10 years ago
  • المرحلة الأولى ( اول 3 اشهر)
حركة البيبي قلت يا دكتور!! إمتى أبدأ أعد حركة البيبي ؟؟ وأعرف منين انها قلت ؟؟ وأتصرف ازاي لو قلت ؟؟ عشان دة موضوع مهم لكل الحوامل وللأسف مش مدركين أهميته وأهمية دورهم عشان كدة حابب أشرحه بطريقة مختلفة وسهلة في نفس الوقت أولا بتبدأي تعدي من أول ما الطب يسمح إننا ننقذ البيبي لو ولدناه بدري ساعتها !! يعني من أول العمر اللي ممكن الحضانة تقبل فيه البيبي .. يعني في مصر من حوالي 28 أسبوع لازم تعرفي إن فيه أسباب كتير (طبيعية) ممكن تخليكي متحسيش بحركة الجنين أولا : انه يكون نايم..(ماهو بني آدم برضه زينا ومن حقه ينام ..) ثانيا : يكون بيتحرك وانتي اللي مش حاسة نتيجة قلة المية حوله أو كترتها أو بسبب زيادة الوزن مع الحمل ولازم تعرفي برضه إن طبيعي إن الحركة تقل مع التقدم في الحمل.. لأن المكان بيضيق عليه وبدل ما كان بيتحرك بجسمه كله هيبدأ يتحرك بأطرافه بس لكن كل دة في حدود انها متقلش عن 10 مرات الحركة الطبيعية هي أكتر من 10 مرات خلال 12 ساعة كاملة وهنا الستات بيتلخبطوا يعدوا ازاي.. هاتي ورقة واعملي فيها 10 خانات ومن أول ما تصحي كل ما يتحرك حركة اعملي علامة في خانة (ملحوظة : لو البيبي خبط خبطتين ورا بعض دول بنحسبهم حركتين مش حركة واحدة) طيب لو فات 12 ساعة كاملة بأقل من 10 حركات تعملي ايه ؟؟ اعملي الخطوات دي بالترتيب 1) خدي حاجة مسكرة ( شيكولاتة يا ريت) 2) حطي برفان على منطقة السرة 3) نامي على جنبك الشمال لمدة نص ساعة وركزي مع الحركة بس المفروض ان دي ظروف كافية تخليه يصحى ويفوق ويتشقلب كمان ... طب لو محصلش؟؟ كلمي الدكتور بتاعك وتوجهي لأقرب مستشفى فيها دوبلر أو رسم نبض الجنين بدون تأجيل لأن ممكن يكون الدم اللي واصله بدأ بدرجة معينة يقل والجنين بدأ يتعب وبالتالي تقل حركته وساعتها قرار الولادة هيكون أسلمله شكرا ليكم

14 تعليقات

العضوة: 12295 , 10 years ago

حرام تفوتو النصائح والله

العضوة: 15336 , 10 years ago

الله يسعدك يارب نصااايح قيمه تسلم ايدك والله

العضوة: 15318 , 10 years ago

ربي يحميك تسلمي

العضوة: 5751 , 10 years ago

الله يعطيك العافيه💋

العضوة: 6447 , 10 years ago

عاشت ايدج حياتي

العضوة: 4127 , 10 years ago

تسلمين عيوني

العضوة: 7479 , 10 years ago

معلومات مفيده شكرا لك

العضوة: 18160 , 10 years ago

يعطيك العافية وتسلم ايدك 😘

العضوة: 11588 , 10 years ago

الله ايعافيك حبيبتي على النصائح

العضوة: 18653 , 10 years ago

يسلمو عالنصايح😚👍

العضوة: 11547 , 10 years ago

جزاكي الله خيرا على النصائح الجيد

العضوة: 18680 , 10 years ago

ممكن اعرف كيف تكون حركة البيبي في الشهر السابع

العضوة: 12295 , 10 years ago

استفادو حبيباتي