9 years ago
  • المرحلة الثالثة (الأشهر 9,8,7)
كيفكم بنات حبيت انقل تجربتي ويارب اكون افدتكم وتذكروني بالخير بعدها طبعا يابنات نصيحه قبل لاانقل تجربتي لكم ابتعدو عن الخلطات عشان ماتضري نفسك وتضري البيبي معاك ووكلي امرك لله وماخاب من وكل امره لله والشي الثاني تجارب غيرك او انك تتصفحي بالنت او اي برنامج هذي كلها بتزيدك خوف لان الاغلبيه جالسين ينقلو لنا فلم رعب عكس الواقع والله العظيم مكبرين الموضوع بشكل مبالغ فيه والنصيحه الثانيه والمهمه لما تدخلي شهرك اعتني بنفسك وبالمنطقه الي تحت وحاولي تحلقيها اول ب اول عشان ماتعرفي اي يوم بتكون فيه ولادتك وقبله طبعا تكوني مجهزه اغراضك واغراض البيبي .... تبغي ولاده سهله وميسره ومافيها الاااام ابعدي عنك الخووووووف وبس وحاولي تساعدي الممرضات ولاتجلسي تصرخي لان الممرضات يعصبو ويطفشو من الي تجيهم تصررررخ وبكذا ماحتلاقي اي عنايه منهم ف اول ماتجيك الام الولاده اجلسي استغفري وادعي ربك انو ييسرها لك ولاتروحي المستشفى الا وانتي خلاص ماعاد تقدري تتحملي وهذا عشان مايجلسو يلعبو فيكي من تحت انا اخذت الشهر التاسع كله لاني بكريه وقبل ولادتي جامعني زوجي والجمااااع يابنات ترى فعلا يسهل الولاده بعدها جاتني الام الولاده طبعا اخذت دش وجلست استغفر وامشي لحتى مازاد الالم لاني ماحبيت اروح المستشفى ع طول عشان مايلعبو فيني بعدها رحت بيت اهلي اخذت امي واغراضي وع المستشفى بس دخلت قالو لي الرحم مفتوح 4 سم المهم يابنات كل ماجاني الالم استغفر وبعدها اسوي نفسي اشم ورده بقوه وبعدها اسوي اني اطفي شمعه بقوه يعني اخذ نفس قوي واطلعه وبعدها طلبت من الممرضه اني امشي بالاسياب ومشيت لحتى وصل معي اني ماعاد اقدر امشي ارتحت ع السرير وانا ادعي ربي انو يفرج لي واقرا سورة الانشقاق وطول الوقت والي مهون علي افكر بالبيبي متى يطلع واشوفه وهالشي هو الي مخليني اساعد نفسي واساعد الممرضات والممرضات مبسوطات مني ولقيت العنااااايه منهم و(النفس) يابنات مهم جدا وهو الي هون علي ولادتي وكان مسكن ل الام الطلق المهم قعدت ادفع لحتى مانزلت مني المويه والله يابنات جتني راحه بس نزلت والممرضات يقولولي انتي كويس وكانو يشجعوني لحتى ماجات الدكتوره الي ولدتني وطلعت اجمل ملاك والله بس طلع وحطوه ع صدري نسيت تعب التسع الشهور نسيت كل الم يارب لك الحمد بعدها خيطوني من جوا ومن برا والحمدلله على تممام النعمه واي استفساااار انا موجوده😙 والله يسهل ولادة كل وحده حامل ويفرحها بشوفت ضناها سالم ومعافى 💐💕

64 تعليقات

العضوة: 30725 , 9 years ago

@user-38082 ما اعرف بلهجري :( دعيلي وياج اني هم بكريه واخذت شهري كله وبكرا ادخل باسبوع ٤١

العضوة: 15403 , 9 years ago

ماشاء الله الف مبروك والحمدلله على سلامتك وسلامة البيبي أسلوبك يريح نفسيا وفعلا النفس مهم واللي ماتعرف تدخل على اليوتيوب وتشوف مقاطع تدريبات التنفس اثناء الولاده الصراخ يضيع الطاقه اللي عندك وانت بحاجتها كل ماجاتك صرخه تنفسي واستغفري وتدربي قبل الولاده على هالشي

العضوة: 38082 , 9 years ago

@user-47179 العفو حبيبتي وتمارين كيجل برضو ممتازه

العضوة: 38082 , 9 years ago

@user-30725 حبيبتي انتي الله يفرج ويهون عليك وتقومي بالسلامه يارب

العضوة: 30725 , 9 years ago

@user-38082 الله يسمع منج عمري لان صج تعبت

العضوة: 49250 , 9 years ago

الحمد لله على سلامتك حبيبتي بس سوال ماعطوكي ابر

العضوة: 38082 , 9 years ago

@user-15403 حبيبتي انتي الله يبارك فيك ويسلمك من كل شر وزدتي على كلامي شي مهم وهو فعلا كثرة الصراخ تخلي ماعندك طاقه ولاقدره عالدفع الله يجزيك خير عالمعلومه ومشكوره ل مرورك اختي ولكلامك الله يسعدك وييسر امرك

العضوة: 38082 , 9 years ago

اعطوني ابرة بنج وقت الولاده طلع الجنين ماحسيت فيه الا وهوه على صدري

العضوة: 38082 , 9 years ago

@user-49250 والله يسلمك ياقلبي💐

العضوة: 15403 , 9 years ago

امين يارب انا أعطوني إبرة الظهر بس ما استفدت منها ولا تبنجت مع ان كان ولادتي في ثنتين في الغرف اللي جنبي استخدموها واستفادو قلت يمكن عشان المنبهات !! لاني كنت اشرب قهوه كثيييييير خصوصا في التاسع هذا في ولادتي السابقة هذي المره ابتعدت عن المنبهات وان شاء الله ربي يسهل علي هذي الولاده

العضوة: 34605 , 9 years ago

@user-38082 الحمدلله ع سلامتك ..والله يسهلنا ولادتنا جميعا ....

العضوة: 38082 , 9 years ago

@user-34605 الله يسلمك .. امين يارب الله يسهلها ويقومكم بالسلامه

العضوة: 91280 , 9 years ago

@user-38082 و الله انا اول حمل الي و لما قريت منشورك و كلامك الحلو ريحتي قلبي.الله يريح قلبك.و ألف مبروك و إنشاء الله يتربى في عزكم

العضوة: 38082 , 9 years ago

@user-91280 حبيبي انتي الله يبارك فيك وييسر حملك ويطمنا عليك 😚⚘