العضوة: 111304 , 9 years ago

صبايا كيفكم بتمنى منكم تردو علي ألي بتعرف تفسر حلمي ياريت تفسرو ❤️ حلمت ان جوز اختي يفتح فنجان جوزي او يقراء فنجان جوزي وهو عّم يقرا الفنجان بحكي لجوزي هي جنتك وبعدها انا سالتو لجوز اختي شوفلي بالفنجان مبين انا حامل بولد او بنت رد علي اني حامل ببنت وبعدها حكى لجوزي في بنت اسمها ساره متل القمر زعلانه لانك بدخن بتمنى تفسرو حلمي

العضوة: 84969 , 9 years ago

@user-111304 انتي حامل ان شاءالله معناه تجيبين بنت

العضوة: 111304 , 9 years ago

@user-84969 يارب يبعت الخير مشكوره حبيبتي

العضوة: 27707 , 9 years ago

@user-84969اي الخدم موضه تقولج برجع وماترجع واللي يحر اللي انتي مو جابرتها معطيتها حرية الاختيار وتختار ترجع وماترجع😩 ولاحظت انه الخادمه اللي ملعون خيرها كارفينها وذالينها ومايبونها اهيا اللي تجلب بمعزبينها وتسافر وتردلهم بعد😅😂 ماينعرف لهم هذول وما ينوثق فيهم كلللش

العضوة: 84969 , 9 years ago

@user-27707 اي والله صاجه انا مدلعتها خدامتي واي فاي تشبك علي ودايم تلفونها بأيدها

العضوة: 27707 , 9 years ago

@user-84969 عشان خاطر عيون عيالنا ندلعهم وياريت يبين بس تصدقين انا من فتره حسيت انه الخادمه حدها تخلص مدتها لو سنتين وتروح ولاترد احسن لانه اللي تاخذ عالبيت وعلى اهل البيت تمصخها وتاخذ راحتها اكثر وشوي شوي لما ايي يوم وتصير مشكله كبيره تتمادى بشي اليديده تاخذلها جم شهر تتأقلم ومايمديها تتعود وتاخذ راحتها الا صار وقت سفرتها احس جذي اريح بس المشكله باللي عندها اطفال ويتعودون عليها خاصه اذا كانت نظيفه وحنونه احس صعبه تفرطين فيها بس لو حق طباخ او شغل بيت بس عادي كل سنتين ايبلي وحده يديده

العضوة: 84969 , 9 years ago

@user-27707 اي والله عشان عيالي مدلعتها وصح اصلا حلاته من يصيرلها سنتين تروح ولاترد لأنها اذا ردت ترد ملسونه ونفسيه وشايفه نفسها وتتشرط زيدوني ومدري شنو

العضوة: 35148 , 9 years ago

صح خدامه لاسافرت ترد مرات تتفرعن خاصه لو طيبه معاها اعرف وحده تلعن خير خدامه يوم سافرت ماهمها ترد وفوق هذا ردت القطو مايحب الا خناقه و اول سنه لو ماصار حمل وناسه وحده تفر و تسافر ووووو بس بعضهم من اول شهرين تسمع حجي من ناس مايخليها تستانس بزواجها لاحقه ع الجهال الله الرازق بس ناس تنكد

العضوة: 27707 , 9 years ago

@user-35148 اي والله صاجه عالخدم وصح كلامج انا اول سنه ماحملت استانست سافرت واشتغلت مسكت وظيفتي ورحت ورديت وشريتلي سياره يديده اللي ابيها بس غيري وايد توهم متخرجين وتزوجو من ثاني شهر حملت لا مسكت وظيفه لانه لازم مباشره مايصير من اولها مجلس طبي ووضع وامومه مايعطونهم فيفضلون يرفضون ويقعدون بالبيت ولا من سفر ولا بطيخ وعلى طول على تعب الحمل والنفاس وتربيه جاهل😭😭 وكلام الناس اهوا اللي يضيع

العضوة: 42214 , 9 years ago

@user-84969 الناس فيهم لقافه غريبه جنهم اللي بيربون عيالنا ويصرفون عليهم انا عمري ما سألت وحده عن حملها احس شي خاص فيها عيب ونا ادري شنو ظروفها ليش احرجها بس وين اللي يفهم الادب والذوق ممكن لو امج ابوج اخوانج نقول يحاتونج غيرهم لاااا

العضوة: 84969 , 9 years ago

@user-42214 صاجه والله ان ماحملتي قالوا ليش ماحملتي وان حملتي قالوا هذي بس تحمل ورا بعض 🤣

العضوة: 42214 , 9 years ago

@user-84969 اييي والله بهاذي صدقتي اعرف وحده تصيرلي كل ما شافتني كانت تتليقف ها ما حملتي يالله حملي شناطره خلصي شغلج << حسستني اهو مشروع🤣😂 المهم عاد صادفتها هالفتره قمنا نسولف عن التخرج قتلها انا متأخره كورس عن التخرج عشان بنتي وجذي جان تقولي ويييي حساااافه جان نطرتي تخرجتي بعدين حملتي انا ويهي😑😑😑😑🤣 تحسين بس تبي تتليقف وتسولف

العضوة: 84969 , 9 years ago

@user-42214 ههههههه حلوه حملي شناطره خلصي شغلج 🤣 الناس جذي جذي متكلمه مايعجبها شي .. انا لما جبت ولدي الثاني كنت اكل حبوب ماحملت سنتين وجم شهر ولا وحده تجي وتقولي سمعنا انج تعالجين تبين تحملين هههههههه اصلا انا اكل حبوب يعني ابرتاح شوي حطوني اعالج مره وحده هههههه

العضوة: 57843 , 9 years ago

انتو صرتو تسولفون عن الخدامه والبيبي الثاني و وو وو و وانا برجعكم للماضي شوي 😂 الحين صار لي ٢٠ يوم والده و خيوطي ماطاحو و الحمدلله صرت اقدر اتحرك عدل بس امس بدا شوي الم تحت احس مكان الخياط شاد واليوم زاد علي ؟ هل معناها بيطحون الخيوط علشان جذي قاعد يعورني ولا شسالفه 😑 و بعدين الله ياخذهم هالمستشفى على البربيش اللي دخلوه فيني وقت الولاده المنطقه والله احس احد مرفسني لحد ماشبع تعورني حتى لما ارش ماي بالحمام وانتو بكراامه مادري شنو المفروض اسوي علشان يروح الالم 🚶🏻‍♀️

العضوة: 35148 , 9 years ago

@user-57843 مادري والله بس مرات اسمع بربيش يعور راجعي طبيب اخاف معاج التهاب بالبول لان ٢٠ يوم اتوقع مفروض يخف الله يطلعج من باقي شره