العضوة: 27707 , 9 years ago

@user-42214 اي صح كلامج الرياييل مايقتنعون منا كله يشوفونه انه احنا نبالغ بس اذا سمعو الكلام من احد برا يقتنعون فلازم تاخذينه معاج وتشرحله الدكتوره عن المانع😅🤣 ولاتثقين بالريال حتى لو مقتنع مايحملج ١٠٠٪‏ يمكن اهوا يغلط بدون قصد 🤣🤣 مو بس جذي مرات سبحان الله بدون لا يصير شي من داخل يصير حمل لانه الحمل يصير من حيوان واحد عاد احنا المتأخرات والواثقين انه حمالنا مو بالساهل وتأمنين اييلج يوم مو بالحسبه ولا انتي حامل🤣🤣

العضوة: 57843 , 9 years ago

@user-27707 خل انزلهم من الكاميرا و اوريكم مع اني ماصورت عدل بس ذكرتيني خل افضفض شوي دام ماكو نومه من طرف اهل زوجي سعود اول حفيد لهم يعني المفروض يشتطون فيه وهم اللي يهتمون ويسوون ومن طرف اهلي عندي اختي عندها بنت وولد المهم يوم شفتهم مو مهتمين كلش وانا اهلي كلهم بالرياض قلت بسوي استقبالي بالرياض ولما اطلع من الاربعين و ارد الكويت اذا يبون يسون عزيمه عاديه ولا شي براحتهم عاد امي حبيبتي انحرجت وحست انهم بيزعلون لو سويت بالرياض وسحبت عليهم ، جان تروح تكلم وحده من قرايبنا منسقه وضبطت وياها على انه سبرايز لي بس علموني قبلها بجم يوم علشان لو بروح صالون او شي عاد تخيلو 🙂 اول شي كنا نبي نسويها الجمعه جان تقول حماتي لا خلوها السبت لاني بكون مسافره وبوصل الجمعه الفجر اخر شي طلعت توصل الخميس الفجر ( مادري شكو الجذب ) وبعدين خالتي قالت ان الكل اعتذر علشان سبت وباجر دوام ، قلت خلاص عيل نخليها الجمعه اذا حماتي على كلامها توصل الفجر عادي يمديها تنام وتقوم وتجهز جان تقول خالتي لا محد اعتذر بس بيت فلان ، قلت خالتي اذا تبون السبت وفيه وايد معتذرين علموني علشان نقلل الكمية يعني كل شي يايبين منه وايد الحلو و الفطاير و وو و و قالت لا الكل بيي ، المهم صارت السبت يو بنات خالتي تخيلو تخيلو تخيلو جم وحده من اهلهم يت 🙃 مع خواتها وجارتها وعمات ريلي ٩ حريم فقطططط ..!!!!!!! يعني امي دافعه مبلغ وقدره علشان ٩ حريم وانا قاعده منتصه ومجامله علشان ٩ حريم 😑 حدي مت قهههررررر حسيت امي تحطمت والمصيبه وييين بعد خالتي بدل ماتمدح تقولي مو مسوين شي الشغل عادي مع ان والله كان كشخه وحتى لو مو كشخه انتي مو مسويه ولا دافعه جاملي يخرب بيتج 😭 انقهرت على امي والله مع انها ماعلقت بس شي يغبن

العضوة: 42214 , 9 years ago

@user-57843 حبيبتي من صجج تهتمين ويضيق خلقج عطيهم اقوى طاف!!!🤔 لو تدرين عيل باستقبالي ان محد يالي من اهله غير امه ومرت اخوه الكبير فقط!!!! مع ان علاقتي معاهم وايد زينه صج انها شوي رسميه بس اوجب بالمناسبات ما هموني والله بالعكس اهلي كانو مكفين وموفين تبارك الرحمن فوق ٧٠ ورفيجاتي واستانست وقلت حق ريلي ما سكت قتله ترى من اهلك محد يالي مو معقوله ان الكل مايقدر يحضر ترى كله استقبال الناس تدخل ١٠ دقايق وتطلع وكان رمضان استقبالي مفتوح لي ال١٢ واصدمج اكثر ان ام زوجي ماعطتني هدية سلامتي ولا شي حتى حق البيبي مع اني اكثر وحده من حريم عيالها انا معاها عاد اذكر ريلي يوم يسألني عن يدتي ليش ماعطتني هدية مريومه قتله شدعوه امك اللي عطت عالاقل يدتي الله يطول بعمرها طول الاربعين واهي تطبخ لي هالحسو والعصيده والقبوط واذكر يوم ولدت نفس اليوم قبل الاستقبال بيوم يعني دزتلي الجاي والقهوه والحلو والقيمات عاد اهو يسكت يضحك🤣 لا تهتمين حبيبتي الوحده تسوي من طيب اصلها بس عرفتي منو اللي وجبج ومنو لا👍

