السلام عليكن
البوست ده هنجمع فيه كل الحاجات اللي بتخرج من فرج المرأه بأسلوب سهل باذن الله
البوست طويل بس هيجاوب كل اسئلتك بأذن الله .. اعرفي وانشري البوست واحتسبي الاجر في الايام الجميله دي ، وخلي نيتك تعلم علم شرعي نافع ، الانسه والمدام تنزل معانا .....والمطلقه والارمله واللي حتي تحت ال12سنه ينزلوا برضه 😂
هتلاقوا ف الاخر اكتر الاسئله الشائعه ف المواضيع دي 😊
نبدأ بأنك كأنثي هيخرج من فرجك 10 انواع من الحاجات ( البول ، رطوبه الفرج ، المني ، المذي ، الودي ، دم الحيض ، دم النفاس ، دم الاستحاضه ، الكدره ، الصفره )
هناخد واحد واحد ببساطه وسهوله
☑ البول مش محتاج شرح وكلنا عارفين ان الوضوء منه واجب
☑ رطوبه الفرج دي ماء رقيق بينزل لناس كتير وناس كل فتره ... ده لا يوجب غسل ولا وضوء ولا اي حاجه تعيشي حياتك عادي خالص ، وفي رأي قال يوجب الوضوء بس الرأي الاقوي انه لا يوجب الوضوء
☑ المني بقي ده بينزل في حالتين اما بعددد الجماع او انك تنامي وتحلمي انك مع حد في جماع فتصحي تلاقي المني او لو لا قدر الله بتمارسي العاده السريه " وطبعاً دي حرام وزنا " .. والمني يوجب الغسل ، لازم تتطهري منه ولما بيخرج بتحس بيه وبيبقي بعده احساس بالفتور
☑ ندخل في الحيض والنفاس والاستحاضه .. هشرحهم مع بعض عشان نفرق بينهم
الاول ودي من اهم النقط
لازم كل واحده يكون عندها القدره علي التمييز بين( دم الحيض او النفاس) و(دم الاستحاضه )
دم الحيض والنفاس ليهم نفس المواصفات ، دم الاستحاضه هو اللي مختلف ، فنعرف صفات كل دم منهم
دم الحيض او النفاس لونه احمر غامق مايل للسواد ، ممكن برضه يبقي لونه احمر مصفر او داخل علي بني آخر ايام بالذات
ليه ريحه كريهه
ودم الاستحاضه لونه فاتح كأنك اتعورتي في صباعك مثلاً من سكين هينزل دم لونه فاتح وملوش ريحه ، ودي صفات دم الاستحاضه
يبقي دلوقتي كده مطلوب مننا نركز في الدم اللي خارج من جسمنا لونه وريحته عشان نقدر نميز
وهنا هنقف ف كذا نقطه
1- الكدره او الصفره اللي هما افرازات لونها بني او اصفر لو جت ااااي وقت ف الشهر مش بريود ✋ لكن لو جت بعد البريود مباشررره تتحسب منها وتستني لا تصلي ولا تصومي .
2- لازم لازم لازم تميزي الدماء اللي بتخرج منك لان مفيش شيخ او عالم يقدر يقولك انتي كده تصومي ولا لا وتصلي ولا لا الا اذا تأكد من موقف الدم ( واللي ممكن يبقي حيض او استحاضه ومحدش بيشوفه غيرك فلازم تحكمي ده ايه قبل ما تسألي )
3- ودي ممكن تبقي صدمه للكل ، انتي مثلاً العاده بتاعتك 5 أيام متواصله
ممكن بقي لانك مش قادره تميزي دم الحيض من الاستحاضه يكون خامس يوم ده استحاضه ويبقي كده المفروض عليكي فيه صلاه وصيام .. فنرجع تاني لاهميه انك تقدري تميزي الدم من بعضه وده سهل جداً
.......................................
ندخل في تاني موضوع بقي
انا اعرف منين اني اتطهر خلاص ونقطه الدم اللي بتنزل بعد ما اتطهر دي .. اتطهر تاني ولا لاء ؟
عشان اصلاً اساساً تفكري تطهري لازمك علامه من اتنين
اما تلاقي القصه البيضاء ، ودي ماء رقيق ملوش لون .. نقدر نشبهه ب مياه الحنفيا بس لزج شويه ، والقصه البيضاء دي بعض الناس مش بتجيلهم
يبقي عندهم تاني علامه اللي هي الجفاف
بمعني تمشي قطنه تطلع نظيفه
طيب انا اعرف منين انا بيجيلي القصه البيضاء دي ولا لاء ؟ اللي بيطهروا والبريود بتخلص عندهم بيها بتبقي كل شهر .. ركزي مع نفسك اخر ايام البريود وانتي تعرفي علامه طهرك القصه البيضاء ولا الجفاف
كده بقي يبقي بعد ما تلاقي واحده من علامتين الطهر تتطهري ولو نزل بعدها اااي حاجه تبقي استحاضه
نقطه ، نقطتين ، جردل ميهزكيش 😉
....................................
