحد لحظة الولادة!! هذا رأيي اسفه عالإطالة واعرف انو مو الكل يتعمد يضخّم هالمواضيع لكن لي حرية هنا في اني اطرح رأيي والله يكتب التساهيل للجميع ياارب ..