مين قال أن السبب فيكي !! الإجهاض المتكرر ممكن يكون من أصعب التجارب اللي بتواجه سيدات كتير الإجهاض وهو عادةً بيكون في أول 3 شهور من الحمل لكن في سيدات بتتعرض للإجهاض المتكرر بتفقد الجنين 3 مرات متتالية أو أكثر نسبة الإجهاض المتكرر بتتراوح بين 10% و 15% بين الحوامل 👌 فيه أسباب مختلفة لحدوث الإجهاض المتكرر.. ممكن تكون بسبب الخلل الكروموسومي وده ممكن التغلب عليه من خلال الحقن المجهري وإجراء الفحص الوراثي للأجنة قبل نقلها للرحم العيوب الخلقية في الرحم سبب من الأسباب وي بطانة الرحم المهاجرة والتصاقات الرحم والأورام الليفية وعلاجه بيكون من خلال استئصال الورم الليفي بمنظار الرحم ممكن يكون السبب كمان ضعف عضلة عنق الرحم وعشان نأكدلك أن السبب مش فيكي فالزوج ممكن يكون سبب من أسباب الإجهاض المتكرر وده بيكون بسبب وجود تشوهات في الحيوانات المنوية أو عيوب في المادة الوراثية للحيوان المنوي ✋❌ ممكن سببه يكون عوامل وراثية أو اضطرابات المناعة وديه بتسبب أجسام مضادة تؤدي للإجهاض تجلط الدم ونقص هرمونات معينة في الجسم ممكن علاجها من خلال أدوية السيولة والسمنة ليها دور كبير في الإجهاض المتكرر عشان كده بينصح كتير من الأطباء بممارسة الرياضة بشكل يومي لمدة متقلش عن نص ساعة على الأقل 🚶‍♀️ فيه أكثر من سبب لنزول الدم في الشهور الأولى من الحمل ممكن يكون إجهاض وده بيصاحبه آلام أسفل البطن والظهر وإفرازات مهبلية أو ممكن يكون بسبب انفصال بسيط في المشيمة وبيتفاوت كمية الدم من واحدة للثانية وممكن النزيف ده يتوقف ويستمر الحمل عادي وممكن يؤدي للإجهاض في النهاية 😔 من المهم جداً المتابعة مع دكتور متخصص لمعرفة سبب الإجهاض والبدأ في العلاج قبل التفكير في الحمل مرة أخرى على الأقل بـ 3 شهور وإجراء الفحوصات والتحاليل والسونار الرباعي والأهم من ده الاهتمام بفحوصات وتحاليل ما قبل الزواج لأن بسببها ممن تتفادي مشاكل كتيير #استشري_طبيبك #حلمك_مسيرك_تحققيه 🤱 #السبب_مش_فيكي