العضوة: 35148 , 9 years ago

@user-27707 اي والله اول شي ملهيني صاير يتعب بعده خواته يتناوبون بالمرض حمدلله يارب 😅 الحين خشمه مسدود جنه نازل ع حنجره موقادر يتنفس ينكتم ف برد اوديه للطبيب مع ان من يومين عنده تذكرين مره قلتي جبتي مساج لج و دلكت ولدج هي اندونيسيه ولا لان جبت وحده دلكته اخذت رقمها من رفيجتي وقالت انتو شايلينه غلط معورينه

العضوة: 35148 , 9 years ago

@user-42214 واي صج خالتج تنرفز اول حفيد منج ومافي هديه استخفو الخالات هذي لو تجيبين لها صبي و بنت مافي هديه الحمدلله شي قدر هذي بنت ولدها بس محد ميت قبل يومه ابتلشنا بامراض هالناس حمدلله

العضوة: 35148 , 9 years ago

@user-57843 اهل زوج لازم ابداع ههههه حمدلله يارب جذب و اخرتها شغلكم يفشل😈 قولي وين معازيمج شكلها ماعزمت احد مو مهتمه اصلا

العضوة: 27707 , 9 years ago

@user-35148 مايشوفون شر حبايبي اي سوتله مساج عادي مثل مساج الاجانب باليوتيوب حق الغازات تطلع وتريح العضلات حتى ماخذت ٥ دقايق فلبينيه من مركز مساعد السعيد ويييه يا ام منصور صدقيني مو عشان حليمه يابت بنت كا انا اصدمج اول حفيد عند اهل زوجي قولي عند اهلي ماشاءالله اللهم زيد وبارك ٧ احفاد والله انهم طايرين بولدي جنه اول حفيد ولاتشوفين الهدايا والعيادي مخصوص له وبيت اهل زوجي وربي صدمه خالتي لا هديه ولادتي ولا لحفيدها ولاااا شي وللعلم اول حفيد وولد وفوق هذا جانا بعد ٣ سنين مفروض معزته وغلاته غيير بس الله يسلمج حتى دينار ماحطتله بس اشوه زوجي منه ومن نفسه قال غريبه امي ماعطتنا شي🤔 عاد انا بلطف الجو قلتله عادي هذي امك لاتننتظر منها شي عقب تعبها هالسنين معاك وعيب تنطر من امك هديه وصج حزتها يوم ولدت كنت افكر بحسن نيه وقلتله بعدني بالمستشفى يمكن بتعطينا بعدين او باستقبالي والله وكيلج طاف على ولدي عيدين ماشفت شي ولا حتى عيديه بس عمي جزاه الله الف خير جاني المستشفى يتحمدلي بالسلامه وحاطلي بظرف مبلغ وخالتي ماتت وحييت جتني العصر ثاني يوم جدام امي تقول ابوهم عطاهم هديه فلوس وبعدها تطالعني وتقولي الا جم عطاج ابوهم عشتووو اشمعنه انتو مدلعكم ولا ليش عشان سميتو عليه 😰😰😰 حسيت بتسمع امي انه عمي عطاني هديه فلوس ويمكن انا ساكته ماقلت لامي 😩 وبالعيد والله انه اول عيديه ١٠٠ دك من امي وللعلم امي عندها ماشاءالله ٧ احفاد غير ولدي وبتعطي الكل وخالتي اول حفيد من بجرها انا زوجي اكبر عيالها وجايلكم ولد حتى دينار والله انها ماعطت ولا هديه ولاده ولا بطيخ خليني ساكته ميته قهر حدي 😅😅 ماخليت شي ماقلتله واقولج خليني ساكته

