العضوة: 27707 , 9 years ago

@user-84969 ههههه ياعمري انتي للحين مع الاسنان🤣 ربي يهون عليج وعلى عوار الظهر انا صارلي ٣ ايام عوار ظهري ببجي منه فجأه ياني وانا حامل ماياني عوار جذي فمادري شسالفة ظهري استغفرالله انا بعد الولاده تسكربت😓

العضوة: 27707 , 9 years ago

@user-57843 ماشاءالله بالعكس انا اشوف كل شي مرتب حتى لو بسيط بس مرتب وناعم خاصه انه هذا مو استقبالج الاساسي ومع هذا ماقصرتوا بشي خالتج ماعندها سالفه واعرف هالنوعيه اللي لي شافت غيرها احسن منها تغار وتطلع الف عذروب بدال لاتمدح وسلامتج ماتشوفين شر اخذي مضتد حيوي للجرح الملتهب

العضوة: 27707 , 9 years ago

@user-35148 صااااااجه بكل كلمه قلتيها كلامج مثل كلام امي دايما تحذرني من ناس وانا اقولها يمه حرام طيبه وبعد فتره انطق على راسي وتقولي امي موقلتلج وحذرتج ماشاءالله عندها نظره وخالتي مو مسكينه بس تسوي روحها طيبه وانا اصدق🤣

العضوة: 35148 , 9 years ago

@user-27707 كنت نفسج لين انقرصت مره مرتين تعلمت عرفت الي تكلم بالدين وتنصح اغلبهم لا جذب اخيس ناس والطيبه بعضهم تمثل

العضوة: 27707 , 9 years ago

@user-42214 اي والله صاجه حلات الريال عنده غاريه انا زوجي فضيييع تخيلي كعب مايخليني البس عنده عيييب صوت الكعب جك وجك يموووت عصبيه اذا لبسته ويهددني🤣🤣 عاد انا احب البس كعوب وعندي شكثر طبعي اقط فلوسي على تكرمين جواتي وكعوبتي غاليه كلهم بو٣٠ و٤٠ واغلى وربي غبرو بكراتينهم قمت البسهم للمناسبات فقططططط 🤣 وطلعاتي كله فلات كنت ازعل وايد اول فتره زواج بس بعدها رضيت بالامر الواقع وسمعت كلامه معنه كنا هواااش😅

العضوة: 42214 , 9 years ago

@user-27707 انتي عكسي ماااحب الكعب عندي جم واحد ماركه خاشتهم حق المناسبات والحين ريلي كبرت بعد الولاده مادري ليش!🤣 قمت ما البسهم وريلي يتحلف فيني شاريلح ياهم على ١٠٠ و٢٠٠ والله تضعفين حلوم🤣🤣🤣 تدرين لان انا طويله فا لما البس كعب احس نفسي طنطل وفوق هذا ما ارتاح احس جني مرتزه والعموم يطالعني😂🙈 الحين صارلي سنتين البس كله سكتشر مريحييييين ولان انا كله عبايه ما اتوهق بالالوان اي شي يركب يالله ههههههه تخيلو باجر اول يوم دوام لازم اكون ٨ موجوده هناك وللحين مانمت الساعه ٣ مع ان مريومه نايمه بس مادري شفيني تعودت عالسهر وبلاعيمي اليوم احتقان💔 ريلي كل ما يشوفني داشه عليكم اسولف يقولي انتي للحين معاهم هههههه

العضوة: 27707 , 9 years ago

@user-42214 ههههه ضحكتيني على ريلج انا اقوله انا للحين اسولف مع قروب البنات احس صرتوا جزء من حياتي لازم ادش كل يوم بس على قروبنا واطلع ولا البرنامج بكبره مادري عنه🤣🤣🤣 قوليله بنتم مع بعض لي الحمال الياي😅 اي ماشاءالله انتي طويله انا مو قصيره بس احب البس كعوب احب ارتز🤣🤣🙈 طولي ١٥٧ وانا عكككككسج ريلي شاريلي فلاتات من Lv على ٢٠٠ وشوي بس عشان يقنعني البس فلات 😬😂👌🏻 دهاء الرياييل يمه منهم

