انا حملت بحقن مجهري بعد عذاب وذل 7 سنين مع ان العيب مكنش عندي بس تكشيره من حماتي وكلام من تحت لتحت وتعب اعصاب ربي اللي يعلم انا شوفت ايه روحت عملت سونار اول الحمل بعد ما ربنا كرمني طلع بيبي واحد جوزي قالي اتصلي بامي فرحيها بقولها تقولي واحد بس يلا الحمد لله
امبارح عملت سونار قالتلي الدكتوره بنت انا فرحت جدا والله مكنتش طايله حاجه وقولت الحمد لله بس حسيت الفرحه مكسوره في عين جوزي ايوه قال الحمدلله بس رجع قالي انا بردو مش هصدق السونار كلم مامته قالتله مش هصدق السونار نفس الكلمه
بكلمها دلوقتي أسلم عليها تقولي مش مشكله متزعليش نفسك دحنا كنا بنشحته من ربنا كسرت فرحتي
انا راضيه باللي ربنا ادهولي والولد او البنت من الراجل مش مني زعلتني ومش عارفه اعمل ايه
وبكلم جوزي زعقلي يقولي هي مش زعلانه انتي عاوزه تزعليها بالعافيه وقفل معايا بسرعه
للعلم حق ربنا عليا اني اقول انها ساعدتنا بمبلغ محترم في العمليه
العضوة: 45668 , 9 years ago
عادي حبيبتي بكرا لما يشوفها هيحبوها اهم اشي ما تزعلي لانو هالاشي من ربناالعضوة: 48454 , 9 years ago
انا مش زعلانه والله بس الاسلوب زعلنيالعضوة: 16357 , 9 years ago
ادعي ان ربي يثبت الحمل وراح يحبوها مره كلنا كذا تفكيرنا ان البكر ولد لكن لما تجي البنت تأخذ قلوبناالعضوة: 16357 , 9 years ago
@user-48454 عادي طنشي ولاتزعلي تفكير الكبار كذا ولاتخربي فرحتك في النونو لان فتره الحمل تزيد حساسيه االحاملالعضوة: 48454 , 9 years ago
@user-16357 الحمدلله طبعا ياحبيتي ربنا يتملنا علي خير ياربالعضوة: 32530 , 9 years ago
@user-48454 متزعليش يا قلبي اهم حاجه صحتك انتي ونفسيتك عشان النونه متتأثرش ومتحطيش كلامهم ده في دماغك .. بالعكس افرحي أن ربنا رزقك بيها ودايما فكريلها هتجيبيلها لبس شكله ايه وبصي على فساتين البيبهات البنات .. ودايما اتكلمي معاها وهي في بطنك .. ولما تتولد أن شاء الله هتكون فرحتكم بيها لاتوصف .. جوزك بس في البدايه كده وبعد كده هيحبها لانها بنته وحته منه .. كل الرجاله بتحب يكون اول مولود ولد .. انا جوزي دايما يقلي انا نفسي تجيبيلي صبيان بس .. اقله اي حاجه من رب العالمين سواء ولاد او بنات نعمه من عند ربنا وتشكره عليها .. في ناس مش طايلين ضفر عيل .. يقلي معاكي حق كله اللي يجيبه ربنا كويسالعضوة: 35989 , 9 years ago
ارمى كلام ورئك وتمتعي بحملك تحسسي بطنك كلمي جنينك افرحى معاه هو يسمعك خليك من حماتك تعيسه وفرحىالعضوة: 48023 , 9 years ago
ربنا يكملك ع خير ومتفكريش ف كلام حد المهم انتي فرحانه وربنا يكملك فرحتك ع خير وجوزك بكرة لما يشتال بنته هتنسية العالم ومش هيفكر بالولد وهتبقي عنده اغلي حاجةالعضوة: 48454 , 9 years ago
ربنا يفرحكم يارب كلامكم اسعدني جدا اعذروني مش عارفه اعمل منشن مش جايب معاياالعضوة: 32530 , 9 years ago
@user-48454 اعلمك المنشنه متقلقيش 😁 .. اضغطي مطولا على تعليق العضوه وهتبقى لونها وردي .. هتلاقي من فوق كده سهم ⤴ زي ده اضغطي عليه هيمنشنلك واكتبي التعليق عادي .. 😊العضوة: 48454 , 9 years ago
@user-32530 صح ياموزه تسلمي هههههههه ههههههههالعضوة: 32530 , 9 years ago
@user-48454 العفو ياجميل انتي تؤمري😊😘العضوة: 45108 , 9 years ago
معلش كبري دماغك وافرحي ببنتك اللي ربنا رزقك بيها بعد صبر وربنا يتتم حملك علي خير وتشيلي بنتك في حضنك سليمة معافاه وربنا يرزقك بالولد برضه ان شاء الله وسبحان الله بنت صالحة بارة خير من ولد عاق وفي كتر محرومين من ولد او بنت او حتي عندهم اطفال معاقين ربنا يبارك لنا في ذريتنا ويجعلهم معافين انا عندي تلات بنات والحمد لله رب العالمين ربنا يحفظهملي ويرزقني برهمالعضوة: 48473 , 9 years ago
@user-48454 وين عملتي حقن وكم كان لعدد عند زوجكالعضوة: 48454 , 9 years ago
@user-48473 تابعت مع دكتور قريب جوزي وعملي الحقن في مركز ابوالغار انا من مصر