بسم الله. منقوول يا بنات للافادة والصلاة والسلام على سيدنا رسول الله موضوع تجهيزات الولادة طبعا بيبقى الشغل الشاغل لينا كل اما نقرب ع الولادة احنا هنا هنقسمة مع بعض تجهيزات الاكل والتفريز والتخزين تجهيز البيت والتنظيف تجهيز نفسك تجهيز شنطتك تجهيز حاجة الضيف الجديد تجهيزات الاكل والتفريز والتخزين افكار للتخزين فى الفريزر : تخزين كميات من الطماطم متسكبه وجاهزه على الاستعمال تخزين كميات من البصل مفروم من غير اى اضافات يبقى جاهز على الاستعمال تخزين كميات من الثوم مفروم جاهز على الاستعمال تخزين البانيه والبوفتيك متبلين جاهزين على الاستعمال تخزين الفراخ المشويه الجاهزه المتبله على الشوى على طول تخزين كفته الرز سواء محمره او لاء جاهزه للاستعمال تخزين السمبوسك جاهزه على التحمير تخزين كميه من الشربات الجاهز للحلويات للاستعمال على طول نخزن اللحمه المسلوقه بالشوربه للاستعمال على طول نخزن العصاير زى البرتقال والمشمش والمانجو وغيره فى الفريزر نخزن اللحمه المفرومه متعصجه وجاهزه للاستعمال نخزن كفته الفراخ والكبيبه جاهزه على التحمير نخزن الورق العنب والكرنب مسلوق على الفريزر على طول نخزن الخضار زى الفاصوليا والباميه والملوخيه وغيره جاهزين على الاستعمال نخزن تتبيله السمك فى الفريزر على الاستعمال على طول نخزن خضره المحشى فى اكياس وعلى الفريزر لحين الاستعمال نخزن كميات من الفول والطعميه الجاهزين للاستعمال تخزين صوانى المكرونه بالباشميل جاهزه على التسويه خزين البيت : نحاول نوفر كميات مناسبه من الرز والمكرونه والسكر والشاى بسبب غلو الاسعار فى رمضان نوفر كميات من البيض والسمنه والزيوت والدقيق وللعصاير الفواكه تجمد بالفريزر كما هى الفراوله والجوافه والمشمش والخوخ ننزع النواه ونكيسهم وعلى الفريز على طول ولما نحتاجهم نطلعهم وعلى الخلاط مع السكر المانجا نقشرها ونقطعها شرائح ونكيسها على طول ولما نحتاجها نطلعها ونعملها عصير البرتقال نعمل منه عصير بدون اضافات ونكي سه فى الفريزر ولما نحتاجه نخرجه ونحط السكر ونعمله عصير على طول نحفظ المجففات زى البلح نفصصه ونحفظه فى الثلاجه على طول وكمان المشمش والتين نحفظهم فى الثلاجه على طول تنظيف الشقة نحاول ننضف اليت كويس قبل الولادة ونرمى كل الكراكيب ونحاول نخلى البيت نضيف جدا زى اوضه النوم والاطفال والانتريهات والصالون والمطبخ نضافه عميقه جدا دايما يكون الغسيل مغسول كل الملابس ال مش نضيفه على طول على الغساله علشان تريحنى نيجى للمهم أول شي ببدأ تجهيزاتك قبل ما تروحي المستشفى … 1 ~ حاولي قبل ما تروحي انك تستحمي او تاخذي دش دافي و نظفي أسنانك ,, استخدمي الشامبو والبلسم المناسب لشعرك ,, و نظفي جسمك و رطبيه بالصابون ,, وهي الرغوة عليكي استخدمي الشفرة النسائية و نظفي كل جسمك من الشعر ,, بيكون سهل ازالته لأن جسمك بيكون رطب .. ودى ياجماعة اسهل واسرع طريقة ممكن نستعملها والماكينة النسائية موجودة ف الصيدليات الكبيرة 2 ~ البسي الاندر وير ~ يكون قطني و مريح و ستيانة قطن ~ و حطي أولويز عشان اذا نزل سوائل ودة طبعا للى بيولدوا طبيعى انما القيصرى طبعا مش محتاجين الموضوع دة … 3 ~ البسي جلابية مريحة ,, و سهلة باللبس و الخلع ~ لانك بتشيلي كل ملابسك بالمستشفى و بتلبسي روب الولادة او الاسدال او عباية او بنطلون الحمل وبلوزة وانا بلبس كدة بصراحة مع شبشب مريح او اى شوز ارضى مريح … 4 ~ مشطي شعرك و لفيه على شكل كعكة عشان يبقى مريحك وكمان هما هيقولوللك شيلى اى توكى او بنس ف شعرك دة للى بتولد قيصرى … 5 ~ حطي مزيل عرق اللي بترتاحي عليه … ~ و حطي ميك أب خفيف ,, استخدمي كونسيلر قلم لازالة العيوب عالسريع ,, وبودرة بالفرشاة عشان ما تكون ثقيلة على وجهك ,, روج سحري و مرطب لابيلو ,, شوية كحل داخل العين . والله بتفرق حتى معاكى انتى هتكونى مبسوطة وادام جوزك مش متبهدلاة وحلوة كدة .. 6 ~ اشربي حليب و كلي 7 تمرات … 7 ~ البسي و توكلي على الله و انطلقي .. بس اوعى تنسى تاخدى ف ايدك شنطة المستشفى امال راحة تعملى اية طب المفروض الشنطة دى ظروفها ايىة هتحطى اية فيها تجهيزاتك وتجهيزات النونو تجهيزات الأم للمستشفى … حضرتك هتكونى مجهزوة اية ف الشنطة 1 ~ بتحتاجي شنطة مستشفى حجم متوسط ~ عشان تحطي اغراضك انتي و البيبي فيهم ~ اسهل للحمل و اريحلك … بتحطي فيها : ~ بجامتين مريحات لبعد الولادة ,, ويكونن واسعات شوي من عند البطن والهم ازرار عند الصدر ~ طبعا ممكن تجيبي معك شراب ولو عندك شال تحطية على كتفك وانتى بتتمشى اول ماتقومى من البنج ~ شبشب مريح و أهم شي ما يزحلق ~ أدوات نظافة بسييطة مثل مزيل عرق ,, صابون ,, فرشاة و معجون ,, وفوطة صغيرة ~ كلوتات للنفاس دى موجودة ف الصيدليات الكبيرة وهى استعمال مرة واحدة بس أو انتي اشتري يكونن قطن مش ضيقات ولا واسعات ~ و يكون 6 تقريبا , براهات رضاعة خذي 3 احتياط ,, أولويز اللي بتيجي ليلية بكون حجمها كبير خذي علبة كاملة ,, مشد للي حابة تلبس من أول يوم _ طبعا للي ولادتهم طبيعية خدى كمان معاكى : زجاجة ماءو انتي وقت الطلق بتعطشي كثير ,, أكياس سود تحطي الملابس الوسخة و الأوساخ فيهم ,, ترمس حطي فيه أي شي تحبيه والاحسن باة خدى كيتل بتاع المية السخنة الصغير دة عشان بتحتاجى حجات دافية وينسون ونعناع باكت من بتاع ايزيس دة وسكر ف علبة مقفولة ومعلقة ومج عشان هيبقى انضف كتير من اللى هيتعمل ف المستشفى مليون مرة _ قرفة أو نسكافيه أو كراوية أو شاي و حليب ,, ,, مناديل ورقية والافضل لو مناديل مبللة او ديتول ملابس للرجوع عالبيت ياما عباية او اسدال او بنطلون حمل عشان يبقى واسع على بطنك وبلوزة استرتشات كارينا اتنين او تلاتة 2 ~ شنطة يدك و بتكون فيها شنطة المكياج و المحفظة ,, المحفظة حطي فيها اوراقك الرسمية وبطاقتك الفلوس خليها مع حد ~ شنطة المكياج حطي فيها مكياج خفيف ,, لانها الوحدة بعد الولادة بتحتاج تظبط نفسها ماهو مش لازم يعنى نبان ف اسوا صورة ممكن كريم مرطب ريحتىة حلوة وكحل بسيط روج بسيط مزيل حلو برفان هادى ماتخليش ولا تسيبى نفسك تتبهدلى ولو مش قادرة معاكى اختك او ماما هتساعدك ~ وبشنطة اليد حطي مشط و مشبك شعر و عطر خفيف ~ و معقم يد و مناديل معطرة صغيرة و بنادول ~ وما تنسي الكاميرا لتسجيل أحلى اللحظات و الموبايل ~ يكونن مشحونات ~ و لبان محدش يضحك عشان ريحة بقك …