السلام عليكم. مراحب حوامل مارس. الحمد لله من قبل ومن بعد ولدت امس الظهر ٣٠ /١٢ / ٢٠٢٠ اخترت تكون ولادتي قيصري. لان حملي السابق كان قيصري بسبب التفاف الحبل حول الجنين. وسبحان الله كان اختياري موفق بسبب الالتصاقات. تخيلوا لو اخترت طبيعي كان اتعبوني وشقوني وفي النهايه راح يحولوني على العمليات بسبب الالتصاقات. تخيلوا المشيمه ملتصقه بباقي الاعضاء بشكل شديد. اخذت الدكتوره وقت ع بال ما فصلت الأعضاء لحد ما وصلت المشيمه وطلعت البيبي. بعدين اخذت وقت لحد ما تسوي غرز وتخيط الأعضاء الملتصقه وتفصلها. وكل هذا كان تحت بنج نصفي. مررره تعبت وتعذبت بس ما نقول غير الحمد لله رب العالمين وطلعت انا وبنتي من العمليه بالسلامه. بس انا مستغربه ايش سبب الالتصاقات وكيف اقدر اتفاداها في حملي القادم؟ اللي عنده خبره بالالتصاقات يا ليت تشاركنا. والله يقومكم بالسلامه جميع ويقر عينكم بشوفه أطفالكم بخير وصحه.