العضوة: 35148 , 9 years ago

@user-27707 ام خالد مافهمتيني اوضح حق حليمه تري مو عشان بنت حتي لو جابت ولد نفس شي بس عشان ماتحط لوم عليها واهل زوج صايرين مايشوفون حفيدهم هذا ولد ولدهم لا ولد بنت ناس جذي مدري ناس تتطور بس مستحيل هذيل يطورون وفي حمايل تجيب عافيه والاغلب لا

العضوة: 27707 , 9 years ago

@user-57843 ياعمري ادري انه شي يحر ويغث بس ماعليه هذا درس لج ولامج تتعلمون منه الناس اللي ماتحترمكم ولاتقدركم لاتعطونهم اكبر من حجمهم وترى هالايام الخالات لايحطون ولايندون فلس وتيي وتعزم الاكو والماكو وموعاجبهم شي بعد او اذا عجبها مثل خالتي تبين للناس انها اهيا اللي حاطه ومسويه واهيا ولا دينار 😅🤣🤣 انا وضعي مثلج ومثل حليمه بيوم الاستقبال بس انا فرقي عنكم انه يوم استقبالي هاجو علي ربع خالتي واهلهم واهيا بعدها مايت الاستقبال والناس تسلم علي وتقعد وتقولي وين ام فلان ؟ يسالون عن ام ريلي وانا اقولهم للحين ماوصلت تاخرت واايد وانحرجت مع ضيوفها ماعرفهم والناس انحرجت في بعضهم مشو ماقعدو وانا اجامل واسولف وانا ماعرفهم حريم كبار وانا على السرير منبطحه مسكت تلفوتي ودقيت على خالتي معصبه اكلمها بصوت واطي اقولها وينكم الناس جت وراحت وانتو بعدكم 😅 ترد علي احنا من الصبح بالصالون🙄😲 طبعا جذب لا صالون ولابطيخ اهيا وحمواتي شبعانين نوم مكبرين المخده ولما وصلو لا رايحين صالون ولا شي😏 وعلى سالفة العدد والمصاريف انا وامي انقرصت منهم بعرسي فبيوم استقبالي حطينا لهم حد ما استحينا لانه كل شي احنا دافعين فلوسه وحاطه اشياء كشخه مو بوطقه يعني شي مكلفني واذا بطلب من حلو وموالح وورق عنب وتوزيعات اكيد بطلب شي زايد بس زياده بسيطه مو شي اووووفر فوق ميزانيتي على اخرتها محد اييني @user-42214

العضوة: 35148 , 9 years ago

@user-27707 امبيه فوق ماعطت تقول جذي عشان سميتو عليه وجم عطاكم تفشل انا للامانه امه جت طبيب يوم طلعت عطتني ١٠٠ و جت حماتي بس باقي لا عشان قبل سنه وشي صار تش بيني وبين امهم و كبرت السالفه و جو خالاته مع ان ماتوقعت يجون لان مو استقبال بس يوم رديت بيت عطتني ١٠٠ طبعا عطتها لزوجي وقلت له خلها مصرف للبيت😈 و رديت شقتي ماصعدت الا يوم مرض ولدي شافته ونزلت ولا بناتها قهووني مع ان اول حفيد من عيالها وماعندها عيال عيال الا من زوجي وهم ف بناتي عطت ١٠٠ و قالت لزوجي ليه سميت ع ابوك🤔 اسمه مو شي وكبير😅 و بالمستشفى قالت انا احب البنات اكثر من صبيان بدال لا تقول هذا عزوتنا ولد خاصه هم عندهم عقده يحبون صبي ويباركون ع صبي لو جاها حفيد ولد من بناتها طارت (تناقض) بالاخير الي ببفرح احنا 😅

