العضوة: 32355 , 9 years ago

انا اراجع الحين في مستشفى قوىالآمن و اول مره لي. اولد بالرياض الي عندها خلفيه عن المستشفى تكفى لاتبخل علي من ناحية الولااده ولاهتمام وكيف تعاملهم

العضوة: 36813 , 9 years ago

انا مجربه مستشفى الشميسي وماشاء الله عليهم روعه في الولاده والخياطه وهالمره بجرب ان شاء الله مستشفى العسكري من كثر م يمدحون فيه

العضوة: 14904 , 9 years ago

طيب والحبيب الريان ودلة والسعودي البريطاني ايش رايكم فيهم او لو في تجارب

العضوة: 27681 , 9 years ago

مستشفى خالد الجامعي مررره كويس والبريطاني بعد حلو

العضوة: 14904 , 9 years ago

@user-27681 لكي تجربة بالبريطاني او تعرفي احد مجربه والله متخوفة ابغى افتح فيه ملف ومترددة بينه وبين الحبيب الريان ودله انا اهم شي عندي التعامل والكوادر الطبيةوجاهزية المستشفى لأي حالة لاسمح الله يقولون البريطاني مافيه بنك دم ولا حضانة مجهزة لأي شي مجرد حضانة عادية باليت لو عندك راي تنصحيني والله والله ضايعة والمشكلة ماني من الرياض ولا لي احد فيها

العضوة: 40426 , 9 years ago

@user-32355 بنسبه لي مستشفئ قوئ الامن انا ولدت فيه صراحه حلوه والله ومعك ومرره ممتاز والي تطلبيه يكون موجود ونضافتهم خيال حلو بنسبه لي ولدت السنه الي فاتت فيه وهاذي السنه كمان بولد فيه وانصح كل وحده قادره تروحه افضل انها تروحه لانه احسلها والله اما عن الشميسي ولدت فيه نضافتهم والله مو حلوه اكلهم عادي اهتمامهم عادي صراحه هاذا تجربتي مدري كان تغير الحين

العضوة: 35040 , 9 years ago

انا جربت الحبيب العليا والريان وكلهم كويسين وهالمره ناويه إن شاء الله حبيب الريان والدكتوره لسا ما قررت

العضوة: 27681 , 9 years ago

@user-14904 البريطاني كنت متردده فيه بس بعد ماجربته بنت جيرانا ارتحت مرره تمدحهم وعاد انا قربت ولادتي وبجربه الله يسهلها لي ولك يارب.

العضوة: 14904 , 9 years ago

@user-27681 اللهم امين حبيبتي بستخير واشوف وانتي بعد استخيري وانا اختك وربي يختار لنا الخير ويسخر عباده لنا بس بنت جيرانكم قصيري ولا طبيعي وانتي

العضوة: 39509 , 9 years ago

@user-14904انا اراجع حاليا بالبريطاني وانا بأخر التاسع المستشفىً كامل فيه بنك دم وحضانه كامله انا بالعاده اولد بمستشفى رعايه الرياض بس هالمره حطيت مراجعتي بالبريطاني علشان الاجازات تبع عملي والتيسير من رب العالمين

العضوة: 15476 , 9 years ago

انا ولدت قبل برعاية الرياض وان شاءالله المره هذي بعد ناويه بعد اولد برعاية الرياض أن شاءالله

العضوة: 40549 , 9 years ago

انا بالجنوب بس اهلي بالرياض وبولد عندهم ان شاء الله جزاك الله خير على هذا الموضوع مره سهل ع كنت خايفه ومدري وين اروح

العضوة: 23859 , 9 years ago

بنات تعرفون المركز التخصصي الطبي فيه وحده قد جربت تولد عندهم يمدحون دكتوره رندا زعرور هي اردنيه وكانت تشتغل قبل بالحبيب الريان او مستشفى السعودي الالماني ؟؟

العضوة: 30161 , 9 years ago

@user-36813 انا ولدت اخر مره بالعسكري قبل ٤ سنوات سيء لانظافه ولاتعامل وغير كذا زحمه عندهم قريباتي ولدو قيصري بمستشفيات ثانيه وكانت خياطتهم ليزر تجميل وانا وسلفتي ولدنا بالعسكري قيصري وخياطتنا دبابيس .. أستخيري وأسألي مرره ثانيه عنه .. انا عني ماانصحك به .. والله يسهل عليك وعلي ..

العضوة: 36813 , 9 years ago

@user-30161 والله قريباتي الي ولدو طبيعي يمدحونهم بس الي ولدو قيصريه م مدحوه لي والله