10 years ago
  • المرحلة الأولى ( اول 3 اشهر)
السلام عليكم ودي هني يكون تجمع لنا سكان دولة الكويت من مواطنين او مقيمين 😍 نتناقش عن المستشفيات الحكومة والخاص والمراجعات - عن السوق والتجهيز للبيبي ان شاءالله😍 عن تجارب ولادتكم السابقة ان وجدت😘 _ تفضلوااا حياكم👏🏼

171 تعليقات

العضوة: 16895 , 10 years ago

انا رحت مستوصف الحكومه فتحت ملف ... مرتين راجعت مره دكتوره زينه ومره لا يعني الوضع انا وحظي👎🏼 ومرتين رحت خاص .. بالسلام عند مارينا البلغارية ، والمره الثانيه عند عيادة د.ريا القزويني تهبل بس غاااليه🙁 كل مراجعه ٤٠ دينار واايد الصراحه😞 عطونا تجاربكم وييين وبجم المراجعه ؟؟

العضوة: 14086 , 10 years ago

مركز الضامر بالجهراء سعره مناسب ممكن تروحي عليه وتكشفي او تعملي سونار . فيه كذا دكتور هناك روسية و هندية وغيرهم

العضوة: 14086 , 10 years ago

السونار سعره 10 دينار فقط .

العضوة: 4832 , 10 years ago

مرحبا فيك أختي أناا كنت أروح لمستوصف عالية وغالي ، السونار ب 25 😤

العضوة: 20642 , 10 years ago

انا قاعده افكر اراجع بمستشفى رويال حياة بالجابرية عليه مدح مو طبيعي واللي مجربته تقولي رايها فيه

العضوة: 3812 , 10 years ago

مرحبا بأخواتي بنات ديرتي انا أراجع بمستشفى السلام عند دكتوره نزهت الباكستانيه وحيل الناس عليه المهم انا مادفع شي عندي بطاقة التأمين ودكتوره حلووووه حيل وانا بكريه لان حريم كبار يولدون عندها وماتولد قيصري وتصبر عليج😊

العضوة: 1812 , 10 years ago

@user-20642 رويال حياة في يمدحونها وفي لا انا رفيجتي بهدلوها والله ناسيه اسم دكتورتها حطتلها بالون بعنق الرحم علشان يفتحه وقالت لها روحي امشي واذا فش تعالي حرام تشحورت

العضوة: 18248 , 10 years ago

اهلين حبآيبي انا سسعودية وسساكنة في الكويت انا اول حمل لي الحمدلله ،، ومدحو لي دكتوره ( ليلى اشكناني ) ورحت لها مرا كويسه الحمدلله ارتحت لها وحبوبه وتعطي مجال للاسئله وتججاوب على كل الاسئله اللي تبين وتكفي وتوفي بعد انشالله مفكره ماغيرها واتابع معها حملي كله انشالله انا بالشهر الثاني اللحين والله يتمم لي ولكم ويسهل علينا ي رب ي كريم ❤️

العضوة: 18248 , 10 years ago

طبعا لها عيادة خاصه واسعارها زينه ٣٥ للاستشاره والسونار مع بعض

العضوة: 16895 , 10 years ago

@user-14086 الجهرا بعيده علي😁

العضوة: 16895 , 10 years ago

@user-4832 ايي بالسلام ب٣٠ دينار

العضوة: 16895 , 10 years ago

@user-20642 انا فكرت اولد عندهم بس ماعندي فكره عن شي

العضوة: 16895 , 10 years ago

@user-3812 بالسلام زحمممه اذا خذيتي موعد تطولين ولا تدشين على طول ؟

العضوة: 16895 , 10 years ago

@user-18248 اميين يارب اي ليلى اشكناني عليها مدح .. عيادتها اي منطقه؟

العضوة: 3812 , 10 years ago

@user-16895لااتصلي عليهم آخذي موعد بطق لعصي تلقين مواعيد عند نزهت والبلغاريه اكثر ثنتين باسلام شاطرات حيل