السلام عليكم ورحمه الله وبركاته بدون ماتتعبي في البحث هذا بحثي ان شاءالله كامل و كتبت كل احتياجات الطفل واي استفسار او اضافه منكم انا بانتظارها نرجع للموضوع مبررررروك للحوامل والله يرزق الباقيين تجهيزات الطفل :::::::: --- السوق : ( اللبس ) 1- بربتوز داخلي بحجم نيو بورن و بحجم 0-3 2- افرول كامل او كما يسمى بربتوز كامل ولو يغطي الرجل افضل 3- مهاد او يسمى لفه / حبل او ربطه للمهاد 4-قبعه مع شراب وقفازات والافضل لو تشتري مع كل لبسين طقم نفس اللون قبعه وتكميله 5- بطانيه فيه نوع تقدري تلفيها بالبيبي وفيه نوع بس تحطيها على جسمه للتوضيح اكثر : مافي فرق بين البطانيات بس اذا قصيره وثقيله صعبه تلفي البيبي زي المهاد بس اذا كبيره الحجم واخف وزن تقدري واشتري اللي يناسبك 6-مدس 7-شنطه البيبي والافضل تكون طقم مع المدس 8- جلاسه ممكن تجيك هديه بس اكيد من ذوقك بيكون احلا احرصي انها تكون منسدحه وليست جالسه او مائله علشان ظهر البيبي صغير 9-/ عربيه للتنزه وحلو لو تصير خفيفه وفيها سله وفيها مكان لوضع الحليب او الشاهي والبعض يفضل العربيات اللي تتسكر على الطفل وينام بعيد عن عيون الناس 10-سرير وركزي على ارتفاعه ولونه بحيث يناسب اكثر من طفل والافضل لو يكون له كفرات اذا تبغي سرير عملي اعتقد سنتربوينت حلو بس اسعاره مو رخيصه بحدود 700 ريال واذا تبغي سرير حلو بس مو عملي اشتري من سنتر بوينت سرير مثل نظام المحبس ومعه غيار للطفل واذا تبغي سرير حشب رخيص يوجد في طيبه ومحلات العاب الاطفال واسواق مكه 11- دولاب لحفظ الملابس ويمكنك شراء دولاب من ساكو بس يعتبر حل مؤقت أرفف من ساكو او شوفنيره من محلات الاثاث بحسب رغبتك وقدرتك ومساحه منزلك وممكن اذا كبر الطفل تشتري له دولاب اساسي واكيد راح تستفيدي من الارفف والدولاب الخفيف المغطا بالقماش من ساكو في تخزين الملابس او ادوات المطبخ ( الحمام ) منشفه او تسمى فوطه المهم مايكون حجمها صغير اسفنجه او ليفه ناعمه اذا تدورين الاسفنجه الناعمه الطبيعيه في مذركير ب 15 ريال اعتقد واذا اسفنجه اقسى بس عمليه وتنظف من سنتربوينت شامبو / صابون / زيت للجسم / بودره ذات رائحه حلوه/عطر اطفال بدون كحول كرسي للتحميم وبعضهم يشتري الاسفنجه / طاوله لغيار البامبرز او مفرش من سنتربوينت ( للنظافه ) اعواد اذن / اعواد انف / قد يستخدم البعض شفاط للانف بس انا مااستفدت منه/ حفائض واشتري قبل الولاده من بامبرز حديث الولاده مناديل تمسيح فيه جونسون وبامبرز وسيباميل وكلها حلوه وابتعدي عن الارخص وكل يوم نظفي المنطقه بالماء مره واحده اقل شي مقص شعر /مقص أظافر للاهتمام ب سره الطفل قبل سقوطها: مسحه طبيه / ثم بودره السر / ثم ضعي شاش طبي/ثم لفه السر تلاقيها بسنتر بوينت ( للطعام ) رضاعه / جهاز تعقيم الرضاعات او سائل لتعقيم الرضاعات وتلاقيه بالصيدليات الكبار وسنتر بوينت نزله جديد طريقته تحطي الرضاعات بعد