سلام البنات معاكم كوثر من إيطاليا أول حمل ديالي وباقيا تالفا من نهار موعد الدورة الشهرية وأنا طايحة بالوجع جاتني شوية نتاع الدم أعزكم الله في الوقت ديال الدورة وحبسات .واحد الوجع رهيب كنحس بحال المبيضين أيطيحوا إيوا بعد أسبوع وأنا نتسنا في الدورة غا الوسخ . خفت مشيت للطبيب وعرفت بلي حامل أخر دورة 11.7.2017 صافي بديت متبعا عادي ولكن الألم غادي ويزيد مبقيت نقدر نوقف بعد 3 أيام من أول فحص رجعت المستعجلات وعطاوني سيروم نعسوني ودارو لي تحاليل و مهدئ الأوجاع قالت لي الطبيبة متحركيش ونبقا في البيت أصلا مكنقدرش واخا تقولي تمشاي . من بعد 5 أيام كان عندي فحص مع الطبيبة ودارت لي تحاليل والخلعة دوزاتني من الجحيم😱👻 بالسونار لقات دم في المهبل وجاها لجنين بحال مات والنبض مكينش 😲* أشنوا كتقولي ياك عاد كان كلشي مزيان * صافي حسمت القرار بإسقاط الجنين نهار الجمعة يوم العيد الأضحى ... رجعت نهار العيد حسب الموعد وكلي إنهيار وتعازي فعين زوجي خطواتي مكانتش ثابتة وأكلم جنيني * مزال يلاه فرحت بالحمل سخيتي بيا أولدي صافي غادي ....* والله لعالم بيا وكنقول الحمد لله دخلت وكلي أمل إكون هناك خطأ عطينا للدكتورة التحليلة الرقمية لهرمون الحمل و دارت لي سونار وطلع ليها نبض وسمعنا دقات قلبوا 😍 تفاجأت الطبيبة مزال عايش وبدأت تسألني *واش فرحانة* عندها الزهر لمكنعرفش الإيطالية وجاوبها زوجي كون وريتها فرحانة ملي ممتأكداش لاش تخلعيني وشحال بكيت .المهم فرحة أن الجنين مزال عايش نساتني فداكشي لداز دابة أنا من نهار العيد مدرت حتى فحص وفي ألم والطبيبة قالت عادي واخة عندي دم قرب المشيمة مشرحاتش لي منين وعلاش بغيت نعرف واش كاين شي وحدا بحالي مكنقدرش نتحرك و بعض المرات كينزلو علي إفرازات مع خيوط دم واش ماشي خطير على الجنين بغيت مساعداتكم وتجاربكم ريحوني الله إريحكم و يفك وحايلكم على خير