مرحبا صبايا انا حامل بالأسبوع 13 . أمس اجاني وجع كلاوي بالنهار حكيت اكيد من الحمل مافي شي صارت الساعه 3 المسا زاد الوجع رحت عند دكتورة عامه وصفتلي دوا شربت بس ماستفدت و حكتلي كثير مي كنت عند امي و قاعدة اتمسخر و اضحك و نكت و الوجع موتني بس انا بطبعي قويه أتحمل الوجع مابحب حدا يشوفني عاني . المهم اجا جوزي و صار بدي نام زاد الوجع ل ساعه 3 الصبح ماحسنت لا نام لا على جنبي لا على ظهري بقعد بموت المهم دقت ساعه 3 صرت اتخبط رحت عالتخت و قعدت صرت اتنفس بسرعه زحطت و اغمى علي و ببكي من الوجع و قلبي يخفق مو حاسة شو صاير حولي قام جوزي شالني قلي ثقلتي و ارتخيتي ماعاد حسنت شيلك و حطني عالفرشه و دق لأمي يحكيلها مرتي نور عم تموت تعو ناخذها عالاستعجالات و انا كنت حاطه حمرا المسا ماتنشال لو ليفت شفايفي ههه و كحله عربيه .جوزي سترني و لبسني و الله مو مبين علي مرضانه وجهي مشرق و حمرة خفيفه و كحله ههه بس المشكله محني ظهري كانو عجوز بالغابرين ظهري مقسوم و دموع بعيوني مو حاسة من كتر الوجع ركبنا السياره و أنطلقنا انا و امي و ابي و جوزي وصلت لقيت رجال بس عطوني حقنه و الله كانو عطاها لحيوان .. رحنا مشان نعمل إيكو للكلية مافي في مستشفى خاص .رجعت عالبيت ساعه 5 الصبح كلهم قتلانين من النعس .نمنا ساعه و فقت ركض عدكتوره اخصائيه حكتلي شبكي حكيتلها عندي وجع كليه و انا حامل صارت تضرب رأسها حكتلي منغوخه حكيتلها اي حكتلي ابدا ماتشربي مي ابدا أكثر شي 3 كؤوس مي لانو مو منيح يجيكي وجع خطر اجهاض انا كنت شابه 3 لتر هههه . سوتلي إيكو حكتلي راح النفخ و زال الخطر لانو كان في بحصه هي مسكره قنوات لي تصرف البول و بس تشربي مي كتير بتنتفخ بزياده الكليه و يزيد وجعك كلو خطر لو مو حامل ماعليكي يمكن سبب مشان تنزل .الحمدلله مر كلشي على خير عطتني تحاليل و راح اعملهم لس في وجع و بمشي كانو الي حدبه باسفل ظهري وجع مو طبيعي الله يعافيكم . أدعولي الله يشفيني و شوف ابني سالم غانم . نصيحه اعملو إيكو لهي الأمراض لانو مابتعرفو من وين يجيكم الاذى مين كان يحكي انو هيك راح يصير فيني ماكان فيني شي و كليتي كانت صافية .. بس الحمدلله البحصه نزلت من دون آثار جانبية و بيبي منيح ..