لما ولدت السنة اللي فاتت ولادة مبكرة وتوفى البيبي صار عندي بواسير يمكن من الامساك في الحمل والدفع وقت الولادة فعالجتهم بالطريقة هذي قبل ما أحمل: اخذت مرهم نيو هيلار وتحاميل نيو هيلار من الصيدلية واخذت قفاز حق الاستخدام الواحد يجي في علبة مثل الكلينكس كنت اعبي القفاز ماء وأثلجه في الفريزر وكنت استخدم التحاميل عادي مرتين باليوم بالنسبة للماء المثلج بالقفاز كنت أكسر اصبع واحد منه طبعا بالبلاستيك مع بعض وأدهن الصبع المثلج بمرهم نيو هيلار وبعدين استخدمه مثل التحاميل لكن ما ادخله كامل عشان اذا ذاب الثلج اقدر اسحب البلاستيك طبعا أول ما تستخدمي الثلج يكون مؤلم لكن خلال دقيقة بالكثير تتخدر المنطقة وخلاص ما تحسي بأي ألم والثلج يستغرق من ثمان إلى عشر دقايق علشان يذوب وأسوي هالشي في اليوم ثلاث مرات (ضروري المداومة وعدم الملل او الكسل) وخلال ثلاثة أيام أختفت البواسير وألمها ( للعلم كان عندي من داخل وبرة وانتوا بكرامة) لكن انا استمريت على الطريق اسبوع كامل لضمان النتيجة الدائمة والأكيدة اختفت وما عاد ليها أثر وأهم من علاج البواسير علاج السبب ( الإمساك) لازم وضروري تكون عندك خطة لمعالجة الإمساك عن نفسي كنت اشرب ماي واااااااجد يعني باليوم ثمان كاسات ماي وكنت ليليا قبل ما انام اشرب علبة لبن اكتيفيا حجم وسط قليلة الدسم وهذا الشي ساعدني واجد ولليوم انا مستمرة عليه ونسيت اقول لكم اني من الألم والمعاناة اخذت موعد عند دكتورة مشهورة في البحرين عشان اتعالج عندها اسمها (أمل الريس) ومواعيدها بعيدة يمدي الواحد ييأس من حياته عطتني موعد بعد شهرين وشوي ولما اتصلوا فيني يأكدون الموعد اعتذرت عنه لاني خلاص طبت بفضل الله سبحانه ملاحظة : أنا ما كان عندي شرخ بس بواسير فما ادري هالطريقة تنفع اللي عندهم شرخ أو لا ان شاء الله اللي تعاني من البواسير تستفيد من هالطريقة السحرية الغير مكلفة ولا تحتاج تدخل طبيب وانا مستعدة لأي سؤال أو استفسار