نيجي بقي للنفاس
الناس الكبيره تقولك 40 يووووم نفاس لا تصلي ولا تصومي ولا جوزك يقربلك 😠
اللي تقولك كده فهميها بقي ☺
النفاس مدته بتختلف من ست لست
ممكن اقل او اكتر من ال 40 يوم عااااادي جداً
اتفقنا فوق ان دم النفاس زي دم الحيض في الشكل واللون والريحه
طول ما هو موجود انتي نفساء لا تصلي ولا تصومي ولا جوزك يقربلك
طيب خلص الدم اللي بمواصفات دم الحيض بعد مثلاااً 30 يوم وفضل دم تاني ينزل بس لونه فاتح و ملوش ريحه .. يبقي استحاضه وعادي تصلي وتصومي وجوزك يقربلك عادي ، وهنا نرجع ونأكد علي اهميه انك تعرفي تميزي الدم اللي خارج منك
كده خلصنا الجهل والبدع في حته النفساء
................................
حته تانيه للمتزوجات
ينفعش ابداً تكوني حائض وخلصتي وقبل ما تتطهري زوجك يجامعك وبعدين تتطهري مره واحده للاتنين
مينفعش عشان حرام مش عشان ياي وقرف وعفانه .. حرااااام
تتطهري الاول من الحيض او النفاس وبعدين خدي راحتك انتي وهو وارجعي تطهري تاني
.....................................
قسم الاسئله الشائعة :-
انا جتلي البريود وبعدين فضلت ساعه " او اكتر يوم اتنين .. الخ " مفيش حاجه ورجع نزل دم تاني ، اعمل ايه ؟
لو الدم اللي نزل الاول حتي لو نقطه دم حيض يبقي تتطهري وتصلي طول ما مفيش حاجه بتنزل ، ولما يرجع ينزل تاني تشوفي برضه ده دم حيض ولا استحاضه وبناءاً عليه هتقرري تصلي وتصومي وتجامعي زوجك او لا
الحكم ده لدم الحيض والنفاس.
⬅لو انتي متجوزه و بعد الجماع مفيش ماء للطهاره تيممي وصلي
⬅طيب وسائل منع الحمل وعلاقتها بالبريود
اصلا منع الحمل مكروه بس لو هتعمليه ماشي لانه مكروه مش حرام
طيب في كذا وسيله منع حمل ، اي وسيله تزود عدد الايام بتاعت البريود شرعاً مينفعش تستخدميها ، تغيريها لوسيله تانيه عشان الصلاه والصيام
طيب البريود بتنزل نقط قبلها وبعدها بسبب وسيله منع الحمل ... يبقي لازم تحددي ده دم حيض ولا استحاضه من خلال بررررضه انك تميزي الدم فتقدري تعرفي بقي تصلي وتصومي وزوجك يجامعك او لا
كده خلصنا كله باقي الوذي والودي نقولهم سريعاً
☑ المذي ده بيخرج نتيجه الشهوه سواء ضعيفه او شديده ولان كل واحده مننا ليها استجابه فممكن يخرج منك مذي بعد ما تتفرجي علي فيلم عربي او مسلسل فيها شويه مشاعر وممكن ينزل للزوجين اثناء المداعبه وعشان نميزه نعرف لونه هو ماء رقيق مش بنحس بيه وهو خارج ومش بيبقي بعده فتور طيب لو نزل يوجب الوضوء بس ولازم نغسل الجزء اللي نزل علي الملابس
☑ الودي بقي ده عشان نميزه ماء ابيض ملوش ريحه ابيض مش شفاف بيخرج بعد البول وحكمه يوجب الوضوء
اعزروني علي الاطاله واحنا بشر نخطئ ونصيب
ربنا يعلمنا ويتقبل منا جميعاً يارب
العضوة: 3070 , 10 years ago
بوركتي حبي..موضوع مفيدالعضوة: 5541 , 10 years ago
شكرا حياتي موضوع حلو ورائع وكتيررررر رح نستفاد منوالعضوة: 3596 , 10 years ago
بارك الله بيج حبيبتي وشكرآآ😍العضوة: 2513 , 10 years ago
الله يجزاك خير لكن سؤال ايش هو المقصود بالبريود ؟؟!!العضوة: 12295 , 10 years ago
@user-2513 العادة الشهرية حبيبتيالعضوة: 12295 , 10 years ago
شكرا بنات دا واجبناالعضوة: 387236 , 7 years ago
بارك الله فيكىالعضوة: 385487 , 7 years ago
يا اختي، انا دايم ينزل مني افرازات زي الحليب يا تكون زي الماء لونها ابيض، او طخينة ولونها ابيض تنزل بكثرة هل تنقظ الوضوء؟! وهل على كل صلاة الوضوء؟! وهل تنجس الملابس الي نتزلت عليهم؟! لانة بصراحة تعبت منها دايم وانا هيك، 😥العضوة: 557913 , 6 years ago
رفععالعضوة: 668060 , 6 years ago
@user-385487 هاذه التهاب راجعی طبیبه احسن