العضوة: 36054 , 9 years ago

@user-39774 هههه متخافيش ازين را عاااادي هاد الاحساس دوزتو في حملي الاول ولكن التاني بديت كنولف تقريبا من شهر 6 وخا مكنحسش بحركة بنتي كمنخاااافش و كنسا كدوز 4ايام كترجع كيف الاول ههه حيت في ولدي ملي دخلت 6شهور وانا كنمشي لسبيطار بحجة الحركة مكيناش كيعطيوني كاس الما متلج و كنعس على جنبي الايسر و كيديرو ليا التخطيط و من وراها بي 15دقيقة كيتحرك و كتر من الاول هههه بقيت هكاك كل شهر كنمشي كتر من 6مرات ولا فيا بحال مرض ههه ولكن حملي تاني معمرنييي مشيت حيت غير البيبي كيكون ناعس مدام مكينش الدم والوجع و الافرازات البنية و الم الضهر عادي جدا

العضوة: 39774 , 9 years ago

@user-36054 انشاء الله حبيبة حتى انا داب من اول حملي و انا دم وافرازات بنية فاش كنمشي لطبيب كيقولي دري تحرك من بلاستو ولكن النبض و البيبي بخير و كنرجع نخدم حتى كطرالي نفش المشكل آخر مرة مشيت عند بروفسور قالي عندك انفصال في المشيمة و تجمع ديال الدم و بااااز لهاد لبيبي مسكين كيعافر بوحدو صافي عطاني الراااااحة غير على ظهري 15 يوم والبارح مشيت كونترول لقى داك الدم حيد منو النصف وزادني الراحة حتى نبرا ونكمل حمالتي عادي انشاء الله

العضوة: 36054 , 9 years ago

@user-39774 اه اختي والله يشافيك و يجيب وليدك على خير و بيخير متخافيش ربي معاك احبيبة غير راحة و متخافيش دابا الحمد لله معدك وليدات لي نودوك رتاحي مزيااااان حتا دوز مرحلة بسسلام

العضوة: 39774 , 9 years ago

@user-36054 انشاء الله حبيبة ربي كبير و انا في الاول حيت ممولفاش على الحمالة خملت الدار هزيت التقل و بديت نغسل ونخوي الماء جيت نكرط تهرساتلي وهودت كلي كنجفف حتى نشفت الماء وعاد زيدي الدروج نتلع ونهبط كنصحب الحمل عاااادي ولكن ربي كبير انا غاد جارا هههههه الله يتمم حملنا على خير و نولدو وليداتنا على خير وفي احسن صورة ويكونو ياربي دخر للاسلام والمسلمين. قولي لي وقتاش كيبان جنس الجنين ?

العضوة: 36054 , 9 years ago

@user-39774 الله معاك اختي و مالكي على حالتك تكايسي على راسك كيبان من الاسبوع 18كيكون واااضح و مكيكونش الغلط في تحديد الجنس

العضوة: 39774 , 9 years ago

@user-36054 انشاء الله عرفتي حلمت بوليد ولي جات من عند الله مرحبا بيها