انا حامل ببداية السادس وصار لي أكثر من شهر اعاني من حكة وإفرازات مثل الجبن بدون رائحة وانتو بكرامة وانا مسوية عملية ربط وما خطر على بالي لو للحظة ان يكون التهاب لان اللي اعرفه ان الإلتهاب تكون له ريحة مو حلوة
امس كان عندي موعد مع الاستشارية اللي اتابع عندها وزوجي قال لها عن الموضوع وانا ما كنت بقول لان كنت اعتقد انه عادي ومن عملية الربط
تفاجأت الدكتورة قالت انه التهاب واعطتني كبسولات تحاميل وكريم خارجي
وسبحان الله من اول استخدام البارحة في الليل صحيت الصبح مرتاحة والم الحوض والحكة والاحمرار والم عظم العانة وألم الحركة والوقفة كلها اختفت بقدرة قادر
وانا اللي كنت مفكرة ان اللي احس فيه طبيعي وانه من اعراض الحمل ومن مضاعفات ربط عنق الرحم وما خطر ببالي لو ١٪ ان يكون التهاب
خواتي لا تستهينوا بأي عرض او الم يطرأ عليكم ولا تعتمدوا على معلوماتكم اللي ما تستند على خبرة
راجعوا الطبيب ولا تستهينوا بالأمور والله يتمم لي ولكم على خير يارب
ملاحظة : الدكتورة صرفت لي كبسولات جينو دكتارين ٤٠٠ وكريم اليكا ام
العضوة: 6924 , 10 years ago
ربي يسعدك عالمعلومة م ادري ليش دايم كذا نتحمل و ساكتينالعضوة: 8198 , 10 years ago
مثل وضعك مسويه ربط بس انا تنزل علي افرزات صفرا 😢