قلت لهم وأنا قد عقدت حاجبيي ، لأجعل صاحبة الصالون تصدق ما أقول ( عم تسألو شو في ، المرأة الغريبة وجع قلبها عليي وعم تقولي ما تقبلي حدا يزوجك بالقوة ، وأهلي الله يسامحهم بس بدهم يزوجوني يرتاحو مني ) ، أنهيت جملتي ورحت أبكي ، طبعا" أبكي من وجع رأسي ، وكانت فرصة لأجعل الجميع يصدق بأني مغلوب على أمري ، أخواتي بين الضحك والإستغراب ، أما باقي الزبائن فمنهم من أدمعت عيناها ومنهم من راحت تتمتم ( الله ما يجربنا ) ، والجميع في ذهول ، نظرت إلى صاحبة الصالون وقلت لها ( لو سمحتي خلصي بسرعة ، كيف ما بدك اعملي المهم بدي قوم ) ، كنت بحاجة فعلا" لأن أنهض من ذاك السجن الذي حاصرتني فيه ، فمن عايش نوبات الصداع النصفي يفهم تماما" معنى الوجع من الضجة والضوء وكل ما يحيط به ، ( تكرمي رح خلص بسرعة ) أجابتني وهي حزينة ، وصرخت بالجميع أن يبتعد عنها ، بعد قليل أنهت عملها ونظرت إلي ( طالعة حلوة كتير بس ما بعرف اذا فيني قولك مبروك ) ، ( الله يبارك فيكي الحمدلله هاد نصيبي بهالحياة ، ما فيني عارض اهلي ) اجبتها وانا اخفي ضحكتي ، بعد قليل جاء زوجي يسأل عني ، ركضت صاحبة الصالون لتحدثه ( يا ابن الحلال خاف الله بهالبنت وروح ، ما تظلمها ، قلة بنات غيرها ) ، وزوجي مصدوم من كلامها لم يفهم شيئا" ( وين مرتي بدي شوفها ) أجاب ، ( عم تقول مرتي كمان اسا ما اتزوجتو لتقول هيك ) اجابت وهي غاضبة ، وتوجهت الي ( قومي العريس على الباب بدو ياكي ) ، ( ييي حبيب قلبي اجا ) اجبتها وركضت نحو الباب لأرى زوجي ، يتبع ...