السلام عليكم ورحمة الله وبركاته .. شلونكم صبايا .. احكيكم عن قصتي .. طبعا تزوجت ورزقني ربي انو احمل بـ اول سنه من زواجي مرت الشهور الاولى تعب ومرض واحساس جاف جدا ماعرفت شلون اتصرف وماعندي الخبره في الحمل .. لكن مجرد ماتحرك جنيني راح التعب وبديت احس بـ الامومه اللي كنت اسمع عنها دايم مرت الشهور وكنت فرحانه فيه وكانت فرحتي ما اعطيها لـ احد كان عندي للاسف سكر حمل وبسبب اهمال الدكتوره ماقالت لي عنه مع ان فحوصاتي وكل شي اسويه بس ناس همهم الفلوس وبس ..مرت الشهور وجاء شهري التاسع ومن سوء حظي مافي خبره كان الجنين يتحرك بس الحركه اللي المفروض يتحركها مرت الايام وكنت اذا جيت انام احس بطني يميل معي على سريري وماعرفت انه خطير هالشيء رحت المستشفى عقب جاني طلق خفيف وكشفو علي وقالو لي بكل دم بارد جنينك مات .. جاني انهيار وقتها وما اذكر شنو كنت اقول بس ربي فوق الطف بعباده خبرت زوجي وامي وخالتي وكانت صدمه لهم وبعد المستشفى اللي تعذبت فيه الف مره .. حطو لي طلق صناعي استمر ثلاث ايام وولدت طبيعي الحمدلله وشوهو لي جنيني وكان ولد وسميته تميم .. كانت ايام صعبه جدا جدا بعد ماشميت ريحته وحضنته ربي نزل على السكينه وانحبست دموعي وتفجرت من جوى الف مره .. مات تميم الله يرحمه ويكون لي شفيع ولـ ابوه ان شاء الله .. والحمدلله انا الحين بحملي الثاني وقررنا بهالحمل نتخطى كل الامور اللي حصلت بالحمل الاول ونغطي الثغره اللي صارت بعد تميم مع انه اعرف اني حي بيننا بس عشان الجرح يلتئم .. انا بشهري الثالث وربي يجعله من نصيبنا ويرزقكم الذريه الصالحه والخلقه التامه لهم والسليمه والمعافاه يارب امين .. ما حكيكم اختارو الدكتوره او الدكتور اللي سمعته طيبه وعنده ضمير و ثقو بالله سبحانه انه مهما اخذ راح يعطي شيء مايكون بالحسبان ❤🍃