9 years ago
  • المرحلة الأولى ( اول 3 اشهر)
صارلي اسبوع من ولدت وكل تفكيري في ولدي .. اروح أزوره في المستشفى كل يوم .. مع اني ما اقدر اشيله ولا المسه واذا رجعت البيت اما مكالمات مع زوجي عن حالة ولدي او اجلس افكر فيه .. ما سويت شي لنفسي حتى الحليب ما اشفطه الا كل ٦ ساعات .. صدري يالمني ولا عالجت الخياطة 😢 واليوم لاحظت بطني بدت تظهر فيه شقوق بيضا مع انها ما كانت موجوده واني حامل .. وأهل زوجي بدو يلمحون ان حالة ولدي بسببي و يعبون راس زوجي علي .. البارحه تحاملت على نفسي وطلعت وياه في السياره لاني ادري ان نفسيته تعبانه ومحتاجني وكلامه ان فلان يقول وفلانا تقول وكل أصابع الاتهام موجهه لي اني السبب قلت له انت تشوفني حريصه على حبوب الفوليك وأساسا اخذتها من بداية زواجنا قال انا ما ادري عن شي .. رجعت بيت اهلي ونفسيتي أسوأ من قبل .. مع العلم ما احد زارني منهم للحين الا ثنتين من خواته .. حجتهم ينتظرون البيبي يطلع من المستشفى .. حسبي الله ونعم الوكيل كانه اللي فيني مو مكفيني

47 تعليقات

العضوة: 30528 , 9 years ago

الله يعينك حبيبتي

العضوة: 65 , 9 years ago

حسبي الله ونعم الوكيل 😔

العضوة: 25679 , 9 years ago

حسبي الله ونعم الوكيل ايمانا ويقينا كل اهل الزوج تحسيهم يشمتون بزوجه ابنهم ياريت الي صاير بوحده من بناتهم جان قومو الدنيا وماقعدوها الله يبعدك انت وزوجك عنهم و يرزقهم مايتمنون لج و يطلع ابنج بالسلامه

العضوة: 14904 , 9 years ago

@user-7232 ايش مشكلة ولدك

العضوة: 17849 , 9 years ago

بسم الله عليك لاتضيقين ياقلبي وان شاء الله مايصير لك وللبيبي الا كل خير وكلي ربك ومافيه شي اسمه انتي السبب كل شي مقدر ومكتوب ولا يهمك احد وولدك بيطلع قريب ان شاء الله وبتفرحين فيه وبتضحكين على هذي الايام لاتخلين الشيطان يلعب بك ويزيد همك توكلي على الله وفوضي امرك له وكثري دعاء والله بيستجيب لك

العضوة: 7232 , 9 years ago

@user-14904 عنده مشاكل في القلب انعكاس في الشرايين ومحتاج اكثر من عمليه

العضوة: 7232 , 9 years ago

@user-17849 والله هذا كلامي ونعم بالله هذا تقدير رب العالمين بس الناس لقت ليها سالفه تفتي فيها

العضوة: 28458 , 9 years ago

@user-7232 ياعمري اسم الله عليه لابأس عليه الله يطلعه لش بالسلامة وتقر عيونش بشوفته وخلي اهل زوجش يولوا ماانتي بحاجتهم ولا بحاجة جيتهم اذا هالوقت العصيب ماجو لش زيارة متى بيجو بعض المواقف العصيبة خيرة لينا تبين لينا معادن الناس الحقيقة خففي ع نفسش واشغلي روحش بالدعاء وسلمي امرش لله

العضوة: 28458 , 9 years ago

@user-7232 الصبر عبادة تؤديها وانتي تنزفي وجع ﴿ وبشر الصّابرين ﴾ هي اكبر أمل في إنتظار اللي تبغيه الله يبشرش بتحقيق ماصبرتي لأجله

العضوة: 17849 , 9 years ago

@user-7232 لايهمك احد كثير صغار ينولدون بمشاكل في القلب وربك يشافيهم ويطلعون مافيهم الا العافيه اكلي زين واهتمي لنفسك والي ربك كاتبه بيصير وكلام الناس لايودي ولايجيب والله لو كان بحضنك ومافيه شي الا يلقون شي ويتكلمون حطي اذن طين واذن من عجين وادعي ربك واتركي كلام الناس عنك واولهم زوجك اذا كلامه يضايقك لاتتكلمين معه هذي الفتره او قولي له ماابغى اسمع شي سلبي

العضوة: 36901 , 9 years ago

الحمدلله على سلامتك والله يقر عيونك بشوفة ابنك سليم معافى يارب اهمالك لنفسك مايغير من الوضع شي انتبهي لصحتك وعالجي الخياطه وكلي وتغذي زين استغفري على طول يومك خلي الاستغفار ملازمك وحاولي قدام زوجك تكونين متفائلة حتى مايلاقوا اهله مدخل للتشاؤم عنده ولاتفكرين فيهم ابدا طنشيهم ربي يبتليهم في نفسهم ان شاء الله ماتقدري تصلي وانتي نفاس بس تقدري بين الاذان والاقامه تدعي الدعاء مستجاب وقتها ان ربي يسفي ابنك ويسخر لك زوجك

العضوة: 14904 , 9 years ago

@user-7232 اسئل الله ان يشفيه ويعافيه ويقر عينك بسلامته طيب اتئكدوا من حالته يمكن المستشفى ينصبون عشان الفلوس وبعدين خلي زوجك واهله يعرفون ان مشاكل القلب مالها دخل بالعلاجات اللي تنصرف للحامل هذا عيب خلقي مثل مايقولون الاطباء لا الحديد ولا الكالسيوم ولا الفيتامينات ولا الفوليك لو اخذتيهم او ما اخذتيهم مالهم دخل بمشاكل القلب وبعدين وكلي امرك لله واعرفي انك ماتقدري

العضوة: 14904 , 9 years ago

@user-7232 او تغيري شي الا بأذن الله ثم الدعاء بعدين لازم تهتمي بصحتك لو مو عشانك عشان البيبي بأذن الله يطلع بالسلامة وتقدري تقومي فيه وتسهري معاه تعرفي النونو اول ماينولد نومه مخربط وبكاه كثير شدي حيلك وقوي نفسك عشان نفسك وعشان زوجك وعشان ابنك وكمان عشان ماحد يشمت فيكي اذكري الله وحملي برنامج قران ع جوالك واقري كل يوم لو صفحة ترتاح نفسك وتطمئن بأذن الله الانهيار وعدم تقبل الامر مايفيدك يتعبك اكثر ربي تبارك وتعالى يقول من رضيا فله الرضا ومن سخط فله السخط الله يفرج همك ويطمن بالك

العضوة: 17849 , 9 years ago

@user-14904 كلام صحيح

العضوة: 7232 , 9 years ago

و نعم بالله راضيه بقضاء وبقدره ما على حكمته اعتراض الحمد لله على كل حال