العضوة: 42214 , 9 years ago

@user-27707 ان شاء الله مع بعض طول العمر وان شاء الله يوم من الايام نتلاقى ونقعد مع بعض ودي اتخيل اشكالكم شلون هههههه خلاص عيل شرايج نتبادل تكرمين جواتي😂🤦🏻‍♀️🤦🏻‍♀️🤦🏻‍♀️ بس تصدقين ام خلود الماركات بس شكل تكشخين فيهم حق مناسبه وعيد بس حق طلعات مشاوير دوام ماينفعون متعبييين ويعورون الريل حسافه نقط فلوسنا عليهم اذكرين اول ماهبينا بكعب مانولو حنيت حنيت على ابوي ابيه وقتها مو متزوجه والله انه لبسه وحده شللللخني

العضوة: 42214 , 9 years ago

@user-27707 حتى انا والله ادش عشانكم اصلا جم مره اشوف سوالف البرنامج طفناها اللي بعد الولاده ماكو شي يشدني😂😂

العضوة: 35148 , 9 years ago

نفس زوجي تو شاف اكتب قال للحين وياهم ههه شسوي والله ادش قروب اول اقرا مواضيع تصدقون قايمه ٧ ونص صبح ماقدرت انام عصر الحين قاعده واشوي ييقعد ولدي اكل تبن ههههه

العضوة: 27707 , 9 years ago

@user-42214 ان شاءالله ليش لا ماتدرين يمكن نصير رفيجات بعد عمر ونتلاقى انا ودي اشوف ام لولو🤣 المهم لي تيمعنا انا علي السلطات😍 وام لولو الحلو والقهوه وانتي كيفج تبين موالح ولا ورق عنب🤣🤣🤣 بكيفي قسمت اي صاجه بس شكل وترى حتى الفلاتات واااي الماركات تموت تقص الريل قص تذبح ماخليت فلات بLv ماجربته كلهم يبجون تخيلي بدون لا امشي فيه بس اقايسه قبل لا امشي اموت من العوار بس اللي شريته مريح لانه نفس ستايل جواتي الباليه مافيه حدايد وسوالف تقص الريل وطبعا الكعوبه الماركات حدث ولاحرج تخلي ريلج تخر دم😂😂😂

العضوة: 27707 , 9 years ago

@user-35148 اي مثل حالتي اليوم خواتي يقولون وينج مختفيه اقولهم متشلخه تعبانه مونايمه الا ١٢ الظهر من ولدي وطبعا انا وياج امس سهاري حش بالحموله دخلناهم الجنة 🤣🤣🤣🙈🙈 وقمت ٣ العصر وطلعت مشاوير وللحين مانمت معنه ولدي نايم من ٤ ساعات بدال لا انام اريح قاعده احوس والحين بيقعد يبي حليب وباكل تبن شوي وابجي لانه بغير بامبرز وبشرب حليب وبتريعه هههه حتى التتريع احاتيه مالي خلق😂🙈

العضوة: 57843 , 9 years ago

@user-27707 بعد قلبي ايه اعطتني الدكتوره غسول و مضاد حيوي ومسكن و حبوب بعد وكريم و ان شاءالله مفعولهم سريع يا رب و اخلص قبل اخلص الاربعين

العضوة: 84969 , 9 years ago

@user-27707 اي عوار الأسنان مايجيني الا وانا حامل 😭 الله يفرجها علي واولد ماحب كلمة ماولدتي 🤣🤣

العضوة: 27707 , 9 years ago

@user-84969 شربي زعفران ذبحتني فيه ام لولو وانا حامل موتتني وانا اسمع كلامها 😂😂 اشوفها الحين ماقامت تنصح احد فيه بس انا ولدي طلع زعفرانه من كثر ماشربت حليب بزعفران جاي بزعفران عيش بزعفران حلو بزعفران🤣😅