متى تطلع ؟! على كثر ما قريت وانا حامل إلا اني اكتشفت ان المعلومه ناقصة .. كثير يقولوا رطبي احرصي ع الترطيب والدهن والزيوت زبدة الكاكاو زبدة الشيا وزيت اللوز المر وبايو اويل وانتي حامل وبالفعل ماطلعت خلال الحمل نهائيا ولا ريحة خط.. لكن المعلومه الناقصة اللي هي..الأهم تعرفونها.. ترى تطلع التشققات من نزول الوزن المفاجئ بعد الولادة تخيلي انتي حامل تسع شهور وزن البيبي معك والمشيمه والمويات فجأة ولدتي وطلع الطفل والمشيمه والخ خلال يوم واحد ينزل الوزن منك نزول سريع وانتي والده مافيك تدهنين خلال الثلاث ايام هذي تظهر التشققات بسبب نزول الوزن السريع جداً ..وقيسي ع المثال هذا اللي عاملين تكميم مشابه لحالة الحامل ..هذا الكلام عرفته من دكاتره ومواقع اجنبيه ورياضيين كونهم يمارسون انقاص الوزن ب شكل دائم خصوصاً الرجال لإنهم مايهتمون بالترطيب كثر البنات وبإمكانكم تبحثون اكثر وتتأكدون من المعلومة .. ف يا حوامل ياحلوات لا ولدتي بالسلامة خذي معك زيوتك وحاجاتك للترطيب وحاولي قد ما تقدرين وانتي بالمستشفى ترطبي جلدك قد ماتقدرين لا تخلينه جاف ولا تحكين واذا مافيك حطي الزيت ب علبة رش وخلي اختك او الممرضة تساعدك ترش الزيت ع اهم الاماكن اللي تمدد مثل البطن كامل اعلى الفخذين بين الفخوذ بطات الرجول جوانبك ظهرك صدرك المؤخرة .. احتياطاً منك كل الجسم لكن هذي اهم الاماكن ، ياليت احد نصحني هالنصيحه ارجوكم لا تهملون الترطيب حتى بعد الولادة استمري عليه💜واخيراً الاجسام تختلف طبيعتها واللي يحصل معك ربما ما يحصل مع غيرك لكن حبيت اعطي المعلومه الناقصه اللي المعظم يقولوا رطبنا وطلع فينا خطوط . اتمنى تستفيدوا 🌸.