كيفكم بنات
حبيت انقل تجربتي ويارب اكون افدتكم وتذكروني بالخير بعدها
طبعا يابنات نصيحه قبل لاانقل تجربتي لكم ابتعدو عن الخلطات عشان ماتضري نفسك وتضري البيبي معاك ووكلي امرك لله وماخاب من وكل امره لله
والشي الثاني تجارب غيرك او انك تتصفحي بالنت او اي برنامج هذي كلها بتزيدك خوف لان الاغلبيه جالسين ينقلو لنا فلم رعب عكس الواقع والله العظيم مكبرين الموضوع بشكل مبالغ فيه والنصيحه الثانيه والمهمه لما تدخلي شهرك اعتني بنفسك وبالمنطقه الي تحت وحاولي تحلقيها اول ب اول عشان ماتعرفي اي يوم بتكون فيه ولادتك وقبله طبعا تكوني مجهزه اغراضك واغراض البيبي ....
تبغي ولاده سهله وميسره ومافيها الاااام ابعدي عنك الخووووووف وبس
وحاولي تساعدي الممرضات ولاتجلسي تصرخي لان الممرضات يعصبو ويطفشو من الي تجيهم تصررررخ وبكذا ماحتلاقي اي عنايه منهم
ف اول ماتجيك الام الولاده اجلسي استغفري وادعي ربك انو ييسرها لك ولاتروحي المستشفى الا وانتي خلاص ماعاد تقدري تتحملي وهذا عشان مايجلسو يلعبو فيكي من تحت
انا اخذت الشهر التاسع كله لاني بكريه وقبل ولادتي جامعني زوجي والجمااااع يابنات ترى فعلا يسهل الولاده بعدها جاتني الام الولاده طبعا اخذت دش وجلست استغفر وامشي لحتى مازاد الالم لاني ماحبيت اروح المستشفى ع طول عشان مايلعبو فيني بعدها رحت بيت اهلي اخذت امي واغراضي وع المستشفى بس دخلت قالو لي الرحم مفتوح 4 سم المهم يابنات كل ماجاني الالم استغفر وبعدها اسوي نفسي اشم ورده بقوه وبعدها اسوي اني اطفي شمعه بقوه يعني اخذ نفس قوي واطلعه وبعدها طلبت من الممرضه اني امشي بالاسياب ومشيت لحتى وصل معي اني ماعاد اقدر امشي ارتحت ع السرير وانا ادعي ربي انو يفرج لي واقرا سورة الانشقاق وطول الوقت والي مهون علي افكر بالبيبي متى يطلع واشوفه وهالشي هو الي مخليني اساعد نفسي واساعد الممرضات والممرضات مبسوطات مني ولقيت العنااااايه منهم و(النفس) يابنات مهم جدا وهو الي هون علي ولادتي وكان مسكن ل الام الطلق المهم قعدت ادفع لحتى مانزلت مني المويه والله يابنات جتني راحه بس نزلت والممرضات يقولولي انتي كويس وكانو يشجعوني لحتى ماجات الدكتوره الي ولدتني وطلعت اجمل ملاك والله بس طلع وحطوه ع صدري نسيت تعب التسع الشهور نسيت كل الم يارب لك الحمد بعدها خيطوني من جوا ومن برا والحمدلله على تممام النعمه
واي استفساااار انا موجوده😙
والله يسهل ولادة كل وحده حامل ويفرحها بشوفت ضناها سالم ومعافى 💐💕
العضوة: 38082 , 9 years ago
@user-56504 عمري والله وحنا لبعض ولازم نفيد وانا في يوم من الايام كنت اتمنى الاقي تجربه ولاده تريح من نفسيتي بس لقيت شي مو معقول ورعب زي ماقلت بس لما جات وقت ولادتي وودلت قعدت استحقر نفسي وندمت ع كل لحظه كنت اتصفح فيها بالنت لان ولاشي من الي وصفوه صار ...عموما اللم يتمم حملك وييسره⚘⚘العضوة: 56504 , 9 years ago
@user-38082 ايوا الله اللي يسعدك حتى اتذكر وانا بنت و قبل زواجي الكل كان يخوفني ورحت لزوجي مرعوبه و ندمت اني سمعت كلامهم الصراحهالعضوة: 38082 , 9 years ago
@user-92369 هو فعلا متعب لان من كبر بطنك ماتشوفي شي بس والله كنت اسوي المستحيل واتحمل عشان مايكون في شي وقت الولاده خذي مرايه قدامك وشيلي بالموس لان اسهل من النتف واصلا مافي حل غير كيذا بخاخ الشعر والكريم اخاف تضر فما عندك غير الموسالعضوة: 56504 , 9 years ago
@user-92369 مرايه صغيره او ممكن تنظفتي بدون ما تشوفي عادي و بعدها حسي بيدك اذا باقي في شي اول لا او اذا باقي في مكان يحتاج تعيدي عليه وكذا