العضوة: 27707 , 9 years ago

@user-35148 اي والله صدقتي عاد انا ملاحظه الچنه العوبه البازع اللي ماتعرف السنع حمولتها ناس يهبلون وسنع وناس كشخه تصرف وتقط والعكس صحيح الچنه السنعه اللي تشيل وتحط وتعطي وتهدي اهيا اللي حمولتها يسحبون عليها لا تقدير لها ولاهدايا ولا عطايا 🤔🤔🤔

العضوة: 35148 , 9 years ago

@user-27707 اي قهر حمواتي اهديهم ١٠٠ و اقل اقل وحده ٥٠ غير قهوتها وحلا بالمستشفي غير حلا قهوه بس حمدلله رايتي بيضا الحين باب يجيك منه ريح سده واستريح و صاجه البازع مقيول بها هه و لو تلاحظون تلاقون رياجيلكم طيبين حيل عشان جذي ينداسون من الاهل و حنا يحوشنا طشار بس عسي ان تكرهو شي ف هو خير لكم الحين مرتاحه حمدلله 😅 و بالعكس زوجي تسنع قبل اهمال اهم شي زوجج ولا اهلهم شبينفعونا

العضوة: 35148 , 9 years ago

طلعنا بقابيق بسبه فاتن😅😅😅😅😅😅😅😅😅😅😅 تصدقون اخذت مانع حمل مهم نفسيه لوعه اخذت مارفلون قالي زوجي قطعيها صايره يومين بس اطلع من بيت اخليهم مقدر اتحمل😅 قلت اقطعها تنزل عقب يومين بس ماراح اقطع بكمل تالي نرد عزل مع ان عزل يضعف منويات والبويضات عن تجربه و المانع اكلته بنتي ٨ اشهر قطعته شهر حملت و قبل حملي بولدي اخذت مانع شهر ابي انظمها ثاني شهر حملت

العضوة: 84969 , 9 years ago

صباح الخير بنات شلونكم 🤧 ياشين عوار الظهر اتقلب يمين ويسار موعارفه ارتاح بنومي

العضوة: 27707 , 9 years ago

@user-35148 يامعوده حمدي ربج عالاقل عطتج ١٠٠ انا ١٠ ماعطتني مو لي عالاقل لحفيدها😂 بس عن الحلال والحرام سافرت وجابت اوفرول لولدي يلوع الجبد يفشل مبين مال اسواق شعبيه سوالف السوق الصيني الا اردى منتف طالعه خيوطه انا انصدمت وقعدت اطالع اقلب فيه جدامها واهيا تدري انا شنو مستواي مو تفلسف وربي انا مو شايفه نفسي بس انا بنت عايله وشايفه خير ونعمه ولبسي اغلبه ماركات فليش البس ولدي جذي!!!؟؟؟؟ سفطته وحطيته على طاولتهم وقلتلها خالتي هذا بخليه لكم عطوه احد صغير على ولدي ماراح يلبسه واهيا انصدمت 😏🙂 بس انا اسلوبي كان ذرب مافيه قلة ادب لو ساكته مو معطيتني شي ابرك وعلى طاري انها تقولج تحب البنات هههههه مثل خالتي يموتون عالولد واهما ترى بدو مو حظر يعني عندهم الولد عزوه وشي لاااااازم المره تحمل تجيب ولدين او ثلاث يعني مايكتفون بولد واحد عندهم عيب المهم لي شافتني تمسك ولدي وتغنيله اغنيه مادري شنو المهم تقول انا احب البنيات وقلبي يحب البنيات ولما تسولف تقول وااي يازين البنات احلى ومن هالحجي وانا اسكت مارد عليها بس مره انا وحماتي نسولف عن السوق والتشري قلتلها واي سوالف البنات تهبل وحماتي تقولي اي تهبل مو مثل الصبيان مالهم شي قلتلها اي انا ودي الحمل الياي الله يرزقني فبنوته وتقولي اييييي ايييي نبي بنت بعد ندلعها 😍 وسمعتنا خالتي الا ترد لااااا مانبي بنات نبي بس اولاد والولد يبي ولد تقصد انه خلود لازم له اخو مو اخت🙂😏 تناااقض