غسلها بالصابون والماء في صندوق وتشيلي الحلمات وتضعي ماء مع شوي من المعقمه وتخليه قد ماتقدري من ساعه الى يوم وقبل استخدام الرضعه غسليها بمويه ولاتنسي تغير الحلمات بيت فتره واخرى وكذلك الرضعات الرضعه الزجاج اقل من انبعاث الرائحه الكريهه منها بس ممكن تتعرض للكسر اكثر / لهايه وسلسه كي لاتسقط/ حليب وشوفي حليب خالي من ديت النخيل المسبب لغباء الطفل/ ترمس للماء جربت ترمس من سنتر بوينت ماعجبني و رميته لونه رمادي وفيه رسمه دبدوب ب 35 ريال بس جداااا فاااشل/مقسمات للحليب والافضل اللي يكون كل قسم له فتحه خاصه ( ادويه الطفل) محلول مائي عند انسداد الانف / دنتوكس لغازات البطن / مشروب اليانسون مفيد للغازات/ فنستيل للكحه لانخافي على الطفل كثير وغالبا بيعطيك نفس هذه الادويه وبترجعي البيت بدون فائده بالنسبه للأم:::::::::: تحتاج في فتره النفاس الى ( اللبس ) 1-كلوتات قطن ناعمه وليست ضيقه تلاقيها في طببه او ستي ماكس او اي سوبرماركت وتكون حلوه ومريحه 2-شرابات للتدفئه نفس الاماكن السابقه 3-كلوت يومي من الصيدليه يكون مثل شاش الرول الفائده : بعد الولاده في المستشفى ماتقدري تلبسي اي شي هذا حلو ومريح وبعدها بيومين ممكن تلبسي الكلوت اليومي وفوقه الكلوت القطن علشان لو توسخ يكون على الكلون اليومي وترميه 4-ان كنتي مرضعه ستيان رضاعه وتلاقيها في طيبه من الكوشكات ب 15 ريال وفي طيبه محل الانجري ب 60 ريال وفي سنتر بوينت ب 55 ريال تقريبا ووقت التخفيض ممكن 40 5-مشد للبطن تلاقيه بسنتربوينت 6-فوط صحيه بعد الولاده ويفضل لوتس وياليت تاخذي 4 حبات منها للمستشفى معك 7-قمصان او بجامات مريحه وتصلح للرضاعه واختاري القماش المناسب صيف او شتاء/ لم ترغب باستخدام الشال للشعر او سراويل داخليه للتدفئه ( الحمام ) شامبو / صابون / عطر / مقشر للجسم / كريم مرطب للجسم ( لمنطقه الخيوط ) غسول بيتادين / الملح / كريم ميبو :::: تجهيز شنطه المستشفى::::::: 1-شامبو وصابون وعطر و معطر فم ومزيل عرق وفوطه جسم 2-مسكات للشعر وفرشه واستشوار لمن لاتستغني عنه و اي نوع مكياج ترغبي فيه او مرطب للشفايف 3- قميصان مريحه للنوم بأزارير للرضاعه اعتقد البجامه تضايق البطن واضيفي روب لو شعرتي بالبرد و لبس للضيوف ولاتنسي شبشب دافي 4-الداخليات: كلوت يومي /كلوت قطن /2 ستيان/شراب/سراويل طويله للتدفئه/شال لمن ترغب/فوط صحيه لوتس 4-ضعي عبايه اخرى وماتنسي اوراق الكشف 5- منقوع المره للشمم / ساندوش تفضلينه لان اكل المستشفى ما ينحب وممكن وقتها ماتلاقي وقت للطلب من اهلك المشغولين / ممكن وضع تمر او اي مشروب يانسون وغيره 6- طقمين للطفل بالمهاد ليوم واحد اذا زاد الايام ممكن تحتاجي اكثر ولاتنسي المدس للخروج او عند التقديم للضيوف ملاحظه::: بقاءك في المستشفى اذا طبيعي ممكن يومين ياليت ماتكثري الملابس وتاخذي كل شي حجم صغير و تضغطيه بشنطه واحده من الشهر السابع تكون جاهزه